¹ ۱۔ کیونکہ اساں جان دے ہئیں کہ جڈاں ساڈا خیمہ دا بنیا ہویا گھر جیہڑا زمین تے ہِے اوہ ڈھے ویسی تاں ساکوں خدا دی طرفوں آسمان تے ہک ایہو جیا گھر ملسی جیہڑی ہتھ نال بنی ہوئی نئیں بلکہ ابدی ہِے۔ ² ۲۔ چنانچہ اساں ایں ویلے ڈُکھ چیندے پئے ہاں اَتے آسمانی گھر کوُ پا گھنن دی وڈی آرزو رکھیندے ہئیں۔ ³ ۳۔ اگر اساں اوُں کوں پا گھن سوں تاں ننگے نہ راہسوں۔ ⁴ ۴۔ کیوں جو اساں ایں خیمہ دے وچ راہندے ہویاں دبے پئے ہاں اَتے ڈُکھ چیندے پئے ہاں کیوں جو اساں ایؐ ختم تھیون آلے کپڑے لہاونا نئیں چاہندے بلکہ ایں دے اُتے آسمانی گھر دے کپڑے پاونا چاہندے ہاں تاں جو اوہ ختم تھیون آلا ہِے غرق تھی ونجے۔ ⁵ ۵۔اَتے جئیں نے ساکوں ایں مقصد کیتے تیار کیتے اوہ خدا ہِے اَتے اوُں نے ساکو روُح بیعانہ اِچ ڈِتے۔ ⁶ ۶۔ ہر ویلے ساڈی خاطر جمع راہندی ہِے اَتے اساں اِے جان دے ہئیں کہ جڈاں تائیں اساں ایں بدن دے وطن اِچ ہئیں خداوند دے ہاں تھوں نکلے کھڑے ہئیں۔ ⁷ ۷۔ کیوں جو اساں ایمان تے چلدے ہئیں ناں کہ اکھیاں دے ڈیکھن نال۔ ⁸ ۸۔ساڈی خاطر جمع راہندی ہِے اَتے ساکوں بدن دے ملک اچوں الگ تھی کے خداوند دے مُلک اِچ راہنا ڈھیر پسند ہِے۔ ⁹ ۹۔ ایں کیتے اساں ہمت رکھیندے ہئیں جو اساں مُلک اِچ ہوؤں یا مُلک تھوں باہر اُں کوُں خوش کروں۔ ¹⁰ ۱۰۔ کیوں جو ضرور ہِے بئی کہ مسیح دے تخت عدالت دے سامنے ونج کے اساں ساریاں دا حال ظاہر کیتا ونجے تاں جو ہر بندہ اپنے اُنہاں کماں دا بدلہ پاوے جیہڑے اوُں نے بدن دے وسیلے کیتے ہن۔ بھاویں چنگے ہوؤن بھاویں گندے۔ ¹¹ ۱۱۔ پس اساں خدا دے خوف کوُ جان کے بندیاں کوُں سمجھاندے ہئیں اَتے خدا تے ساڈا حال ظاہر ہِے وَل میکوُ اُمید ہِے کہ تُہاڈے دِلاں تے وی ظاہر تھیا ہوسی۔ ¹² ۱۲۔ اساں وَل وی اپنی نیک نامی تہاڈے تے نئیں جتاندےہتھوں اساں اپنے پاروں تہاکوں فخر کرن دا موقع ڈیندے ہئیں تاں جو تُساں اُنہاں کوُ جواب ڈے سگو جیہڑے ظاہری طور تے فخر کریندے ہین اَتے باطن اِچ نئیں۔ ¹³ ۱۳۔ اگر اساں بے خود ہئیں تاں خدا دے کیتے ہئیں اَتے اگر ہوش اِچ ہئیں تاں تُہاڈے کیتے۔ ¹⁴ ۱۴۔ کیوں جو مسیح دی محبت ساکوں مجبور کریندی ہِے ایں کیتے اساں اے سمجھدے ہئیں کہ جڈاں ہک ساریاں کیتے مَر گئے تاں سارے مَر گئے۔ ¹⁵ ۱۵۔ اَتے اوہ ایں کتے ساریاں کیتے مَرے کہ جیہڑے جیوندے ہین اوہ اگے تھوں اپنے کیتے ناں جیون بلکہ اوندے کیتے جیہڑا اُنہاں کیتے مَرے اَتے وَل زندہ تھی گئے۔ ¹⁶ ۱۶۔ پس اساں ہن کئیں کوُ وی جسم دی حیثیت نال ناں سنجھانسوں۔ ہاں اگرچہ مسیح کوُ وی جسم دی حیثیت نال جان دے ہاسے پر ہن تھوں ناں جانسوں۔ ¹⁷ ۱۷۔ ایں کیتے اگر کوُئی مسیح وچ ہِے تاں اوہ نویں مخلوق ہِے۔ پرانیاں شئیاں ویندی رہ گئین۔ ڈیکھو اوہ نویاں تھی گئین۔ ¹⁸ ۱۸۔ اَتے ساریاں شئیاں خدا دی طرفوں ہین جئیں نے مسیح دے وسیلے اپنے نال ساڈا میل ملاپ کر گِدے اَتے میل ملاپ دی خدمت ساڈے ذمے لئی ہِے۔ ¹⁹ ۱۹۔ مطلب اے ہِے کہ خدا نے مسیح وچ تھی کے اپنے نال دُنیا دا میل ملاپ کر گِدے اَتے اُنہاں دے گناہاں کوُں اُنہاں دے ذمے ناں لائے اَتے اوُں نے میل ملاپ دا سنیہا ساڈے ذمے لا ڈِتے۔ ²⁰ ۲۰۔ پس اساں مسیح دے پیامبر ہاں۔ جیویں خدا ساڈی رائیں منت کریندا ہِے۔ اساں مسیح دی طرفوں منت کریندے ہئیں کہ خدا دے نال میل ملاپ کر گھِنو۔ ²¹ ۲۱۔ جینکوں گناہ دا پتا ناں ہائی اوُں کوُ اوُں نے ساڈے کیتے گناہ ٹھہرائے تاں جو اساں اوُندے وچ تھی کے خدا دی راستبازی تھی ونجوں۔