1
۱۔ لیکن ایہہ جان گھِن کہ اخیر زمانے وِچبُرے ڈِیں آسن۔
2
۲۔ کیونکہ بندے خودغرض۔ دولت کوُ دوست رکھ آلے۔ شیخی مارن آلے۔ مغرور۔ بدگوئی کرن آلے۔ ماں پیو دے نافرمان۔ ناشکرے۔ ناپاک۔
3
۳۔ قدرتی محبت توں خالی۔ سنگدِل۔ تُہمت لاون آلے۔ بےضبط۔ تُیزمزاج آلے۔ نیکی دے دُشمن۔
4
۴۔ دغاباز۔ ڈھیٹھ۔ گھمنڈ کرن آلے۔ خدا دی بجائے عیش وعشرت کوُ زیادہ دوست رکھن آلے ہوسن۔
5
۵۔ اوہ دین داری دی وضع تاں رکھیسن پر اوُں دے اثر کوُ قبول نہ کریسن ایہو جئیاں توں وی کنارہ کرنا ۔
6
۶۔ اِنہاں وِچوں ای اوہ لوگ ہِن جیہڑے چُپ کر کے گھراں وِچ آ وڑدِن تے اُنہاں بدکار عورتاں کوُ قابو کر گھِندِن جیہڑیاں گناہاں اِچ پھسیاں ہوئیاں ہِن اَتے طرح طرح دی خواہشاں دیاں وس وِچ ہِن۔
7
۷۔ اَتے ہمیشہ تعلیم پاندیاں راہندِنپر حق دی پچھان تک کڈائیں وی نئیں پہنچدیاں۔
8
۸۔ اَتے جیویں ینیّس تے یمبریس نے موسیٰ دی مخالفت کیتی ہائی اوُں وے اِے لوگ وی حق دی مخالفت کریندِن۔ ایہہ ایہو جئے بندے ہِن جنہاں دی عقل وگڑی ہوئی ہِے اَتے اوہ ایمان دے اعتبار نال مقبول نئیں۔
9
۹۔ پر ایندے توں زیادہ نہ ودھ سگ سن ایں واسطے کہ اِنہاں دی نادانی ساریاں بندیاں تے ظاہر تھی ویسی جیویں اُنہاں دی وی تھی گئی ہا۔
10
۱۰۔ لیکن تُوں تعلیم ۔ چال چلن۔ ارادہ۔ ایمان۔ تحمل۔ محبت۔ ستائے ونجن تے ڈُکھ چاون اِچ میڈی پیروی کیتی۔
11
۱۱۔ یعنی ایہو جئے ڈکھ اِچ جو انطاکیہ تے اِکُنیُم تے لُسترہ اِچ میڈے تے آئے اَتے بئے ڈُکھ وِچ وی جیہڑے میں چاتے ہَن پر خداوند نےمیکوُ اُنہاں ساریاں توں چھُڑا گدِے ۔
12
۱۲۔ بلکہ جتنے وی مسیح یسوع وِچ دین داری دی زندگی گزارنا چاہندِن اوہ سارے ستائے ویسن۔
13
۱۳۔ اَتے بُرے تے دھوکے باز بندے فریب ڈیندے تے فریب کھاندے ہوئے وگڑدے ویسن۔
14
۱۴۔ پر تُوں اُنہاں گلہیں تے جیہڑیاں تُوں سِکھیاں ہَن اَتے جنہاں دا تیکوُ یقین ڈِوایا گیا ہا ایہہ جان کے قائم رِہ جو تُوں اُنہاں کوُں کیہڑے بندیاں کولوں سکھیاں ہَن۔
15
۱۵۔ اَتے تُوں بچپن توں ہی اُنہاں نوشتیاں توں واقف ہئیں جو تیکوُ مسیح یسوع تے ایمان گھِن آون توں نجات گھِنن کیتے دانائی ڈے سگدے ہِن۔
16
۱۶۔ ہر ہِک صحیفہ جو خدا دے الہام نال ہِے تعلیم تے الزام تے اصلاح تے راستبازی وِچ تربیت کرن کیتے فائدہ مندوی ہِے۔
17
۱۷۔ تاں جو خدا دا بندہ کامل بنے تے ہر ہک نیک کم کیتے بالکل تیار تھی ونجے۔