1
۱۔ خدا تے یسوع مسیح کوُ جیہڑا زندہ تے مُردہ لوگاں دی عدالت کریسی گواہ کر کے اَتے اوُندے ظہور تے بادشاہی کوُ یاد ڈِیوا کے میں تہاکوُ تاکید کریندا ہاں۔
2
۲۔ کہ تُوں کلام دی مُنادی کر۔ ویلے تے بےویلے تیار رِہ۔ ہر طرح دے تھمل تے تعلیم دے نال سمجھا ڈے تے ملامت تے نصیحت کر۔
3
۳۔ کیوں جو ایہو جئیا ویلہ آسی کہ لوگ صحیح تعلیم دی برداشت نہ کریسن بلکہ کناں دی خارش دے پاروُں اپنی اپنی خواہشاں دے پاروُں بہوُں سارے دوست بنا گھِن سن۔
4
۴۔ اَتے اپنے کناں کوُحق دے پاسے توں پھر کے کہانیاں تے متوجہ تھیسن۔
5
۵۔ پر تُوں ساریاں گالہیں وِچ ہوشیار رِہ۔ ڈُکھ برداشت کر۔ بشارت دا کم انجام ڈے۔ اپنی خدمت کوُ پورا کر۔
6
۶۔ کیونکہ میں ہُن قربان تھیندا پیاں اَتے میڈے ونجن دا ویلہ آ پہنچے۔
7
۷۔ مین چنگی کُشتی لڑ چُکا ہاں۔میں دوڑ کوُ ختم کر گِدے۔میں ایمان کوُ محفوظ رکھے۔
8
۸۔ آئندہ کیتے میڈے واسطے راستبازی دا اوہ تاج رکھا لاتھے جو عادل منصف یعنی خداوند میکوُ اوُں ڈِیں ڈیسی اَتے صرف میکوُ ای نئیں بلکہ اُنہاں ساریاں کوُ وی جیہڑے اوُندے آون دے راہ اُڈیکدے ہِن۔
9
۹۔ میڈے کول جلدی آون دی کوشش کر۔
10
۱۰۔ کیونکہ دیماس نے اِیں موجودہ دُنیا کوُ پسند کر کے میکوُ چھوڑ ڈِتے اَتے تھِسلُنیکے کوُ لگا گئیے تے کریسکینس گلتیہ کوُ تے طِطُس دلمتیہ کوُ۔
11
۱۱۔ صرف لوقا میڈے کول ہِے۔ مرقس کوُ نال گھِن کے آ ونجن کیونکہ خدمت کیتے اوہ میڈے کم دا ہِے۔
12
۱۲۔ تِخکُس کوُ میں ِاِفسس گھل چھوڑے۔
13
۱۳۔ جیہڑا چوغہ میں تروآس اِچ کرپُس دے کول چھوڑ آیا ہاں جڈاں تُوں آویں تاں اوہ بئی کتاباں وی خاص کر رَق دے طومار چاندا آویں
14
۱۴۔ سِکندر ٹھٹھیرے میڈے نال بہوُں بُرائیاں کیتیاں ہِن۔ خداوند اوُں کوُ اوُں دے کماں دے مطابق بدلہ ڈیسی۔
15
۱۵۔ اوُں دے کولوں تُوں وی خبردار رِہ کیونکہ اوُں نے ساڈی گالہیں دی بہوُں مخالفت کیتی ہائی۔
16
۱۶۔ میڈی پہلی جواب دہی دے ویلے کئیں نے میڈا ساتھ نہ ڈِتابلکہ ساریاں نے میکوُ چھوڑ ڈِتے۔ کاش کہ اُنہاں کوُ ایندا حساب ڈیونا نہ پووے۔
17
۱۷۔ پر میڈا مددگار خداوند ہا اَتے میکوُ طاقت وی اوُں نے ہی ڈِتی تاں جو میڈے وسیلے پیغام دی پوُری مُنادی تھی ونجے اَتے ساریاں غیر قوماں سُن گھنن کہ میں شیر دے مُنہ وِچوں چھُڑایا گیا ہاں۔
18
۱۸۔ خداوند میکوُ ہر ہک بُرے کم توں چھُڑاسی اَتے اپنی بادشاہی وِچ صحیح سلامت پُہنچا ڈیسی۔ اوُں دی تمجید ہمہشہ تائیں تھیندی راہوے۔ آمین۔
19
۱۹۔ پرسکہ تے اَکوِلہ کوُ تے اُنیسفرُس دے خاندان کوُ سلام کہہ۔
20
۲۰۔ اِراستُس کُرِنتھُس وِچ رہے تے ترُفِمُس کوُ میں میلیتُس اِچ بیمار چھوڑے۔
21
۲۱۔ سردیاں توں پہلے میڈے کول آون دی کوشش کر۔ یوُبوُلس تے پوُدینس تے لِینُس تے کلودِیہ تے بئے سارے بھرا تیکوُ سلام آدھے ہِن۔
22
۲۲۔ خداوند تیڈی روُح دے نال راہوے۔ تُہاڈے تے فضل تھیندا راہوے۔