1
. تُسی اپنے لئی بُت یا گڈھیاں ہوئیاں شیواں ناں بناؤ۔نہ اپنے لئی تھم کھلوارو۔تے اپنی دھرتی تے شبیہ دا پتھر رکھو ۔جہدے سامنے تُصی گوڈے ٹیکو۔کیوں جو میں رَب تواڈا خُدا ہاں۔
2
. میرے سبتاں نُون منع۔تے میرے گھر دی عزت کرو میں رَب ہاں۔
3
. تے جے تُصی میرے قوانین تے چلو تے میرے حکماں نُوں منو۔تے اوہناں تے عمل کرو۔
4
. تے میں تہاڈے تے ویلے نال بارش وساواں گا تے دھرتی اپنی پیداوار کڈھے گی۔تے پیلی دے رُکھ اپنا پھل دین گے۔
5
. تے کاہن دا ویلا انگور توڑن دے ویلے توں تے انگور توڑن دا ویلا بیجن دے ویلے نال ملیا رہوے گا۔تے تُسی رَج کے روٹی کھاؤگے تے اپنی دھرتی تے آرام نال رہو گے ۔
6
. تے میں دھرتی تے سلامتی بخشاں گا تُسی لیٹو گے تے تہانوں کوئی نئیں ڈرائے گا۔تے پاڑن والے جانو ر اں نُوں میں دور کراں گا۔تے تہاڈی دھرتی تے تلوار نہ چلے گی۔
7
. تُسی اپنیاں دُشمناں دا پیچھا کرو گے تے اوہ تہاڈے اَگے تلوار نال ڈِگ جان گے۔
8
. تے تہاڈے وچں پنج اِک سودا پچھا کرن گے تے تہاڈے وچوں اِک سو دس ہزار دا پیچھا کرن گے تے تہاڈے دُشمن تہاڈے اَگے تلوار نال ڈگ جان گے۔
9
. تے میں تہاڈے تے نگاہ کراں گا تے تہانوں اوچیاں کراں گا تے تہانوں ودھا واں گا تے اپنا عہد تہاڈے نال بنھاں گا۔
10
. تے تُسی پُرانی فصل کھاؤگے تے نویں دے اَگے پرانا کڈ ھ دیو گے ۔
11
. تے میں اپن اگھر تہاڈے وچکار کھلاراں گا تے تہانوں چھڈ نہ دیاں گا۔
12
. مں تہاڈے وچکار ٹُراں پھیراں گا۔تے تہاڈا رَب ہوواں گا ۔تے تُسی میرے لوک ہووؤ گے ۔
13
. میں رَب تہاڈا خُدا ہاں جیہڑا تہانوں مصریاں ؔ دی دھرتی توں کڈھ لیایاتاں جو تُسی اوہدے نوکر نہ رہو و۔تہاڈیاں گردناں دے جولیاں نُوں توڑیا تاں جو تُسی سِدھے ہو کے ٹُرو۔
14
. نافرمانی دی سزا تے تُسی میری نہ سُنو تےاوہناں سارے حکماں تے عمل نہ کرو۔
15
. تے جے تُسی قوانینیاں نُوں گھٹیا جانو۔تے تہاڈے دِل میرے حکماں دا انکار کرن تے اینج پئی تُسی حکماں تے عمل نہ کرو۔تے میرے عہدنُوں توڑو۔
16
. تےمیں وی تہاڈے نال ایہہ کراں گا ۔پئی میں تہاڈے تے دہشت تے ٹی ۔بی تے بخار نُوں غالب کرآں گا ۔جہدے نال اَکھاں فنا ہو جان تے جاناں برباد ہونتے تُسی اپنے بی بے فائدہ بیجو گے۔کیوں جو تہادے دُشمن اوہناں نُوں کھا ن گے۔
17
. تے میں اپنی شکل تہاڈے خلاف کرآں گا تے تُصی اپنے دُشمناں اَگے ہار کھاؤ گے۔تے تہاڈے سڑن والے تہاڈے تے بادشاہی کرن گے ۔تے تُسی نس جاؤ گے ۔جد پئی کوئی تہاڈا پیھچا وی نئیں کر دا ہووے گا۔
