1
۱۔ اِیں پاروں میں پولُس تُساں غیر قوم آلیاں دی خاطر مسیح یسوع دا قیدی ہاں۔
2
۲۔ شاید تُساں خدا دے اوُں فضل دے انتظام دا حال سُنا ہوسی جیہڑا تُہاڈے کیتے میڈے تے تھئے
3
۳۔ یعنی اِے کہ اوہ بھید میکوُ مکاشفہ توں معلوم تھئے۔ چنانچہ میں پہلے وی اوُں دا مختصر حال لکھا ہا۔
4
۴۔ جیکوپں پڑھ کے تُساں معلوم کر سگدے ہیوے کہ میں مسیح دا اوہ بھید کس حد تاک سمجھدا ہاِ۔
5
۵۔ جیہڑا بئے زمانیاں وِچ بنی آدم کوُ ایویں معلوم نہ تھیا ہا جیویں اوُندے مُقّدس رسولاں تے نبیاں تے روُح اِچ ہُن طاہر تھی گیا ہِے۔
6
۶۔ یعنی اِے کہ مسیح یسوع وِچ غیر قوماں خوشخبری دے وسیلے نال میراث اِچ شریک تے بدن اِچ شامل تے وعدہ اِچ داخل ہِن۔
7
۷۔ اَتے خدا دی اوُں بخشش نال جیہڑی اوُں دی قدرت دی تاثیر دے نال میڈے تے تھیا میں اِیں خوشخبری دا خادم بنا۔
8
۸۔ میڈے تے جیہڑا سارے مقدساں اِچوں چھوتے توں چھوٹا ہاں ایہہ فضل تھیا کہ میں غیرقوماں کوُ مسیح دی عقل اِچ نہ آون آلی دولت دی خوشخبری ڈیواں۔
9
۹۔ اَتے ساریاں تے ایہہ گالہہ روشن کراں کہ جو بھید شروع توں ساریاں شئیاں پیدا کرن آلے خدا اِچ لُکیا ہویا ہا اوُں دا کیا انتظام ہِے۔
10
۱۰۔ تاں جو ہُن کلیسیا دے وسیلے نال خدا دی طرح طرح دی حکمت اُنہاں حکومت آلیاں تے اختیار آلیاں کوُ جیہڑے آسمانی مقاماں اِچ ہِن معلوم تھی ونجے۔
11
۱۱۔ اوُں ازلی ارادہ دے مطابق جو اوُں نے ساڈے خداوند مسیح یسوع اِچ کیتا ہا۔
12
۱۲۔ جیندے اِچ ساکوُ اوُندے تے ایمان رکھن دے پاروں دلیری ہِے اَتے بھروسے دے نال پہنچ۔
13
۱۳۔ پس میں درخواست کریندا ہاں کہ تُساں میڈی اُنہاں مصیبتاں دے پاروں جو تُہاڈی خاطر برداشت کریندا ہاں ہمت نہ ہاروکیونکہ اوہ تُہاڈے کیتے عزت دا باعث ہِے۔
14
۱۴۔ اِیں پاروں میں اوُں باپ دے اگے گوڈے ٹیکدا ہاِں۔
15
۱۵۔ جیندے توں آسمان تے زمین دا ہر ہک خاندان اکھواندا ہِے۔
16
۱۶۔ کہ اوہ اپنے جلال دی دولت دے موافق تُہاکوُ ایہہ عنایت کرے کہ تُساں اوُں دے روُح نال اپنی اندرونی انسانیت اِچ بہوں ای زور آور تھی ونجو۔
17
۱۷۔ اَتے ایمان دے وسیلے نال مسیح تُہاڈے دلاں وِچ راہوے تاں جو تُساں محبت اِچ جڑ پکڑ کے اَتے بنیاد قائم کر کے۔
18
۱۸۔ سارے مقدساں سمیت پوری طرح نال پتا کر سگو کہ اوُندی چوڑائی تے لمبائی تے اونچائی تے گہرائی کتنی ہِے۔
19
۱۹۔ اَتے مسیح دی اوُں محبت کوُ جان سگو جو جانن توں باہر ہِے تاں جو تُساں خدا دی ساری معموری تک معمور تھی ونجو۔
20
۲۰۔ ہُن جو ایہو جیا قادر ہِے کہ اوُں قُدرت دے موافق جیہڑی ساڈے وِچ تاثیر کریندی ہِے ساڈی درخواست تے خیال توں بہوں زیادہ کم کر سگدے۔
21
۲۱۔ کلیسیا اِچ اَتے مسیح یسوع اِچ پُشت در پُشت تے ہمیشہ تک اوُندی تمجید تھیندی راہوے۔ آمین۔