1
. رَب نے موسیٰ نال کلام کر کے فرمایا۔
2
. بنی اسرائیل ؔ نال تقریر کر تے اوہناں نُوں آکھیا پئی رَب دیاں عیداں جنہاں لئی تُسی پاک محفلاں دا اعلان کر و گے ایہہ اعلان نیں۔
3
. سبت۔چھ دیہاڑے تُسی کم کرو گے۔تے سَتواں دیہاڑا جیہڑا آرام دا سبت اے ۔پاک محفل ہووے گی ۔اوہدے وچ کوئی کم نہ کرو۔او تہاڈے سارے گھراں وچ رَب سبت اے۔
4
. عید فسح۔رَب دیاں عیداں مُقدس محفلاں جیہڑیاں تُصی اوہناں وچ مناؤاو ایہہ نیں ۔
5
. پہلے مہینے دی پندرہھویں تاریخ دی شام نُوں رَب دی فسح اے۔
6
. تے اوسے مہینے دی پندرھویں تاریخ نُوں رَب دی عید فطیر اے تُسی سَت دیہاڑے بے خمیری روٹی کھاؤ۔
7
. تے پہلے دیہاڑے تہاڑی پاک فصل ہووے گی تے اوہدے وچ کوئی نوکراں والا کم نہ کرو۔
8
. سَت دیہارے تُسی رَب لئی ساڑن والی قربانی چڑھاؤ تے ستویں دِن مُقدس محفل ہووے گی ۔تُسی کوئی نوکراں والا کم نہ کرو۔
9
. رَب نےموسیٰ نال کلام کر کے فرمایا۔
10
. بنی اسرائیل نال تقریر کر تے اوہناں نُوں آکھ تے جدوں تُسی اوس دھرتی وچ وڑو جیہڑی میں تہانوں دیاں گا ۔تے تُسی اوہدی فصل وڈھو۔تُسی اپنے فصل دے پہلے پھل وچوںاِک بھری کاہن لئی لیاؤ۔
11
. تے تہاڈے وَلوں پسند آؤن لئی او رَب دے اَگے ہلائے ۔
12
. تے بھری دے ہلان دیہاڑے تُسی اِک بے عیب اَ ورھے دا دُنبہ رَب لئی ساڑن والی قربانی چڑھاؤ۔
13
. تے اوہدے نال نذر دی قربانی ۔تیل وچ ملے ہوئے ایفے دے دو دسویں حصے میدہ دی ہووے۔ایہہ رَب لئی اعلیٰ خوشبو دے وانگر ساڑن والی قربانی ہووے۔تے اوہدا تپاون چوتھا حصہ ہین دا ہووے۔
14
. تے اوس دیہاڑے تیک تُسی رَب اپنے خُدا لئی قربانی لیاؤ ۔روٹی تے بھُنے ہوئے سِٹے تے کُٹے ہوئے دانے بالکل نہ کھاؤ۔تہاڈے ساریاں گھراں وچ تہاڈیاں نسلاں لئی ہمیشاں دا فرض ہووے گا۔
15
. تے تُسی سَت دے دوجے دیہاڑے عید خمسین توں جس دیہاڑے تُسی بھری دی قربانی ہلان لئی لائے گِنو ۔سَت پورے ہفتے ہون۔
16
. سَتاں سبتاں دے دوجے دیہاڑیاں تیک تُسی پنجاہ دیہاڑے گِن لَو۔تے فیر تُسی رَب لئی نذر دی نویں قربانی چڑھانا۔
17
. تُسی اپنےگھراں توں روٹی ہلان لئی لیاؤ ۔ایہہ دو روٹیاں ایفہ دے دو دسویں حصے میدے دیاں ہون ۔تے رَب لئی نویں خمیر نال پکایاں گئیاں ہون۔
18
. تے روٹی دے نال سَت دُنبے بے عیب اِک سالہ لاؤ۔تے اِک وچھا تے اِک چھترا رَب لئی ساڑن والی قربانی ہووے ۔نذراں تے تپاون سمیت رَب لئی اعلیٰ خوشبو والی ساڑن والی قربانی ہون۔
19
. تے اِک بکرا بھُل دی قربانی لئی تے دو دُنبے اِک سالہ سلامتی دی قربانی لئی چڑھاؤ۔
20
. تے کاہن اوہناں نُوں پہلی پیداوار دی روٹی سمیت رَب دے اَگے ہلان دی قربانی لئی ہلائے دونواں دُنبیاں سمیت او ہ رَب لئی پاک نیں۔او کاہن دے ہون گے ۔
