¹ ۱۔ پنج ڈیہاں بعد سردار کاہن حننیاہ، کجھ بزرگ تے ترطُلس اپنے وکیل دے نال اُتھاں گئے۔ ایہہ بندے پولُس دے خلاف اپنے اعتراضات دے نال گورنر دے سامنے حاضر تھئے۔ ² ۲۔ جیہڑے ویلے پولُس گورنر دے سامنے پیش تھیا تاں ترطُلس ایندے تے الزام لاون لگا اَتے گورنر کوُ آکھیا،" تیڈی وجہ تھوں اساں وڈے امن وِچ ہیئں اَتے تیڈی عقلمندی ساڈی قوم کیتے چنگائی دا باعث ہِے۔ ³ ۳۔ پس اے معتبر فیلکس اساں ہر اوُں کم دا جو تُوں کریندا ہیئں وڈی شکرگزاری دے نال خیر مقدم کریندے ہیئں۔ ⁴ ۴۔ تیکوُ بئیا تنگ کیتے بغیر میں منت کریندا ہاں کہ مہربانی دے نال توں میڈی چھوٹی جئی درخواست کوُ سُن گھن۔ ⁵ ۵۔ اساں اِیں بندے کوُ ہمیشہ فساد کرن آلا ہی ڈِٹھا ہِے اَتے ایہہ ساریاں جاہواں تے راہن آلے یہودیاں وِچ تفرقے پیدا کریندا ہِے۔ ایہہ ناصری گروہ دا سربراہ ہِے۔ ⁶ ۶۔ اِیں نے ہیکل دی بےحرمتی کرن دی کوشش وی کیتی، اِیں کیتے اساں اینکوُ گرفتار کر گِدا ہِے،" اساں ایندی عدالت شریعت دے مطابق کرنا چاہندے ہاسے۔ ⁷ ۷۔ پر معزز لوُسیاس زبردستی اِیں کوُ ساڈت ہتھاں وچوِ چھڑوا کے گھن گیا۔ ⁸ ۸۔ اَتے ساکوُ تیڈے کول بھیج ڈِتا۔ جڈاں تُوں پولُس تھوں سوال کریسیں تاں تیکوُ وی پتا لگ ویسی کہ اساں اِیندے تے کیوں الزام لیندے پئیں ہیئں۔ ⁹ ۹۔ یہودی وی پولُس تے الزام لاون لگے اَتے آکھیا کہ ایہہ گالہیں سچ ہِن۔ ¹⁰ ۱۰۔ جیہڑے ویلے گورنر نے پولُس کوُ بولن دا اشارہ کیتا تاں پولُس نے جواب ڈِتا،" میں جان دا ہاں کہ تُوں بہوں سالاں تھوں اِیں قوم دا منصف ہیئں اِیں کیتے میں وی تسلی نال اپنی دلیل تیڈے سامنے پیش کریندا ہاں۔ ¹¹ ۱۱۔ تُوں تحقیق کروا کے پتا کرا سکدیں کہ میکوُ یروشلیم اِچ عبادت کیتے گئے بارہ ڈِیں تھوں زیادہ عرصہ نئیں تھیا۔ ¹² ۱۲۔ اَتے جیہڑے ویلے اُنہاں نے میکوُ ہیکل وِچ ڈیکھیا، تاں میں وی کئیں قسم دی بحث نئیں کیتی، میں نہ ہی عبادت خانیاں وِچ تے نہ ہی شاہر وِچ بندیاں کوُ بھڑکایا ہِے۔ ¹³ ۱۳۔ ا۔تے جیہڑے الزامات میڈے تے تیڈے سامنے لیندے پئے ہِن ایہہ اِنہاں کوُ ثابت نئیں کر سگدے۔ ¹⁴ ۱۴۔ پر میں تیڈے سامنے اِیں گالھ دا اقرار کریندا ہاں کہ جئیں کوُ اوہ بدعت آدھے ہِن میں اِیں دے مطابق اپنے آباؤاجداد دے خدا دی عبادت کریندا ہاں۔ میں ہر اِیں گالھ دا جیہڑی شریعت تے انبیاء دے صحائف اِچ لکھی لاتھی ہِے وفادار ہاں۔ ¹⁵ ۱۵۔ اُنہاں دی طرح میڈا بھروسہ وی خدا تے ہِے اَتے جیویں ایہہ بندے مُردیاں دی قیامت تے نیک تے بُریاں دی عدالت دے منتظر ہِن اوُں وے ای میں وی ہاں۔ ¹⁶ ۱۶۔ اَتے میں کوشش کریندا ہاں جو اِنہاں ساریاں شئیاں دے تعلق نال میڈا ضمیر خدا تے بندیاں دے سامنے بے الزام ٹھہرے۔ ¹⁷ ۱۷۔ ہُن بہوں سالاں بعد میں آیا کہ اپنی قوم کیتے مدد تے عطیات گھن آواں۔ ¹⁸ ۱۸۔ جیہڑے ویلے میں ایہہ کیتا تاں آسیہ دے کجھ یہودیاں نے میکوُ شور شرابے وِچ یا ہجوم وِچ نئیں بلکہ ہیکل دے اندر پاکیزگی دی رسم دے ویلے پکڑیا۔ ¹⁹ ۱۹۔ اَتے چاہیدا ہِے کہ اوہ مرد تیڈے حضور پیش ہوون اَتے اوہ کڈائیں اگر اِنہاں دے کول میڈے برخلاف کجھ آکھن کوُ ہِے۔ ²⁰ ۲۰۔ ایہہ بندے ڈساون کہ یروشلیم اِچ عدالت دے دوران اُنہاں نے میڈے وِچ کیا قصور لبھے۔ ²¹ ۲۱۔ سوائے اِیں ہک گالھ دے جیہڑی میں اُچی آواز نال صدرِعدالت اِچ اِنہاں دے وِچ کھڑے تھی کہ آکھی "کہ اَج تُساں میڈی عدالت مُردیاں دی قیامت دے پاروں کریندے پئے ہو۔ ²² ۲۲۔ فیلکس مسیحی شریعت دے بارے وِچ میں چنگی طرح جان دا ہاں اِیں کیتے میں یہودیاں کوُ انتظار کروائے۔ اوُں نے آکھیا " جڈاں وی سردار لوسیاس یروشلیم تھوں آسی تاں میں تُہاڈے مقدمے دا فیصلہ کریساں"۔ ²³ ۲۳۔ وَل اوُں نے صوبےدار کوُ حکم ڈِتا کہ پولس کوُ قید اِچ رَکھ، پر اوُندے نال رعایت کرائے اَتے کوُئی اوُندے دوستاں کوُ اوُں کوُ مِلن یا اوُندی خدمت کرن تھوں نہ روکے۔ ²⁴ ۲۴۔ کجھ ڈیہاں بعد فیلکس اپنی ذال دُروسلہ دے نال واپس ولیا جیہڑی یہودی ہائی اَتے اوُں نے پولُس کو سڈایا ا اَتے اوندے کولوں مسیح یسوع تے ایمان دے بابت سُنیا۔ ²⁵ ۲۵۔ پر جیہڑے ویلے پولُس نے اوُں کوُ راستبازی، ضبطِ نفس اَتے آون آلی عدالت دے بارے ڈسایاتاں فیلکس بہوں ڈر گیا اَتے جواب ڈِتا،" ہالی تُوں لگا ونج میں وَلا تیکوُ سڈیساں۔ ²⁶ ۲۶۔ اِیں دوران اوہ اِیں اُمید دے نال کہ پولُس اوُں کوُ روپے ڈیسی کئی وار اوُں کوُ سڈیندا اَتے اوُں دے نال گالھ کریندا ہا۔ ²⁷ ۲۷۔ پر ڈُو سال لنگھ گئے اَتے فیلکس دی جاہ تے پرکیس فیتس گورنر مقرر تھیا۔ چونکہ فیلکس یہودیان دی حمایت حاصل کرنا چاہندا ہا اِیں کیتے اوہ پولُس کوُ قیدوِچ ہی چھوڑ گیا۔