1
. تے رَب نیں موسیٰ نال کلام کر کے فرمایا۔
2
. بنی اسرائیل نال تقریر کر تے اوہنوں آکھ ۔پئی جے کئی رَب لئی جاناں دی مَنّت مَنے ۔تے اپنی جان رَب دی نذر کرے ۔تے اوہ ٹھہرائی ہوئی قیمت دے مطابق ادا کرے گا۔
3
. سو ٹھہرائی ہوئی قیمت ایہہ ہووے گی ۔بندے لئی ویہہ ورھے دی عمر تَوں سٹھ ورھے دی عمر تیک رَب دے گھر دے مِثقال دے مطابق پنجاہ چاندی دے مِثقال ۔
4
. زنانی لئی تریہہ مِثقال ۔
5
. پر پنج ورھے تَوں ویہہ ورھے دی عمر تیک بندے لئی ویہہ مِثقال تے زنانی لئی دس مِثقال ۔
6
. تے اِک مہینے لئی دی عمر تَوں پنج ورھے دی عمر تیک بندے لئی پنج چاندی دے مِثقال زنانی لئی تِن چاندی دی مِثقال ۔
7
. جیہڑا بندہ سٹھ ورھے دا یاں اوہدے تَوں زیادہ ہووے تے اوہدی قیمت پندراں مِثقال تے زنانی لئی دس مثقال ۔
8
. جے ٹھہرائی ہوئی قیمت دین دا اوہنوں تو فیق نئیں تے اوہ کاہن اَگےکھلاریا جاوے ۔تے اوہ قیمت ٹھہرائے ۔کاہن مَنّت منن والے دی توفیق دے مطابق قیمت ٹھہرائے ۔
9
. تے جے کوئی ایسے ڈنگر دی مَنت مَنے جیہڑی رَب دی نذر کیتی جا سکدی اے تے اوہناں وچوں رَب لئی کوئی دے اوہ پاک ہووے گا۔
10
. اوہ اوہنوں نہ بدلے ۔چنگے دے بدلہ بھیڑا ۔تے بھیڑے دے بدلے چنگا نہ دیوے ۔تے جے ڈنگر تَوں ڈنگر بدلے تے دونویں ای تے جیہڑا بدلیا گیا پاک ہون گے ۔
11
. تے جے اوہ ناپاک ڈنگر ہووے۔پئی جہدی رَب لئی قربانی نئیں دِتی جا سکدی تے اوہ ڈنگر کاہن دے اَگے کھلاریاجائے۔
12
. فیر کاہن اوہدے اچھے تے بُرے ہون دے حساب نال اوہدی قیمت ٹھہرائے تے کاہن جیہڑی قیمت ٹھہرائے اوہو ای ہووے گی ۔
13
. تے جے اوہ اوہنوں چھڈائے تے اوہدی قیمت تے پنجواں حصہ زیادہ دِتا جائے ۔
14
. تے جے کوئی بندہ اپنے گھر دی مَنت مَنے پئی رَب لئی مُقدس ہووے تے کاہن اوہدی خوبی تے خامی دے حساب نال ویچیا جاوے۔
15
. جے گھر دا پاک کرن والا اوہنوں چھُڈانا چاہوے تے ۔ٹھہرائی ہوئی قیمت تے پنجواں حصہ زیادہ کرے تے اوہ اوہدا ہووے گا۔
16
. جے کوئی بندہ اپنی وراثت وچوں کِسے پیلی دی مَنت مَنے تے اوہدی قیمت بی سمیت ہووے گی ۔ہر خومر جیہڑا جَو دے بی دے بدلے چاندی دے پنجاہ مِثقال ۔
17
. جے جوبلی دے ورھے وچ کئی اپنے گھر دی مَنّت مَنے تے جیہڑی قیمت اوہدی لگائی جاوے اوہو ای ہووے گی۔
18
. تے جے جوبلی دے ورھے لبد اوہدی مَنّت مَنے تے اپنے ورھیاں دے حساب نال جنہے جوبلی دے ورھے باقی نیں کاہن چاندی دا حساب کرے ۔مقرر ہوئی قیمت وچوں گھٹ کر دیوے۔
