¹ . جے کر کوئی بندہ نذر دی قُربانی خُداوند جوگی لیاوے تاں اوہدی قربانی میدے دی ہووے ۔ تان اوہدے اُتے اوہ تیل پاوے تے اوہدے لوبان رَکھے۔ ² . تے اوہنوں ہارونؔ دے پُتر اں دے کول ، جیہڑے کاہن نیں لیاوے ۔ ناں اوہناں وچوں اِک میدے تے تیل وِچوں لوبان سنھے سبھے وِچوں مُٹھ بھر لوے ۔ تے اوہدی یادگاری جوگی مذبحے اُتے ساڑے ۔ پئی خوشبو دار اَگ والی قُربانی خداوند جوگی ہووے۔ ³ . تے جیہڑی نذر وِچوں بچیا رہوے ۔ اوہ ہارون ؔ تے اوہدے پُتراں دا ہووے گا ۔ کیوں جو ایہہ خُداوند دی اَگ والی قُربانیاں دا سبھ توں پاک حِصّہ اے۔ ⁴ . تے جے کر تُوں نذر دی قُربانی تندوُر دی پکی ہوئی شے لیاویں تان تیل وِچ مَلے ہوئے میدے فطیری نان تے فطیری پھُلکے تیل نال چوپڑی ہوئی ہون گئیاں۔ ⁵ . جیکر تیری نذر دی قُربانی تَوے دی شے ہووے ، تا اوہ تیل وِچ مَلے ہوئے فطیری میدے دی ہووے گی۔ ⁶ . تُوں اوہنوں ٹوٹیاں وِچ بنھیں تے اوہدے تے تیل پاویں ۔ کیوں جو ایہہ نذر دی قُربانی اے۔ ⁷ . جیکر تیری نذر دی قُربانی کڑاہی دی شے ہووے ۔ تاں تیل وِچ مَلے ہوئے میدے دی بنائی جاوے۔ ⁸ . تے قُربانی جیہڑی تُوں ایس طرحاں بنائی اے ۔ خُداوند جوگی لیا تے کاہن دے اگے رَکھ دے ۔ اوہ اوہنوں لت کے مذبحے اُتے چڑھا دے۔ ⁹ . تے کاہن ایسی قُربانی وِچوں کُجھ اوہدی یادگاری جو گی لوےتے اوہنوں مذبحے اُتے ساڑے ۔ پئی خوشبودار اَگ والی قُربانی خداوند جوگی اے۔ ¹⁰ . تے جو کُجھ قُربانی وِچوں بچیا رہوے اوہ ہارون تے اوہدے پُتراں دا ہووے گا ۔کیوں جو اوہ خُداوند دی اَگ والی قُربانیاں وِچوں بوہت پاک اے۔ ¹¹ . کوئی نذر دی قُربانی جیہڑی تپسی خداوند جوگی لیاؤ، کیوں جو خمیر تے شہد خُداوند دی اَگ دی قُربانی ہوگی۔ ساڑیا ناں جاوے گا۔ ¹² . تُسیں اوہناں نُوں تُسیں اوہناں نوں اگیترے پھلاں دی قُربانیاں وانگوں لیا سکدے او ۔ پ اوہ خُوشبوئی جوگی مذبحے اُتے چاڑہی نا ں جان۔ ¹³ . تے تُوں اپنی نذر دی قُربانیاں نُوں لُون نال جیہڑا تیرے رب دا عہد اے ، خالی ناں رہن دیویں گا۔ اپنی سبھے قُربانیاں دے نال تُوں لُون سامنے لیاویں گا۔ ¹⁴ . جیکر توں پھلاں وِچوں خُداوند جوگی نزر دی قُربانی لیاویں ۔ تاں اناج دیاں ہریاں ولّاں اَگ وِچ بھُنیاں ہوئیاں اُتے اوہدے کُٹے ہوئے دانے اگیترے پھلاں دی قُربانی لیاویں گا۔ ¹⁵ . تے توں اوہدے اُتے تیل پاویں گا ، تے اوہدے اُتے لوبان رکھیں گا ۔ کیوں جو اوہ نذر دی قُربانی اے۔ ¹⁶ . تدھ کاہن اوہدی یادگاری جوگی دانیاں وِچوں تے تیل وِچوں لوبان سنّھے کُجھ خُداوند دی اَگ والی قُربانی جوگی ساڑے گا۔