1
. تے رَب نے موسی ٰ نال سِینا دے پہاڑ تے کلام کر کے فرمایا۔
2
. بنی اسرائیل ؔ نال تقریر کر تے اوہنوں آکھ ۔تے جدؤں تُسی اودیس جیہڑا میں توانوں دیاں گا وڑھو۔تے رَب دے سبت لئی دھرتی وی آرام کرے۔
3
. چھ ورھے تُوں اپنی پیلی وچ بی بیج۔تے ورھے تُوں اپنے انگوراں نُوں چھانٹ تے اوہناں دی پیداوار کٹھی کر۔
4
. تے سَتویں سال دھرتی لئی آرام دا سبت رَب دا سبت ہووے گا۔تُوں اپنی پیلی وچ بی نہ بیج تے اپنے انگوراں نُوں نہ چھانٹ۔
5
. تے جو تیری پیلی وچ ڈِگے ہووے دانیاں وچوں جیہرے انگور لگن اوہناں نُوں نہ توڑ کیوں جو دھرتی لئی ایہہ آرام کرن دا ور ااے۔
6
. تے دھرتی دا ایہہ سبت تواڈے لئی یعنی تیرے لئی تے تیرے نوکر لئی تے تیری نوکرانی لئی تے تیرے مزدور لئی تے اوس اوپرے لئی جیہڑا تیرے نال رہندا اے کھان لئی ہووے گا۔
7
. تے تیرے ڈنگر لئی تے تیری دھرتی دے ڈنگراں لئی اوہدی ساری پیداوار خوراک ہووے گی۔
8
. تُوں وریاں دے نال گِن ۔سبت ورھے سَت وری تے تیری سَت ورھیاں دے سبت دے اُنجا ورھے ۔
9
. تے ستویں مہینے دی سَتویں تاریخ تُوں بولی وجوا۔کفارے دے دیہاڑے تیری ساری دھرتی تے توتی وجائے ۔
10
. تے تُسی پنجویں ورھے نُوں پاک کرو۔تے دھرتی دے ساریاں وہن والیاں وچ چھُٹکارے دا اعلان کروا ۔ایہہ تواڈے لئی جوبلی ہووے گی۔ہر اِک بندہ اپنی ملکیت نُوں جاوے تے ہر اِک اپنے ٹبر وچ مُڑ جاوے ۔
11
. پنجوآں ورھا تواڈے لئی جوبلی دا ہووے گا تُوں اوہدے وچ کجھ نہ بی تے جیہڑا پیلیاں وچ اُگے اوہنوں نہ وڈھو ۔تے اپنے انگوراں نُوں جیہڑے چھانٹے نئیں گئے نہ توڑو۔
12
. کیوں جو تواڈے لئی ایہہ مُقدس جوبلی ہووے گی ۔میدان دی پیداوار تُسی کھاؤ ۔
13
. اوس جوبلی دے ورھے وچ تُسی ہر اِک اپنی ملکیت نُوں واپس جاؤ گے ۔
14
. جدوں تُون اپنے گوانڈی نُون کجھ ویچیں یاں مُل لَویں تے کوئی اپنے بھرا نال دھوکھا نہ کرے۔
15
. جوبلی دے ورھے دے بعد ورھیاں دے حساب نال تُوں اپنے گوانڈی کولوں مُل لینا تے اوہ پیداوار دے ورھیاں دے حساب نال تیرے اَگے ویچے ۔
16
. ورھیاں دے ودھاوے دے حساب نال اوہدے لئی قیمت ودھانا۔تے اوہناں دی کمی دے حساب نال گھٹانا ۔کیوں جو او تینوں گنتی دے حساب نال ویچدا اے۔
17
. تُسی اپنے گوانڈیاں نال دھوکھا نہ کرو۔سگوں تُسی رَب کولوں ڈرنا۔کیوں جو میں تہاڈا رَب ہاں۔
18
. سو تُصی میرے قوانین تے حکماں تے عمل کرو ۔تے تُسی دھرتی تے آرام نال رہو گے۔
19
. تے دھرتی تینوں اپنا پھل دیوے گی تے تُسی ڈھیڈ بھر کے کھاؤ گے تے آرام نال رہوو گے۔
20
