1
۱۔ میڈے بھراؤو تے بزرگو، میڈی دلیل کوُ سنو جو تُہاکوُ ڈیون کوُ ہاں۔
2
۲۔ جیہڑے ویلے لوگاں دے ہجوم نے سُنیا کہ پولُس اُنہاں دے نال عبرانی زبان وِچ گالھ کریندا پئے تاں اوہ چُپ تھئی گئے، اوُں نے آکھیا۔
3
۳۔ میں ہِک یہودی ہاں جیہڑا کلکیہ دے علاقے ترتیس وِچ جمیا ہاں۔ پر تعلیم ایں شاہر وِچ گملی ایل دے پیراں اِچ حاصل کیتی، میکوُ ساڈے آباؤ اجداد دے سخت طریقے دے مطابق شریعت سکھائی گئی، اَتے جیویں اَج تُساں ہو اوںوے اِی میں وی خدا کیتے جنونی ہاں۔
4
۴۔ میں موت دی انتہا تک مسیحیاں کوُ ڈُکھ ڈیندا، مرداں تے عورتاں کوُ بنھ کے قید اِچ سٹیندا ہا۔
5
۵۔ سردار کاہن اَتے سارے بزرگ وی ایں گالھ دے گواہ ہن کہ دمشق اِچ موجود بھراواں نے میکوُ خط لکھ کے اوُں پاسے آؤن کوُ آکھیا تاں جو میں اُتھاں موجود اِیں طرح دے قیدیاں کوُ یروشلیم گھن آواں تے سزا ڈیواواں۔
6
۶۔ جیہڑے ویلے میں دمشق دی راہ تے حامی تاں ایویں تھیا کہ ڈوپاہر دے ویلے آسمان تھوں ہِک وڈی روشنی میڈے آسے پاسے چمکن لگی۔
7
۷۔ میں زمین تے ڈھے پیا اَتے میں ہِک آواز سُنی " ساؤل، ساؤل تُوں میکو کیوں ستاندا ہیئں؟۔
8
۸۔ میں جواب ڈِتے اِے خداوند تُوں کون ہیئں؟ اؤں نے آکھیا میں ناصرت دا یسوع ہاں میکوُ تُوں ستاندا ہئیں۔
9
۹۔ جیہڑے میڈے ساتھی ہَن اُنہاں نے سوجھلا ڈیکھیا۔ پر اُنہاں نے اوہ آواز نہ سُنی جیہڑی میدے نال گالھ کریندا ہائی۔
10
۱۰۔ میں آکھیا اِے خداوند میں کیا کراں؟ خداوند میکوُ آکھیا۔ " اُٹھ تے دمشق کوُ ونج اُتھاں تیکوُ ڈسایا ویسی جیہڑا تیکوُ ضرور کرنا ہوسی۔
11
۱۱۔ اوُں سوجھلے دی چمک کنوں میں ڈیکھ نہ سگدا حامی میں اپنے نال ساتھیاں دی راہنمائی وِچ دمشق کوُ گیا۔
12
۱۲۔ اُتھاں میڈی ملاقات حننیاہ ناں دے ہِک بندے نال تھئی جیہڑا شریعت دے لحاظ نال دین دار تے اُتھاں دے یہودیاں وِچ نیک ناں ہا۔
13
۱۳۔ اوہ میڈے کول آ کھڑا تھیا اَتے آکھن لگا،" بھرا ساؤل اپنی بینائی گھِن" اَتے اوُں ویلے ای میں اوُں کو ڈِٹھا ہا۔
14
۱۴۔ وَل اوُں نے آکھیا، ساڈے آباؤ اجداد دے خدا نے تیکوُ چُن گِدا ہِے تاں جو اوُندی مرضی کوُ جانے اوُں راستباز کوُ ڈیکھے اَتے اوُں دے مُنہ چوں نکلن آلی آواز کوُ سُنے۔
15
۱۵۔ اَتے توُں اُنہاں گالہیں کیتے جنہاں کوُ تُوں سُنیا تے ڈیکھیا وی ہِے سارے بندیاں دے سامنے اوندا گواہ ہوسیں۔
16
۱۶۔ اَتے ہُن تُوں کیوں انتظار کریندا پیا ہئیں؟ اُٹھ بپتسمہ گھِن اَتے اوندا ناں گھن کے اپنے سارے گناہاں کوُ دھو چھوڑ۔
