¹ ۱۔ کیا اساں ولا اے ڈسیندے ہئیں کہ اساں بہوں نیک ہئیں؟ یا کیا ساکوُ ڈوجھے بندیاں دی طرح جِنہاں کوں تُساں سفارشی پَتر ڈیون یا ایہو جئے پَتر لکھواون دی ضرورت تھیندی ہِے۔ ² ۲۔ ساڈا جیہڑا پَتر ساڈے دَلاں تے لکھا کھڑے اوہ تُساں ہیوے اوُں کوں سارے بندے جان دے تے پڑھدے ہن۔ ³ ۳۔ ظاہر ہِے جو تُساں مسیح دا اوہ پَتر ہو جیہڑا اساں خادماں دے طور تے لکھے۔ سیاہی نال نئیں بلکہ زندہ خدا دے روح نال۔ پتھر دی تختیاں تے نئیں بلکہ گوشت دی یعنی دل دی تختیاں تے۔ ⁴ ۴۔ اساں مسیح دے پاروں ایہو جیا ہی بھروسہ رکھیندے ہئیں۔ ⁵ ۵۔ ایہہ نئیں کہ اساں آپ خود ایں لائق ہئیں کہ اپنی طرفوں کجھ وی خیال کروں بلکہ ساڈی قابلیت خدا دی طرفوں ہِے۔ ⁶ ۶۔ اوُں نے ہی ساکوُ نویں عہد دے خادم ہوون دے لائق بنائے۔ لفظاں دے خادم نئیں بلکہ روح دے کیوں جو لفظ مار سٹیندین پر روُح زندہ کریندی ہِے۔ ⁷ ۷۔ اَتے جڈاں موت دا اوہ عہد جیندے الفاظ پتھراں تے کُھدے ہوئے ہن ایہو جیا جلال والا تھیا کہ بنی اسرائیل موسیٰ دے مُنہ اوُں جلال دے پاروں جیہڑا اوُں دے مُنہ تے ہائی غور نال نظر نہ پا سگے حالانکہ اوہ گھٹدا ویندا ہائی۔ ⁸ ۸۔ روُح دا عہد تاں ضرور ہی جلال آلا ہوسی۔ ⁹ ۹۔ کیونکہ جیہڑے ویلے مجرم ٹھہراون آلا عہد جلال آلا ہائی تے راستبازی دا عہد تاں ضرور ای جلال آلا ہوسی۔ ¹⁰ ۱۰۔ بلکہ ایں صورت اِچ اوہ جلال آلا ایں بہوں جلال دے پاروں بے جلال ٹھہرے۔ ¹¹ ۱۱۔ کیونکہ جڈاں مِٹ ونجن آلی شئے جلال آلی ہائی تاں باقی راہون آلی شئے تاں ضرور ای جلال آلی ہوسی۔ ¹² ۱۲۔ وَل اساں ایہو جئی اُمید کر کے وڈی دلیری دے نال بولیندے ہئیں۔ ¹³ ۱۳۔ اَتے موسیٰ دی طرح نئیں ہئیں جئیں نے اپنے مُنہ تے پردہ سٹے تاں جو بنی اسرائیل اوُں مٹن آلی شئے دے انجام کوُ نہ ڈیکھ سگن۔ ¹⁴ ۱۴۔ پر اوہ اپنے خیالات تے اَڑ گئین کیونکہ اَج تائیں پُرانے عہد نامے کوُ پڑھدیاں ویلے اُنہاں دے دلاں تے اوُوو پردہ پیا راہندے اَتے اوہ مسیح وچ اُٹھ ویندے۔ ¹⁵ ۱۵۔ پر اَج تائیں جڈاں کِڈائیں موسیٰ دی کتاب پڑھی ویندی اے تاں اُنہاں دے دلاں تے پردہ پیا راہندے۔ ¹⁶ ۱۶۔ لیکن جڈاں کِڈائیں اُنہاں دا دل خداوند دی طرف پھرسی تاں اوہ پردہ اُٹھ ویسی۔ ¹⁷ ۱۷۔ خداوند روُح ہِے اَتے جِتھاں کِتھائیں خداوند دا روُح ہِے اُتھاں آزادی ہِے۔ ¹⁸ ۱۸۔ پر جڈاں اساں سارے مُنہاں تھوں پردہ لیہہ ویسی تاں خداوند دا جلال ایویں ظاہر تھیسی جیویں شیشے اِچ تاں اوُں خداوند دے وسیلے نال جیہڑا روُح ہِے اساں اوُندی جلالی صورت اِچ بدلدے ویندے ہئیں۔