. جے تُسی آکھو پئی اسیں سَتویںورھے کہہ کھاواں گے ۔کیوں جو اسیں نہ بیجاں گے تے نہ فصل کٹھی کراں گے ۔
21
. تے میںچھیویں ورھے تواڈے لئی اپنی برکت وساواں گا ۔تے او تِن ورھے دی پیدوار توانُوں دیوے گی۔
22
. تُسی اٹھو یں ورھے بیجو گے تے نوویں ورھے تیک فصل کھاؤ گے جدوں تیک نویں فصل نہ آوے تُسی پرانی فصل کھاؤ گے۔
23
. تے دھرتی ہمیشاں لئی نا ویچی جاوے۔کیوں جو دھرتی میر ی اے۔تے تُسی صرف مُسافر او۔تے میرے نیڑے وائی بیجی کرن والے او۔
24
. تے واڈی ملکیت دی ساری دھرتی چھڈان والی ہووے گی ۔
25
. جے تیرے بھرانوں لور پے جاوے اپنی ملکیت وچوں کجھ ویچے۔تے اوہدا قریبی رشتہ دار چھُڈان آوے۔تے اوہنے بھرا دی ویچی ہوئی نُوں چھڈالے۔
26
. تے جے کِسے بندے دا کوئی قریبی رشتہ دار نہ ہووے تے کجھ چھڈان لئی اوہنوں رقم مِل جاوے ۔
27
. تےاو اوہدے ویچن دے بعد دے ورھیاں نُون گِنے تے باقی او ہنوں دیوے جنہوں اوہنے ویچی سی۔تے اپنی ملکیت تے تے جاوے ۔
28
. تے جے باقی دین دی رقم اوہدے کول نہ ہووے ۔تے ویچی ہوئی ملکیت مُل لین والے کول جوبلی دے ورھے تیک رہوے گی۔تے جوبلی دے ورھے او نکل جاوے گی۔
29
. جے کوئی بندہ اپنے رہن والے گھر نُوں جیہڑا چار دیواری شہر دے وچ اے ویچے تے اوہ ویچن دے ویلے اِک ورھے دے وچ چھُدا سکدا اے ۔اِک ورھے تیک چُھڈا لین دا اوہدا حق ہووےگا۔
30
. جے ورھے دے مُکن تَوں پیلاں اوہ اوہنوں نہ چھڈائے تے او چار دیواری دے اندر دا گھر مُل دسن والے دا ہمیشاں تیک پیڑھی در پیڑھی رہوے گا۔تے او جوبلی دے ورھے تیک نئیں نکلے گا۔
31
. تے پنڈ جنہاں دی چار دیواری نئیں او دھرتی دیاں پیلیاں وانگر گِنے جان گے ۔او چھڈائے نہ جااسکن گے ۔او جوبلی دے ورھے وی نہ چھڈائے جان گے ۔
32
. پر لاویاں دے شہر دے بارے تے اوہناں دے ملکیتی گھراں دے بارے جدؤں چاہوے لاوی چھڈ ا سکدا اے۔
33
. پر جے کوئی دوجا لاوی اوہنوں مُل نہ لَوے تے جوبلی دے ورھے وچ مُل لین والا اپنی ملکیت شہر یاں گھر توں نکل جاوے گا ۔کیوں جو بنی اسرائیل ؔ دے وچکار اوہناں دے گھر تے اوہناں دے شہر اوہناں دی ای ملکیت سَن۔
34
. تے اوہناں دےآلے دوالے دیاں پیلیاں ویچیاں نہ جان کیوں جواوہناں دی ہمیشاں دی ملکیت سَن۔
35
. جے تیرا بھرا غریب تے تنگ ہتھ ہو جاوے ۔تے تُوں اوہنوں سنبھال۔اوہ تیرے نال مسافر تے اوہرے وانگر رہووے۔
36
. تُؤں اوہدے کولوں سود تے منافع نہ لینا ۔سگوں اپنے رَب کولوں ڈر ۔تاں جو تیرا بھرا تیرے نال رہوے ۔
37
. تُوں اپنا روپیہ اوہنوں سود تے نہ دے ۔تے نہ منافع لئی اوہنوں کھانا کھوا ۔
38