19
. جے او مَنت مَنی پیلی نُوں چھڈنا چاہوے تے ٹھہرائی ہوئی قیمت تے پنجواں حصہ زیادہ کرے ۔تے اوہ اوہدا ہووے گا ۔
20
. تے جے اوہ اوہنوں نہ چھڈائے تے کاہن اوہنوں دوجے بندے کول گھل دیوے ایس تَوں علاوہ اوہ فیر چھڈایا نہ جاوےگا۔
21
. تے اوہ پیلی جیہڑی جوبلی دے ورھے تَوں نکل جائے رَب لئی مخصوص شُدہ پیلی وانگر پاک ہووے گا ۔تے کاہن دی ملکیت ہوجاوے گا۔
22
. تے جے رَب لئی اینج وی پیلی لئی مَنّت مَنے جیہڑا اوہنوں مُل لیا ہویا اے تے اوہدی ملکیت دیاں پیلیاں وچوں نئیں ۔
23
. تے کاہن جوبلی دے ورھے تیک اوہدی قیمت دا اندازہ لگائے تے اوسے دیہاڑے رَب لئی پاک کیتی ہوئی چیز وانگر ادا کرے ۔
24
. تے جوبلی دے ورھے وچ اوہ پیلی ویچن والے کول جہدی اوہ ملکیتی دھرتی سی واپس جاوے گا۔
25
. تیری قیمتاں دا سارا اندازہ رَب دے گھر مِثقال نال ہووے گا ۔تے اِک مثقال وچ وی حیران ہون گے ۔
26
. تے ڈنگراں وچوں پہلا بچہّ جیہڑا رَب لئی وکھرا کیتا گیا اےاوہدی کوئی بندہ مَنّت نہ مَنے ،بھانویں گاں دا تے بھانویں بھیڈ بکری دا اوہ رَب دا ای اے ۔
27
. تے جے ناپاک ڈنگراں وچوں ہووے اوہدی ٹھہرائی ہوئی قیمت دے حساب نال اوہدی قیمت دیوے ۔اوہدے تے پنجواں حصہ ورھائے تے جے اوہنوں نہ چھڈائے تے اوہ ٹھہرائی ہوئی قیمت تے ویچیا جائے۔
28
. تے ہر اوہ شے جہدی کوئی بندہ اپنے مال وچوں رَب لئی مَنّت مَنے بھانویں بندہ بھانویں ڈنگر اوہدی وراثت دی پیلی باکل نہ ویچی جاوے نہ چھڈائی جاوے ہر اِک مخصوص کیت ہوئی شے رَب لئی بوہت پاک ہووے گی ۔
29
. منوں وچوں اوہ جہدے بارے نیست و نابود کیتا جان دا حکم ہوئے ۔
30
. اوہدی قیمت نہ دِتی جاوے ۔سگوں اوہ ضرور ماریا جاوے۔تے دھرتی دی ساری دہ یکی اوہدے گلر وچوں یا رُکھ دے پھل وچوں دی اے اوہ رَب لئی مخصوص اے۔
31
. تے جے کوئی دسویں حصیاں وچوں بندہ کوئی شے چھڈائے تے پنجواں حصہ ودھا کے دیوے ۔
32
. پر گاں ڈھگا تے بھیڈبکری دی دسویں حصے دے بارے سارے جیہڑے ڈانگری دے سوٹے تھلیوں نگدااے۔تے اوہدی دسواں حصہ رَب لئی مخصوص ہووے گا۔
33
. ایہہ نہ پرکھیا جاوے گا پئی اوہ چنگا ایہ پئی بھیڑا تے نہ اوہ بلیا جاوے گا۔تے جے کوئی اوہنوں بدلے تے ۔اوہ جیہڑا بدلہ گیا رَب لئی مخصوص ہووےگااوہ چھڈایا نئیں جاوے گا۔
34
. ایہہ اوہ احکام نیں جیہڑے رَب نیں بنی اسرائیل ؔ لئی سِینا دے پہار تے موسیٰ نُوں فرمائے۔