¹ ۱۔ وَت جیہڑے ویلے ساڈے تے ایہو جیا رَحم تھئےکہ ساکوں اے خدمت ملی تاں اساں ہمت نئیں ہاردے۔ ² ۲۔ بلکہ اساں شرم دیں لُکیاں ہویا گالہیں کوُ چھوڑ ڈِتے اَتے مکاری دی چال نئیں وے چلدے۔ نہ ای خدا دے کلام اِچ ملاوٹ کریندے ہئیں بلکہ سچائی کوُ طاہر کر کے خدا دے رُوبرو ہر یک بندے دے دِل اِچ نیکی بٹھاندے ہئیں۔ ³ ۳۔ اَتے اگر ساڈی خوشخبری تے پردہ پیا ہِے تاں ہلاک تھیون آلیاں دے کیتے ہی پیا ہِے۔ ⁴ ۴۔ یعنی اُنہاں بےایماناں دے کیتے جنہاں دیاں عقلاں کوُ ایں جہان دے خدا نے اندھا کر ڈِتے تاں جو مسیح جیہڑا خدا دی صورت تے ہِے اوُں دے جلال دی خوشخبری اُنہاں تے ناں پووے۔ ⁵ ۵۔ کیوں جو اساں اپنی نئیں بلکہ مسیح یسوع دی مُنادی کریندے ہئیں کہ اوہ خداوند ہِے اَتے اپنے حق اِچ آدھے ہئیں کہ اساں یسوع دی خاطر تُہاڈے نوکر ہئیں۔ ⁶ ۶۔ ایں کیتے کہ خدا ہی ہِے جئیں نے فرمائے کہ اندھارے وچوں نور چمکے اَتے اوہو ساڈے دِلاں وچ چمکا ہِے تاں جو خدا دے جلال دی پچھان دا نور یسوع مسیح دے مُنہ اُتے ظاہر تھیوے۔ ⁷ ۷۔ پرساڈے کول ایہہ خزانہ مٹی دے بھانڈیاں وچ پیا لاتھے تاں جو اے حد تھوں زیادہ قدرت ساڈی طرفوں نئیں بلکہ خدا دی طرفوں معلوم تھیوے۔ ⁸ ۸۔ اساں ہر طرفوں مصیبت تاں چیندے ہئیں پر بےبس نئیں تھیندے۔ حیران تاں تھیندے ہئیں پر نا اُمید نئیں تھیندے۔ ⁹ ۹۔ ستائے تاں ویندے ہئیں پر کلہے نئیں چھوڑے ویندے۔ ڈھائے تاں ویندے ہئیں پر ہلاک نئیں تھیندے۔ ¹⁰ ۱۰۔ اساں ہر ویلے اساں اپنے بدن اِچ یسوع دی موت گھن کے پھردے ہئیں تاں جو یسوع دی حیاتی وی ساڈے ختم تھیون آلے بدن اِچوں ظاہر تھیوے۔ ¹¹ ۱۱۔ کیونکہ اساں جیوندے جی یسوع دی خاطر ہرویلے موت دے حوالے کیتے ویندے ہئیں تاکہ یسوع دی حیاتی وی ساڈے ختم تھیون آلے بدن اِچوں ظاہر تھیوے۔ ¹² ۱۲۔ پس موت تاں ساڈے وچ اثر کریندے ہِے اَتے حیاتی تُساں وِچ۔ ¹³ ۱۳۔ اَتے چونکہ ساڈے وچ اوہو ایمان دی روح ہِے جیندے بارے وچ لکھا لاتھے کہ میں ایمان گھن آیا اَتے ایں کیتے بولے۔ پس اساں وی ایمان گھن آئے ہئیں اَتے ایں کیتے ہی بولیندے ہئیں۔ ¹⁴ ۱۴۔ کیونکہ اساں جان دے ہئیں کہ جئیں نے خداوند یسوع کوُ زندہ کیتے اوہ ساکوُ وی یسوع دے نال شامل جان کے زندہ کریسی اَتے تُہاڈے نال اپنے سامنے حاضر کریسی۔ ¹⁵ ۱۵۔ ایں کیتے ساریاں شئیاں تہاڈے کیتے ہِن تاں جو بہوں سارے بندیاں دے پاروں فضل زیادہ تھی کے خدا دے جلال کیتے شکرگزاری وی ودھائے۔ ¹⁶ ۱۶۔ ایں کیتے اساں ہمت نئیں وے ہاردے بلکہ ساڈی نظر آون آلی انسانیت ختم تھیندی ویندی ہِے وَل وی ساڈی اندرونی انسانیت روز بروز نویں تھیندی ویندی ہِے۔ ¹⁷ ۱۷۔ کیوں جو ساڈی ہلکی جئی مصیبت جیہڑی ہک دم ختم تھی ویسی ساڈے کیتے بہوں بھاری اِتے ہمیشہ دا جلال پیدا کیتی ویندی ہِے۔ ¹⁸ ۱۸۔جیں حال اِچ اساں ڈِٹھی ہوئیاں شئیاں تے نئیں بلکہ نہ ڈِٹھی ہوئیاں شئیاں پئے ڈِیدھے ہئیں کیونکہ ڈِٹھی ہوئیاں شئیاں تھوڑے دِناں دیاں ہن پر نہ ڈِٹھیاں ہوئیاں شئیاں ہمیشہ کیتے ہن۔