18
. تے بعدوں اوہدے جے تُسی میری فرمانبرداری نہ کرو گے تے میں تہاڈے پاپاں دی سَت واری ڈانٹ ڈپٹ ودھا واں گا۔
19
. جدوں میں تہاڈے زور دے گھمنڈ نُوں توڑاں گا تے تہاڈے اَسمان نُوں لوئےوانگر تے تہاڈی دھرتی پیتل وانگر کر دیاں گا۔
20
. تے تہاڈیاں طاقتاں بے فائدہ خرچ ہون گیاں تے دھرتی اپنا پھل نہ دیوے گی۔تے دھرتی دے رُکھ پھل نہ لیاؤن گے۔
21
. جے تُسی میرے خلاف ٹُرو گے تے میری سُننا نہ چاہو گے تے میں تہاڈے پاپاں لئی سَت واری بلاواں تہاڈے تے ودھاواں گا۔
22
. تے میں جنگل دے پاڑن والے جانور تہاڈے تے گھلاں گا تے او تہانوں اوتریاں نختریاں کرن گے ۔تے تہاڈے جانوراں نُوں پاڑن گے ۔تے تہانوں گھٹ کر دین گے۔تے تہاڈے رستے اُجاڑ ہو جان گے ۔
23
. تے جے تُسی نہ سُدھروتے میرے خلاف ٹرو۔
24
. تے میں وی تہاڈے خلاف ٹُراں گا تے تہاڈے پاپاں لئی سَت واری تہانوں ماراں گا۔
25
. میں تہاڈے تے تلوا ر لیاواں گا ۔جیہڑی میرے عہد دا انتقام لَوے گی ۔تے فیر تُسی اپنے شہراں وچ کٹھے ہوو گے ۔تے میں تہاڈے وچکار بیماری نُوں گھلاں گا تے تُسی دشمن دے ہتھ دِتے جاؤ گے ۔
26
. تے جدوں میں تہاڈا روٹی دا سلسلہ توڑا ں گا ۔دس دس زنانیاں اِک اِک تندور وچ روٹی پکان گیاں تے تہانوں روٹی تول تول کے دین گیاں تُسی کھاؤ گے پر نہ رجو گے ۔
27
. تے ایہدے تے وی جے تُسی اپنے آپ نُوں نیویاں نہ کرو گے تے میرے خلاف ٹرو گے ۔
28
. تے میں وی قہر نال تہاڈے خلاف ٹُرا ں گا تے تہاڈے پاپاں لئی سَت واری تہانوں جھڑکاں گا۔
29
. تے فیر تُسی اپنیاں پُتراں دا گوشت کھاؤگے تے اپنیاں دھیاں دا وی گوشت کھاؤ گے ۔
30
. تے میں تہانوں اُچیاں تھانواں نُوں ڈھادیاں گا تے تہاڈیاں سورج دیاں مُورتاں نُوں توڑا ں گا تے لاشاں نُوں تہاڈے بُتاں دیاں لاشاں تے سُٹ دیواں گا تے میر ا دِل تہاڈے تَوں نفرت کرے گا۔
31
. تے میں تہاڈے شہراں نُوں اُجاڑ دیاں گا تے تہاڈیاں گھراں نُوں اُجاڑ دیاں گا تے تہاڈی اعلیٰ خوشبوواں دی بُو نہ سونگاں گا۔
32
. تے میں دھرتی نُوں اُجاڑ دیاں گا۔ تے تہاڈے دُشمن جیہڑے اوتھے رہندے ے ایس تے حیران ہون گے ۔
33
. تے میں غیرقوماں دے وچکار تہانوں کھلار پلار دیاں گا۔تے تہاڈے پچھے تلوار کھیچاں گا۔ تے تہاڈی دھرتی اُجاڑ تے تہادے شہر اُجاڑ ہو جان گے ۔
34
. تے دھرتی اپنیاں سبتاں دا آرام پائے گی جنہے دیہاڑے پئی او اُجاڑ رہوے تے تُسی اپنیاں دُشمناں دی دھرتی ہووگے ۔تد دھرتی آرام کرے گی تے اپنے سبتاں دا مزا لے گی۔