. میں رَب تواڈاخُدا ہاں۔جیہڑا توانوں مصر ؔ دے دیس توں چھڈا لیایا۔تاں جو کنعان ؔ دی دھرتی تینوں دیوے ۔تواڈا رَب ہاں۔
39
. تے جے تیرا بھرا جیہرا تیرے نال اے غریب ہو جاوے تے اوہ اپنے آپ نُوں تیرے اَگے ویچ دے تے تُوں اوہدے کولوں نوکر وانگر کام نہ کرا۔
40
. سگوں اوہ مزدور تے عائی بیجی کرن والے وانگر تیرے نال رہوے گا۔جوبلی دے ورھے تیک اوہ تیری خدمت کرے گا۔
41
. فیر اوہ تیرے کولوں ٹُر جاوے گا۔اوہ تے اوہدے مُنڈے اپنے ٹبر وَل مُڑجاوے گا۔تے اپنے پیودا دے دی ملکیت نُوں ٹر جاوے گا۔
42
. ایس لئی پئی اوہ میرے بندے نیں ۔جنہاں نُوں میں مصرؔ دے دیس توں کڈھ لیایااوہ نوکرآن وانگر ویچے ناں جان۔
43
. تُوں اوہناں تے سختی نال حکم نہ کر سگوں اپنے رَب توں ڈر ۔
44
. تیرا نوکر تے تیری نوکرانی اوہناں قوماں وچوں ہون جیہڑیاں تواڈے آلے دوالے نیں۔تُسی اوہناں وچوں نوکر تے نوکرانیاں مُل لَوؤ۔
45
. تے اوہناں پردیسیاں دے مُنڈیاں وچوں جیہڑے تواڈے نال رہندے تے اوہناں ٹبراں وچوں جیہڑے تواڈے دیس وچ جمے نیں مُل لَوؤ۔او تہاڈی ملکیت نیں۔
46
. تے تُصی اوہناں نُوں میراث دے وانگر رکھو۔تاں جو تواڈے بعد تواڈے مُنڈیاں دی پیو دادے دی ملکیت ۔او ہمیشاں تیک تواڈی خدمت کرن گے پر اپنے بھراواں بنی اسرائیل وچؤں کِسے نال سختی نال حکم نہ کرو ۔
47
. تے جے کوئی پردیسی تے مسافر جیہڑا تیرے نال اے امیر ہو جاوے تے تیرا بھرا جیہڑا اوہدے نال اے یا پردیسی دے ٹبر دی پیڑھی دے نال اپنے آپ نُوںویچ دیوے۔
48
. تے اوہدے ویچے جان دے بعد اوہ چھڈایا جا سکدا اے۔اوہدے بھراواں وچوں کوئی اوہنوں چھڈالَوے۔
49
. اوہدے چاچے یاں چاچے دا پُتر اوہنوں چھڈائے یاں اوہدےتے جے او امیر ہو جائے تے اپنے آپ نُوں چھڈائے۔
50
. تے اواپنے ویچن والے دے نال ویکن دے ورھے تَؤں جوبلی تے ورھے تیک حسان کرے تے ویچن دی رقم توں ورھیاں دی گنتی دے حساب نال مزدوراں دی اُجرت کٹ لَوے۔
51
. جے بہت ورھے باقی ہون تے اوہناں دے حساب نال اوہدی خرید دی رقم توں چھڈائے جان دی رقم تیک موڑ دیوے ۔
52
. جے جوبلی دے ورھے تَوں تھوڑے ورھے ہون تے او حساب کرے تے ورھیاں دے حساب نال اپنے چھڈائے جان دی قیمت ادا کرے۔
53
. او مزدور دے وانگ جہدا ورھے تے ورھا مقرر ہووے اوہدے نال رہوے اوہ تیرے اَگے سختی نال اوہدے تے حکم نہ چلائے ۔
54
. تے جے کوئی اوہنوں نہ چھڈائے تے جوبلی دے ورھے او تے اوہدے پُتر آزاد ہو جان گے ۔
55
. کیوں جو بنی اسرائیل ؔ میرے بندے نیں جنہاں نُون میں مصرؔ دے دیس تَوں باہر کڈھ لیایا ۔میں رَب تواڈا خُدا ہاں۔