17
۱۷۔ یروشلیم وِچ آؤن دے بعد جیہڑے ویلے میں دُعا کریندا پیا حامی تاں ایویں تھیا کہ میں ہِک رویا ڈٹھی۔
18
۱۸۔ میں اوُں کوُ ایہہ آدھے ہوئے ڈٹھا،" جلدی کر اَتے فوراً یروشلیم کوُ چھوڑ ڈےکیونکہ میڈی بابت اوہ تیڈی گواہی قبول نی کریسن۔"
19
۱۹۔ میں آکھیا " خداوند اوہ اپ واقف ہِن کہ میں ہر عبادت خانے وِچ اُنہاں بندیاں کوُ جیہڑے تیڈے تے ایمان رکھیندے ہَن ماریا تے قید وِچ وی سٹیا۔
20
۲۰۔ تیڈے گواہ ستفنس دا خون کیتا گیا میں اُتھائیں کھڑا اُنہاں لوگاں دے کپڑیاں دی حفاظت کریندا پیا حامی جنہاں نے اوُں کوُ مارا ہا۔
21
۲۱۔ پراوُں نے میکوُ آکھیا " ونج کیونکہ میں تیکوُ غیر قوماں اِچ بھجیساں۔
22
۲۲۔ لوگاں نے اوُں کوُ اِتھاں تک ہی بولن دی اجازت ڈِتی۔ اَتے وَل اوہ شور مچاون لگ پئے اَتے آکھیا، " ایہو جئے بندے کوُ زمین وِچ فنا کر ڈے اتے اینکوُ زندہ راہون دا کوُئی حق نئیں"۔
23
۲۳۔ اتے جیہڑے ویلے اوہ شور مچیندے تے اپنے کپڑے سٹیندے تے مٹی ہوا وِِچ اُڑاندے ہَن۔
24
۲۴۔ تاں پلٹن دے سردار نے حکم ڈِتا کہ پولُس کوُ قلعے وِچ گھِن آؤ اَتے کوڑے مارن دے نال اوندا بیان گِدا ونجے تاں جو میکو وی پتا لگے اوہ لوگ کیوں اِیں طرح اوُندے تے شور مچیندے پئے ہَن۔
25
۲۵۔جیہڑے ویلے اُنہاں نے اوُں کوُ رسیاں دے نال بَدھ چھوڑیا تاں پولُس نے نال کھڑے صوبہ دارکوُ آکھیا " کیا تیڈے کیتے جائز ہِے کہ ہِک رومی دا قصور ثابت کیتے بغیر اوُں کوُ کوڑے مارو"۔
26
۲۶۔ جیہڑے ویلے صوبے دار نے ایہہ سُنیا تاں پلٹن دے سردار کوُ ونج کے خبر ڈِتی تے آکھیا " تُوں کیا کرن آلا ہئیں؟ کیونکہ ایہہ ہِک رومی بندہ ہِے۔
27
۲۷۔ پلٹن دا سردار آیا تے اوُں نے اوُں کوُ آکھیا " میکوُ ڈس کیا تُوں رومی شاہری ہئیں؟ پولُس نے آکھیا "ہاں"۔
28
۲۸۔ پلٹن دے سردار نے جواب ڈِتا " میں تاں وڈی رقم ڈے کے ایہہ شاہری ہوؤن دا رتبہ حاصل کیتا ہِے" پر پولُس نے آکھیا " میں تاں جماندرو ہی رومی شاہری ہاں"۔
29
۲۹۔تاں اُنہاں نے جیہڑے اوُں دا بیان گھنن کوُ ہَن اوُں کوُ فوراً چھوڑ ڈِتا۔ پلٹن دا سردار وی ایہہ جان کے کہ اوُں نے ہِک رومی بندے کوُ بدھا ہِے خوفزدہ تھی گیا۔
30
۳۰۔ اگلے ڈِیں پلٹن دا سردار پولُس دے خلاف یہودیاں دی طرفوں لائے گئے الزامات دی سچائی جاننا چاہندا ہا۔ تاں اوُں نے سردار کاہناں تے صدرِ عدالت دے لوگاں کوُ جمع ہوؤن دا حکم ڈِتا اَتے پولُس کوُ تھلے گھِن آیا تے اُنہاں دے وِچ کھڑا کر ڈِتا۔