¹ ۱۔ پولُس نے صدرِعدالت دے لوگاں دے پاسے ڈیکھیا تے اکھیا، " بھراوؤ میں اَج دے ڈیں تائیں خدا دے نال دینداری دے نال سادہ زندگی گزاری ہِے"۔ ² ۲۔سردارکاہن حننیاہ نے اپنے کول کھڑے ہوئے بندیاں کوُ آکھیا کہ ایندے مُنہ تے تھپڑ مارو۔ ³ ۳۔ تاں پولُس نے اوُں کوُ آکھیا ایہ سفیدی پھری ہوئی کندھ خدا تیکوُ مریسی۔ کیا تُوں شریعت دے مطابق میڈا انصاف کرن کیتے بیٹھا ہئیں، پر توں وی میکوُ شریعت دے خلاف مارن دا حکم ڈیندا ہیئں؟۔ ⁴ ۴۔ جیہڑے اوُندے کول کھڑے ہَن اُنہاں نے آکھیا،" کیا اِیں طرح تاں تُوں خدا کیتے مقرر سردارکاہِن دی بےعزتی کریندا ہیئں؟ ⁵ ۵۔ پولُس نے آکھیا،" بھراوؤ میکوُ پتا نہ ہائی کہ اوہ سردار کاہن ہِے۔ کیونکہ لکھا لاتھے کہ تُساں اپنے لوگاں تے مقرر اختیار آلیاں دے بارے وِچ کجھ مندا نہ بولو۔ ⁶ ۶۔ جیہڑے ویلے پولُس نے ڈیکھیا کہ صدرِعدالت وِچ ہِک پاسے صدوقیاں دا گروہ اَتے ڈوجھے پاسے فریسی ہِن تاں اُچی آواز نال آکھن لگا۔" بھراوؤ میں ہِک فریسی ہاِ اِتے فریسیاں دا پُتر ہاں اَتے مُردیاں دے زندہ تھیؤن تے یقین رکھن دے پاروں میڈی عدالت تھیندی پئی ہِے۔ ⁷ ۷۔ جیہڑے ویلے اوُں نے ایہہ آکھیا تاں صدوقی تے فریسی آپس وِچ بحث کرن لگ پئے تے مجمعےاِچ وَنڈ پئے گئی۔ کیوں جو صدوقی آدھے ہَن۔ ⁸ ۸۔کہ نہ تاں کوُئی قیامت ہِے، نہ فرشتے اَتے نہ ہی روحاں، جڈاں کہ فریسیاں دا مننا ہِے کہ ایہہ موجود ہِن۔ ⁹ ۹۔ وَل بہوں شور مچے اَتے فریسیاں وچوں کجھ فقیہاں نے اُٹھ کے بحث چا کیتی تے آکھن لگے،" اساں اِیں بندے وِچ کوُئی قصور نئیں پایا۔ تاں کیا تھیا جو کئیں فرشتے یا روح نے ایندے نال گالھ کیتی ہِے؟۔ ¹⁰ ۱۰۔ جیہڑے ویلے اُتھاں بہوں زیادہ بحث تھیون لگ پئی تاں پلتن دے سردار کوُ ڈر لگن لگ پئیا جو کِتھائیں اوہ پولُس دے ٹوٹے ای نہ کر چھوڑن، تاں اوُں نے اپنے سپاہیاں کوُ حکم ڈِتا کہ تھلے ونجو اَتے زبردستی پولُس کوُ مجمع وچوں کڈھ کے قلعہ وچ گھِن آؤ۔ ¹¹ ۱۱۔ اوُں رات خداوند اوندے کول آکھڑا تھیا تے آکھیا،" ڈر نہ، جیویں تُوں میڈی گواہی یروشلیم وِچ ڈِتی ہائی اوُں ویں ہی تُو رومہ وِچ وی میڈا گواہ ہوسیں"۔ ¹² ۱۲۔ جیہڑے ویلے ڈیں تھیا تاں کجھ یہودیاں نے ہِک تھی کے اپنے آپ تے لعنت منگ کے قسم کھادی تے آکھیا کہ جڈاں تائیں اوہ پولُس کا مار نہ ڈیون اساں کجھ نہ کھاسوں نہ پی سوں۔ ¹³ ۱۳۔ جنہاں نے ایہہ سازش بنائی ہائی اوہ چالہی تھوں زیادہ بندے ہَن ¹⁴ ۱۴۔ اوہ سردار کاہناں تے بزرگاں دے کول گئے اَتے آکھیا،" اساں وڈی لعنت دی قسم کھادی ہِے کہ جڈاں تائیں پولُس کوُ مار نہ ڈیسوں کجھ نہ کھاسوں۔ ¹⁵ ۱۵۔اِیں کیتے ہُن صدرِعدالت کوُ آکھو کہ اوہ پلتن دے سردار کوُ اوُں کوُ تھلے تُہاڈے کول گھن آؤن دا آکھے، اِیں بہانے نال کہ تُساں بئی باریک بینی نال ایندے معاملے دا فیصلہ کرنا چاہندے ہیوے۔اَتے جتھاں تک ساڈی گال ہِے اسزں اینکوُ اِتھاں پہنچن کولوں پہلے ہی مار سٹن کوُ تیار ہیئں۔ ¹⁶ ۱۶۔پولُس دے بھانجے نے سُنیا کہ اوہ اینکوُ مارن کیتے بیٹھے ہِن تاں گیا تے قلعے دے اندر ونج کے پولُس کو ڈسایا۔ ¹⁷ ۱۷۔ پولُس نے صوبے داراں وِچوں ہِک کوُ سڈایاتے آکھیا،" اِیں جوان کوُ پلٹن دے سردار کول گھن ونجو، ایندے کول اوُں کوُ ڈساؤن کیتے کجھ ہِے"۔ ¹⁸ ۱۸۔وَل اوہ صوبہ دار اوُں جوان کوُ گھن گیا اَتے اوُں کوُ پلٹن دے سردار دے کول ونج کے آکھیا،" قیدی پولُس نے میکوُ اپنے کول سڈایا اَتے آکھیا کہ میں ایں جوان کوُ تُہاڈے کول گھن آؤاں ایندے کول تُہاکوُ ڈساون کیتے کجھ ہِے"۔ ¹⁹ ۱۹۔ن دا سردار اوُں جوان کوُ علیحدگی اِچ گھن گیا اَتے اوُں دے کولوں پُچھیا،" اوہ کیا ہِے جو تُوں میکوُ ڈسنا چاہندا ہیئں؟"۔ ²⁰ ۲۰۔ اوُں جوان نے آکھیا،" یہودیاں نے صلاح کیتی ہِے کہ اوہ تیکوُ پولُس کوُ کل صدرِعدالت وِچ گھن آون دا آکھسن ایہہ ظاہر کر کے کہ اوہ اِیں مقدمے کوُ بئی باریکی نال جانچنا چاہندے ہِن۔ ²¹ ۲۱۔ پر تُوں اُنہاں دی نہ سننا کیونکہ چالہی تھوں زیادہ بندے ایہو جئے ہِن جیہڑے اوندی گھات اِچ بیٹھے ہِن، اُنہاں نے لعنت دی قسم کھادی ہِے کہ جڈاں تائیں اوہ اوُں کوُ قتل نہ کر گھنن نہ تاں کجھ کھاسن تے نہ پیسن۔ اوہ ہُن تیار ہِن اَتے تیڈی طرفوں اجازت چاہندے ہِن۔ ²² ۲۲۔ پلٹن دے سردار نے اوُں جوان کوُ ہدایت کرن دے بعد ونجن ڈِتا کہ" کئیں کوُ نہ ڈساویں کہ تُوں ایہہ گالہیں میڈے نال کیتیاں ہِن"۔ ²³ ۲۳۔ وَل اوُں نے صوبےداراں وِچوں ڈوُ کوُ اپنے کول سڈایا تے آکھیا۔" ڈوُ سو سپاہیاں کوُ قیصریہ تک ونجن کیتے تیار کرو اَتے اُنہاں دے نال ستر گھڑ سوار تے ڈوُ سو نیزے آلے وی ہوؤن۔ اَتے تُساں رات دے تریجھے پہر روانہ تھیوائے۔ ²⁴ ۲۴۔ اوُں نے اُنہاں کوُ ایہہ وی حکم ڈِتا کہ پولُس دی سواری کیتے وی جانور مہیا کیتے ونجن اَتے اوُں کوُ حفاظت دے نال گورنر فیلکس دے کول گھن ونجو۔ ²⁵ ۲۵۔ وَل اوُں نے ہِک خط ایویں لکھا۔ ²⁶ ۲۶۔ کلودیس لُوسیاس دے بہادر حاکم فیلکس کوُ سلام۔ ²⁷ ۲۷۔ اِیں بندے کوُ یہودیاں نے نپیا اَتے اوہ اوُں کوُ قتل کرنا چاہندے ہَن پر جیہڑے ویلے میکوُ پتہ چلے کہ اوہ رومی شاہری ہِے تاں میں اپنے سپاہیاں دے نال اوُں کوُ اُتھوں کڈھیا ہِے۔ ²⁸ ۲۸۔ میں جاننا چاہندا حامی کہ اوہ اُندے تے کیوں الزام لیندے ہین اِیں کیتے اوُں کوُ اُنہاں دی صدرِعدالت دے سامنے گھن گیا۔ ²⁹ ۲۹۔ میکوُ پتا چلا کہ اِیندے تے اپنے شرعی مسائل دے تعلق نال الزام ہِے، پر اِیندے خلاف کوُئی وی ایہو جیہا الزام نئیں کہ اینکوُ مروایا یا قید کیتا ونجے۔ ³⁰ ۳۰۔ وَل میکوُ پتا چلا کہ اِیں بندے دے خلاف سازش کیتی ویندی پئی ہِے، تاں میں اینکوُ جلدی نال تیڈے کول بھیج ڈِتے اَتے ایندے خلاف مدعیوں کوُ وی اپنے اعتراضات دے نال تیڈے کول حاضر ہوؤن، تیڈی خریت ہوئے!۔ ³¹ ۳۱۔ پس سپاہیاں نے اُنہاں دے احکامات منے، اُنہاں نے رات کوُ پولُس کوُ انتیپترس پہنچا ڈِتا۔ ³² ۳۲۔ اگلے ڈِیں اوہ گھڑ سواراں کوُ اوُں دے نال ونجن کیتے چھوڑ کے آپ واپس قلعہ کوُ لگے گئے۔ ³³ ۳۳۔ جیہڑے ویلے گھڑ سوار قیصریہ پہنچے تاں اُنہاں نے گورنر کوُ پَتر ڈِتا اِیں دے بعد پولُس کو وی پیش کیتا۔ ³⁴ ۳۴۔ جیہڑے ویلے گورنر نے اوہ پَتر پڑھیا، تاں اوُں نے پُچھیا کہ پولُس کیہڑے صوبے تھوں ہِے۔ جیہڑے ویلے اوُں کوُ پتا لگے کہ اوہ کلکیہ دا راہن آلا ہِے۔ ³⁵ ۳۵۔ اوُں نے آکھیا، میں تیکوُ پورے طور تھوں اوُں ویلے سُنساں جیہڑے ویلے تیڈے مدعی اِتھاں آ ویسن۔ اَتے اوُں کو ہیرودیس دے قلعے وِچ قید رکھن دا حکم ڈِتا۔