1
. تے رَب نیں موسیٰ نال کلام کر کے فرمایا۔
2
. بنی اسرائیل نُوں آکھ پئی تیرے کول خالص گٹیا ہویا زیتون دا تیل شمعدان لئی لیاؤن ۔تاں جو اوہدے نال دِیوے ہمیشاں جگدے رہن۔
3
. تنبو دی حضوری وچ عہد دے صندوق دے پرد ے دے باہر ہارون اوہنوں شام توں صبح تیک رَب اَگے ہمیشاں طریقے نال رکھے ۔ایہدی ابدی فرض تواڈیاں پیڑھیاں لئی ہووے گا۔
4
. او دِیویاں نُوں پاک شمعدان اُتے رَب دے حضور ہمیشاں طریقے نال کھیا کرے۔
5
. تے تُوں میدہ لے کے باراں روٹیاں پکا ۔ہر اِک روٹی دو دسویں حصے دی ہووے ۔
6
. تُؤں اوہناں نُوں رَب دے اَگے پاک میز تے دولائناں وچ۔ہر لائین وچ چھچھ کر کے طریقے نال رکھ ۔
7
. تے ہر اِک لائن تے پاک لُوبان رکھ۔تاں جو او روٹی یاد گار لئی رَب لئی ساڑنوالی قربانی ہووے۔
8
. تے او ہمیشاں ہر سبت نُوں رَب اَگے بدلیاں جان بنی اسرائیل ولوں ایہہ ہمیشاں عہد ہووے گا۔
9
. تے او ہارون تے اوہدے پُتراں دیاں ہون گیاں ۔اواوہناں نُوں پاک تھاں وچ کھان ۔کیوں جو رَب دی ساڑن والی قربانی وچوں ایہہ اوہدے لئی بوہت ای پاک اے۔ایہہ ابدی فرض ہووے گا۔
10
. ہر اِک اسرائیلؔ زنانی دا پُتر جہدا پیو مصری ؔ بندہ سی ۔نکل کے بنی اسرائیلؔ دے وچکار گیا ۔تے اوس اسرائیلی ؔزنانی دے پُتر نے تنبو گاہ وچ اسرائیلیؔ بندے نال جھگڑا کیتا ۔
11
. تے اسرائیلی زنانی دے پُتر دے پاک ناں تے کفر بکیا تے لعنت کیتی تے اوہنوں موسیٰ کول لیائے ۔اوہدی ماں دا ناں شولمیت ؔ سی۔جیہڑی دانؔ دے قبیلے وچوں دلبری ؔ دی دھی سی۔
12
. فیر اوہناں نے اوہنوں جیل وچ سُٹیا ۔جدوں تیک موسیٰ رَب دے کہن دے مطابق فیصلہ نہ کرے۔
13
. تے رَب نے موسیٰ نال کلام کر کے فرمایا۔
14
. تے کفر بکن والے نُوں تنبو گاہ توں باہر لے جاؤ تے سارے جنہاں اوہنوں لعنت کردیاں سُنیاں ۔اوہدے سِر تے ہتھ رکھن ۔تے ساری جماعت اوہنوں پتھراں نال ما ر مار کے مار چھڈن ۔
15
. بنی اسرائیلؔ نال تقریر کر کے آکھ۔جس بنے نیں اپنے رَب تے لعنت کیتی ۔پاپ اوہدے ای سِر ہو وے گا۔
16
. تے جیہڑا کوئی رَب دے ناں تے کفر بکے۔اوہ ضرور قتل کیتا جاوے گا۔ساری جماعت اوہنوں ضرور پتھراں نال مار مار کے مار دیوے ۔بھاونویں اوہ دیسی ہووے یاں پردیسی ہووے۔جس کسے نیں رَب دے ناں تے کفر بکیا اوہ قتل کیتا جاوےگا۔
17
. تے جے کوئی بندے نؤں قتل کرے اوہ ضرور قتل کیتا جاوےگا۔
18
. تے جے کوئی ڈنگر نُوں مار دے ۔تے اوہدے بدلے ڈنگر دیوے ،جان دے بدلے جان ۔
19
. جے کوئی بندہ اپنے گوانڈی نُوں ذخمی کرے تے جینج اوہنے کیتااونج ای اوہدے نال کیتا جاوے ۔
20
. کوڑھ دے بدلے کوڑھ اَکھ دے بدلے اَکھ۔دند دے بدلے دندتے جیہڑا زخم اوہنے بندے نُوں لایا او ای اوہنوں وی لایا جاوے۔
21
. جیہڑا ڈنگر نُوں قتل کرے اوہدے بدلے ڈنگر دے ۔جیہڑا بندے نُوں قتل کرے اوہ قتل کیتا جاوے ۔
22
. تواڈے لئی اِک ای قانوُن اے۔پردیسی لئی تے دیسی لئی ۔کیوں جو میں رَب تواڈا خُدا ہاں۔
23
. تے موسیٰ نے بنی اسرائیل نُوں آکھیا فیر او کفر بکن والے نُوں تنبو گاہ توں باہر لے گئےتے اوہنوں پتھر مار مار کے مار چھڈیا تے جینج رَب نے موسیٰ نُوں ضکم دِتا بنی اسرائیل ؔ نے کیتا۔