¹ ۱۔ پس میں جو خداوند اِچ قیدی ہا ں تُہاڈے اگے منّت کریندا ہاں کہ جیہڑے بلاوے نال تُساں بلائے گئے ہاوے اوُندے لائق چال چلو۔ ² ۲۔ یعنی کمال فروتنی تے حلم دے نال تحمل کر کے محبت دے نال ہِک ڈوجھے دی برداشت کرو۔ ³ ۳۔ اَتے اِیں کوشش اِچ راہو کہ روُح دی یگانگت صُلح دے نال بدھی راہوے۔ ⁴ ۴۔ ہک ای بدن ہے تے ہِک ای روُح ۔چنانچہ تُساں جو بلائے گئے ہاوے اپنے بلائے ونجن تے اُمید وی ہِک ای ہِے۔ ⁵ ۵۔ ہِک ای خداوند ہِے۔ ہِک ای ایمان۔ ہِک ای بپتسمہ۔ ⁶ ۶۔ اَتے ساریاں دا خدا تے باپ ہِک ای ہِے۔ جیہڑا ساریاں دے اُتے تے ساریاں دے درمیان تے ساریاں دے اندر ہِے۔ ⁷ ۷۔ اَتے ساڈے وچوں ہر ہِک تے مسیح دی بخشش دے اندازہ دے موافق فضل تھیا ہِے۔ ⁸ ۸۔ اِیں کیتے اوُں فرمائے کہ جڈاں اوہ آسمان تے چڑھے تاں قیدیاں کوُ نال گھِن گیا اَتے بندیاں کوُ انعام ڈِتے۔ ⁹ ۹۔ (اوُندے چڑھن دے نال بیئا کیا پایا ویندہ ہِے سِوا ایندے کہ اوہ زمین دے تھلے دے علاقے وِچ وی اُترا ہائی؟ ¹⁰ ۱۰۔ اَتے اِے اُترن آلا اؤو ہے جیہڑا ساریاں آسماناں توں وی اُتے چڑھ گیا تاں جو ساریاں شئیاں کوُ معمور کرے)۔ ¹¹ ۱۱۔ اَتے اوُں نے ای بعض کوُ رسول تے بعض کوُ مُبشّر تے بعض کوُ چرواہا تے اُستاد بنا کر ڈے ڈِتے۔ ¹² ۱۲۔ تاکہ پاک بندے کامل بننتے خدمت گذاری دا کم کیتا ونجےتتے مسیح دا بدن ترقّی پاوے۔ ¹³ ۱۳۔ جڈاں تائیں اساں سارے دےسارے خدا دے پُتر تے ایمان تے اوُندی پچھان اِچ ہک نہ تھی ونجو تے کامل انسان نہ بنوں یعنی مسیح دے پورے قد دے اندازہ تک نہ پہنچ ونجو۔ ¹⁴ ۱۴۔ تاں جو اساں بچے نہ راہوں اَتے بندیاں دی بازیگری تے مکاری دے پاروں اُنہاں دے گمراہ کرن آلے منصوبیاں دی طرفوں ہر ہک تعلیم دے جھونکے نال موجاں دی کار اُچھلدے تے وگدے نہ پھروں۔ ¹⁵ ۱۵۔ بلکہ محبت دے نال سچائی تے قائم رہ کہ تے اُندے نال جیہڑا سر ہِے یعنی مسیح دے نال جُڑ کے ہر طرح نال ودھدے جاؤں۔ ¹⁶ ۱۶۔ جیندے نال سارا بدن ہر ہِک جوڑ دی مدد دے نال جُڑ کے تے بَدھ کے اوُں تاثیر دے موافق جو ضرورت دے موافق ہر حصہ تھیندی ہِے اپنے کوُ ودھاندا ہِے تاں جو محبت اِچ اپنی ترقّی کریندا ونجے۔ ¹⁷ ۱۷۔ اِیں کیتے میں اِے آدھا ہاں تے خداوند اِچ ڈسیندا ہاں کہ جئیں کار غیر قوماں اپنے بیہودہ خیالات دے موافق چلدی ہِن تُساں ہُن توں اِیں کار نہ چلنا۔ ¹⁸ ۱۸۔ کیونکہ اُنہاں دی عقل اندھارہ تھی گئی ہِے اَتے اوہ اوُں نادانی دے پاروں جو اُنہاں وِچ ہِے اَتے اپنے دِلاں دی سختی دے پاروں خدا دعی زندگی توں کڈھ ڈِتے گئے ہِن۔ ¹⁹ ۱۹۔ اُنہاں نے سُن تھی کے شہوت پرستی کوُ اختیار کیتے تاں جو ہر طرح دے گندے کم حرص نال کرَن۔ ²⁰ ۲۰۔ پر تُساں مسیح دی ایہو جئی تعلیم پائی ہِے۔ ²¹ ۲۱۔ بلکہ تُساں اوُں سچائی دے مطابق جیہڑی یسوع مسیح دے وِچ ہِے اوُں دی سُنی تے اوُندے وِچ ایہہ تعلیم پائی ہوسی۔ ²² ۲۲۔ کہ تُساں اپنے اگلے چال چلن دی اوُں پُرانی انسانیت کوُ اُتار سَٹو جیہڑی فریب دی شہوت دے پاروں خراب تھیندی ویندی ہِے۔ ²³ ۲۳۔ اَتے اپنی عقل دی روحانی حالت اِچ نویں بن دے ونجو۔ ²⁴ ۲۴۔ اَتے نویں انسانیت کوُ پا گھِنو جو خدا دے مطابق سچائی دی راستبازی تے پاکیزگی اِچ پیدا کیتی گئی ہِے، ²⁵ ۲۵۔ پس کوُڑ بولنا چھوڑ کے ہر ہِک بندہ اپنے گواہنڈی دے نال سچ بولے کیونکہ اساں آپس اِچ ہِک ڈوجھے دے حصے ہئیں۔ ²⁶ ۲۶۔ غصہ تاں کرو پر گناہ نہ کرو۔ سِجھ دے ڈوبن تک تُہاڈی ناراضگی نہ رہے۔ ²⁷ ۲۷۔ اَتے ابلیس کوُ موقع نہ ڈیوو۔ ²⁸ ۲۸۔ چوری کرن آلا ولا چوری نہ کرے بلکہ چنگا پیشہ اختیار کرکے ہتھاں نال محنت کرے تاکہ مُحتاج کوُ ڈیون کیتے اوُندے کول کجھ ہووے۔ ²⁹ ۲۹۔ کوُئی گندی گالہہ تُہاڈے مُنہ وِچوں نہ نکلے بلکہ اوہو جو ضرورت دے موافق ترقّی کیتے چنگی ہووے تاں جو اوُندے فضل سُنن آلیاں تے فضل تھیوے۔ ³⁰ ۳۰۔ اَتے خدا دے روُح کوُ اُداس نہ کرو جیندے پاروں تُہاڈے تے نجات دے ڈِیں کیتے مُہر تھئی۔ ³¹ ۳۱۔ ہر طرح دی تلخ مزاجی تے قہر تے غصہ تے شوروغُل تے بدگوئی ہر طرح دی بدخواہی سمیت تُہاڈے وِچوں دوُر کیتیاں ونجن۔ ³² ۳۲۔ اَتے ہِک ڈوجھے تے مہربان تے نرم دِل تھیوو تے جئیں طرح خدا نے مسیح وِچ تُہاڈے قصور معاف کیتے ونجن تُساں وی ہِک ڈوجھے دے قصور معاف کرو۔