1
۱۔ میں اپنے دِل اِچ ایہہ ارادہ کیتا ہائی کہ وَل تُہاڈے کول ڈُکھی تھی کے نہ آساں۔
2
۲۔ کیونکہ اگر میں تُہاکوں ڈُکھی کراں تاں میکوُ کون خوش کریسی۔ سوا اوندھے جیہڑا میڈے پاروں ڈُکھی تھئے؟۔
3
۳۔ اَتے میں تُہاکو اوہو گال لکھی ہائی تاں جو ایویں نہ تھیوے کہ میکوُ آن کے جنہاں دے نال خوش تھیونا چاہیدے میں اُنہاں دے پاروں ڈُکھی ہاں کیونکہ میکوُ تُساں ساریاں تے ایں گال دا بھروسہ ہِے کہ جیہڑی میڈی خوشی ہِے اوہو تُساں ساریاں دی خوشی ہِے۔
4
۴۔ کیونکہ میں بڑی مصیبت تے ڈُکھی حالت اِچ بہوں سارے آنسو وہا وہا کے تُہاکوُ لکھا ہائی لیکن ایں کیتے نئیں کہ تُہاکوُ ڈُکھ لگے بلکہ ایں کیتے کہ تُساں اوُں وڈی محبت کوُ پا گِدے جیہڑی میکوُ تُہاڈے نال ہِے۔
5
۵۔ اگر کوُئی بندہ ڈُکھی تھیئے تاں میڈے ہی ڈُکھ دا نئیں (تاں جو اوندھے تے ڈھیر سختی نہ کراں) کئیں حال اِچ تُساں ساریاں دے ڈُکھ دا باعث تھیئے۔
6
۶۔ ایہو سزا جیہڑی اوُں نے ڈھیر سارے بندیاں دے پاروں پاتی ہِے ایں بندے دے کیتے کافی ہِے۔
7
۷۔ ایندے تھوں علاوہ ایہو چنگا ہِے کہ اوندھا قصور معاف کرو اَتے تسلی ڈیوو تاں جو اوہ ڈھیر ڈُکھاں دے پاروں تباہ نہ تھی ونجے۔
8
۸۔ ایں کیتے میں تُہاڈی منت کریندا ہاں کہ اوندے بارے وچ محبت دا فتویٰ ڈیوو۔
9
۹۔ کیونکہ میں ایں کیتے وی لکھا ہائی کہ تُہاکوُ آزماواں کہ ساریاں گالہیں اِچ فرمانبردار ہو یا نئیں۔
10
۱۰۔ جئیں کوُں تُساں کجھ معاف کریندے ہو اوُں کوُں میں وی معاف کریندا ہاں کیونکہ جو کجھ میں معاف کیتے اگر میکوُ معاف کرن دی ضرورت ہائی تاں اوہ میں تُہاڈی خاطر مسیح دے حضورمعاف کیتے۔
11
۱۱۔ تاں جو شیطان دا ساڈے تے داؤ نہ چلے کیونکہ اساں اوندے حیلے بازیاں تھوں واقف ہاں۔
12
۱۲۔ اَتے جڈاں میں مسیح دی خوشخبری ڈیون کوُں تُروآس اِچ آیا حامی تے خداوند نے میڈے کیتے بوہا کھول ڈِتے۔
13
۱۳۔ پر جیڑے ویلے میکوُ اپنا بھرا طِطس اُتھاں نہ ملے تاں میں بے چین تھی گیاں اَتے اُنہاں کوُں خدا حافظ آکھ کے مکدُنیہ لگا گیاں۔
14
۱۴۔ پر خدا دا شکر ہِے! جیہڑا مسیح وچ ساکوُ قیدی بنا کے ساڈے اگے اگے چلدے اَتے اپنے علم دی کوشبو ساڈے وسیلے دے نال ہر جا تے پھیلاندے۔
15
۱۵۔ کیونکہ اساں خدا دے نیڑے نجات پاؤن آلے تے تے ہلاک تھیون آلے ڈوحاں کیتے مسیح دی خوشبو ہئیں۔
16
۱۶۔ کجھ دے لئی مرن آلیاں کیتے موت دی بُو اَتے کجھ دے لئی جیون کیتے حیاتی دی بُو ہئیں اَتے کون اِنہاں گالہیں دے لائق ہِے؟۔
17
۱۷۔ کیونکہ اساں اُنہاں بہوں بندیاں دی طرح نئیں جیہڑے خدا دے کلام اِچ ملاوٹ کریندِن بلکہ دِل دی صفائی نال اَتے خدا دی طرفوں خدا کوُ حاضر جان کے مسیح وچ بولیندے ہئیں۔