35
. او اپنے اُجڑ ن دی مُدت تیک آرام کرے گی ۔او آرام جیہڑا تُساں اپنے سبتاں وچ اوہنوں نہ دِتا ۔جس ویلے تُسی اوہدے وچ رہندے سو۔
36
. تے تہاڈے وچوں جیہڑے دُشمناں دے دیساں وچ بچے رہن گے ۔تے مین اوہناں دے دِلاں دی آنگس توڑ دیاں گا ۔ایتھوں تیک پئی اوپتّے دی واج تَوں وی او ڈر جان گے ۔تے اینج نسن گے جِداں تلوار تَوں نس دے نیں۔او ہ ڈیگن پین گے جدؤں پئی کوئی اوہناں دا پیچھا وی نہ کر دا ہووے گا۔
37
. تے علاوہ اوہدے تَوں پئی کوئی اوہناں دا پچھا کرے اوہناں وانگر جیہڑے تلوار تَوں نس دے نیں ۔ہر اِک اپنے بھرا تے سِر پار ڈِگے گا ۔تے تُصی اپنے دُشمناں دے اَگے کھلونہ سکو گے۔
38
. تے تُسی غیر قوماں اَگے فنا ہو جاؤ گے تے تہادے دُشمناں دی دھرتی تہانوں کھا جاوے گی۔
39
. تہاڈے وچوں جیہڑے باقی ہون گے ۔اپنے پاپاں دے سبب دُشمناں دے دیساں وچ کملا جان گے ۔تے اپنے پیو دادیاں دے پاپا ںدے سببوں دُکھ پان گے ۔
40
. جدوں تیک او اپنی بریائی تے اپنے پیود ادے دی برائی اقرار نہ کرن ۔جیہڑی اوہناں بڑی بددیانتی نال کیتی تے میرے خلاف ٹرے ۔
41
. ایس لئی میں ویں اوہناں دے خلاف ٹراں گا۔تے میں اوہناں دے دُشمناں دی دھرتی وچ اوہناں نُوں واڑاں گا جدوں تیک اوہناں دے بے ایمان دِل حلیم نہ ہو جان تدوں اپنی بریائیلئی قیمت دین گے ۔
42
. فیر میں عید نُوں یعقوب تَوں تے اپنے عہد نُوں اصحاق ؔ تَوں تے اپنے عہد نُوں جیہڑا ابرہام نال کیتا سی یاد کراں گا تے میں دھرتی نوں ویں یاد کراں گا۔
43
. اوس دھرتی نُون پئی جدوں اوہ اوہناں کولوں چھُٹ جاوے گی۔توں اپنے اُجڑن دے سبتاں دا آرام پائیں گی ۔پر او اپنے پاپاں لئی مُل دین گے ۔کیوں جو اوہناں میری شریعت دا انکار کیتا ۔تے اوہناں دے دلاں نے میرے قوانین نُوں گھٹیا سمجھیا۔
44
. تے اوہدے علاوہ جدؤں او اپنے دُشمناں دی دھرتی ہون گے ۔میں اوہناں نُوں ناں چھڈاں گا ۔نہ اوہناں تَوں نفرت کراں گا ۔تاں جو توں اوہناں نُوں فنا نہ کر دیاں ۔تے اپنے عہد نُوں جیہڑا اوہناں دے نال اے توڑ نہ دیاں ۔کیوں جو میں رَب اوہناں دا خُدا ہاں۔
45
. پر اوہناںلئی میں اپنے پرانے عہد نُوں جدؤں میں قوماں دی اَکھاں اَگے مِصر دے دیس وچوں کڈھ لیایا۔تے میں اوہناں دا خُدا ہوواں گا ۔یاد کرو میں رَب ہاں ۔
46
. ایہہ او قوانین تے شریعت نیں جیہڑیاں رَب نے اپنے تے بنی اسرائیلؔ دے وچکار سِنا دے پہاڑ تے موسیٰ دی بولی وچ دتے۔