1
. جیکر اوہدی قربانی سلامتی دا ذبیحا گاں ڈھگے وچوں ہؤے تاں بے عیب نَر یاں مادہ خداوند اگے لئیاؤے۔
2
. اتے آپنا ہتھ آپنے ذبیحے دے سِر اُتے رکھے، اتے حضوری دے تنبو دے بوہے کول اوہنوں ذبح کرے اتے ہارون دے پُتر جہڑے کاہن نیں، اوہدے لہؤ نون مذبحے اُتے اوہدے آل دوالے چھِنکن۔
3
. اتے سلامتی دے ذبیحے وچوں خداوند دی اگ والی قربانی جوگی ایہہ شیئواں لئیاؤے۔ چربی، جہڑی آندراں نوں ڈھکدی اے اتے سبھے چربی، جہڑی آندراں اُتے اے۔
4
. اتے دونویں گُردے اتے چربی جہڑی اوہناں دونواں وکھیاں وچ اے۔ اتے کلیجے دی جھلی دونواں گردیاں سنھے وکھ کرے۔
5
. اتے ہارون دے پُتر اوہناں نوں مذبحے اُتے سوختنی قربانی اُتے لکڑیاں دے اُتے جہڑے اگ اُتے نین، ساڑن۔ پئی خداوند جوگی خشبودار اگ والی قربانی ہؤے۔
6
. اتے جیکر اوہدی قربانی بھیڈ بکری وچوں خداوند جوگی سلامتی دا ذبیحا ہؤے، تاں بے عیب نر یاں مادہ لئیاؤے۔
7
. اتے جیکر اوہدی قربانی میمنا ہؤے تاں اوہنوں خداوند دے اگے لئیاؤے۔
8
. اتے آپنا ہتھ ذبیحے دے سِر اُتے رکھے اتے حضوری دے تنبو دے اگے اوہنوں ذبح کرے۔ اتے ہارون ہارون دے پُتر اوہدا لہؤ مذبحے اُتے آل دوالے چھِنکن۔
9
. اتے سلامتی دے ذبیحے وچوں خداوند دی اگ والی قربانی جوگی ایہہ شیئؤاں لئیاؤے۔ اوہدی سبھے چربی بھری پُشل، جنہوں ریڑھ نالوں وکھ کرے، اتے چربی جہڑی آندراں نوں لکاؤندی اے اتے سبھے چربی جہڑی آندراں اُتے اے۔
10
. اتے دونویں گُردے اتے چربی جہڑی اوہناں اُتے دونواں پاسے اے، اتے کلیجے دی جھلی نوں دونواں گردیاں سنھے وکھ کرے۔
11
. اتے کاہن اوہناں نوں مذبحے اُتے ساڑے۔ پئی خداوند جوگی اگ والی قربانی دا کھانا اے۔
12
. اتے جیکر اوہدی قربانی بکری ہؤے تاں اوہنوں خداوند اگے لئیاؤے۔
13
. اتے اوہدے سِر اُتے آپنا ہتھ رکھے اتے حضوری دے تنبو دے ساہمنے اوہنوں ذبح کرے۔ اتے ہارون دے پُتر اوہدے لہؤ نوں مذبحے اُتے اوہدے آل دوالے چھِنکن۔
14
. اتے اوہدے وچوں خداوند دی اگ والی قربانی جوگی لئیاؤے۔ چربی جہڑی آندراں نوں ڈھکدی اے، اتے سبھے چربی جہڑی آندراں اُتے اے۔
15
. اتے دونویں گُردے اتے چربی جہڑی اوہناں اُتے دونواں پاسے اے، اتے کلیجے دی جھلی نوں دونواں گردیاں سنھے وکھ کرے۔
16
. اتے کاہن اوہناں نوں مذبحے اُتے ساڑے۔ ایہہ اگ والی قربانی دا کھانا خشبو جوگی اے۔ سبھے چربی خداوند دی اے۔
17
. تہاڈے سبھے مسکناں وچ تہاڈی پیڑھیاں دے وچ ایہہ ہمیشاں دا فرض ہؤے گا۔ پئی چربی اتے لہؤتسی نا کھاؤنا۔