21
. تے تُسی خاص ایسے ای دیہاڑے عید دا اعلان کر واؤ ۔پئی تہاڈی پاک محفل ہووے گی۔کوئی نوکراں والا کم نہ کرو ۔تہاڈے سارے گھراں وچ پیڑھی در پیڑھی ہمیشاں ای ایہہ فرض ہووے گا۔
22
. تے جدوں تُسی دھرتی دی فصل وڈھو۔تے وڈھ دیاں ہویاں اپنی پیلی کنڈےتیک نہ وڈھنا تے وڈھدیاں ہویاں جیہڑا ڈگ جائے اوہنوں نہ چُکو۔اوہنوں غریب تے مسافر لئی چھڈ دیو۔میں رَب تہاڈا خُدا ہاں۔
23
. نواں سال۔رَب نے موسیٰ نال کلام کر کےفرمایا۔
24
. بنی اسرائیل نال تقریری کر کے آکھ ۔پئی سَتویں مہینے دے پہلے دیآرے تہاڈے لئی چھُٹی ہووے گی ۔اوہدے وچ توتیاں وجان دی یادگار تے پاک محفل ہووے گی۔
25
. تُسی کوئی نوکرانا کم نہ کرو۔تے رَب لئی ساڑن والی قربانی چڑھاؤ۔تے یومِ کفارہ تے رَب نے موسیٰ نال کلام کر کے فرمایا۔
26
. اوسے ای سَتویں مہینے دا دسواں دیہاڑا یومِ کفارہ ہووے گا ۔
27
. تہاڈے لئی پاک محفل ہووے گی ۔تُسی اپنے نفس تے غالب آؤ تے رَب لئی ساڑن والی قربانی چڑھاؤ۔
28
. خاص اوسے دِن تُسی کوئی کم نہ کرو۔کیوں جو ایہہ کفارے دا دِن اے۔ایس وچ تہاڈے لئی رَب تہاڈے خُدا دے اَگے کفارہ دِتا جائے گا ۔
29
. جیہڑا کوئی بندہ خاص اوس دیہاڑے اپنے نفس تے غالب نہ آئے اوہدا ناں اپنے لوکاں وچوں مِٹایا جائے گا ۔
30
. تے جیہڑا بندہ اوس خاص دیہاڑے کوئی کم کرے ۔میںاوس بندے نُوں اوہدے لوکاں وچو ں برباد کراں گا۔
31
. اوس دیہاڑے تُسی کوئی کم نہ کرو ۔تہاڈے سارے گھراںوچ پیڑھی در پیڑھی ایہہ ہمیشاں دا فرض ہووے گا۔
32
. ایہہ تہاڑے لئی چھُٹی دا سبت اے۔تُسی اپنے نفس تے غالب آؤ۔مہینے دے نوویں دیہاڑے دی شام تَوں دوجی شام تیک تۃسی اپنا سبت مناؤ۔
33
. عیدِخیام ۔تے رَب نیں موسیٰ نال کلام کر کے فرمایا۔
34
. بنی اسرائیلؔ نال تقریر کر تے آکھ پئی ایسے ای ستویں پہینے دے پندرھویں دیہاڑے تیک رَب لئی ہووے گی۔
35
. پہلے دیہاڑے پاک محفل ہووے گی ۔تُسی کوئی نوکراناکم نہ کرنا۔
36
. سَت دیہاڑے لئی تُسی رَب لئی ساڑن والی قربانی چڑھاؤ۔اٹھویں دیہاڑے تہاڈے لئی پاک محفل ہووے گی ۔تُسی ساڑن والی قربانی رَب لئی چڑھاؤ۔کیوں جو ایہہ محفل دا دیہاڑ اے ۔تُسی کوئی نوکرانا کم نہ کرو۔
37
. رَب دیاں ایہہ عیداں نیں ۔جنہاں لئی تُسی پاک محفلاں لئی منادی کرو گے ۔تے اوہناں وچوں تُسی رَب لئی ساڑن والی قربانی تے نذر دی قربانی تے قربانیاں تے مقرر تپاون ۔ہر اِک دیہاڑے دے رواج دے مطابق چڑھاؤ گے ۔
38
. علاوہ ایہدے رَب دے سبتاں دےتے ایہدے علاوہ تہاڈے ہدیاں تے تہاڈیاں ساریاں منتاں دے تے اپنی خوشی دی قربانیاں لئی جیہڑی تُسی رَب لئی چڑھاندے او۔
39
. تے سَتویں مہینے دے پندرھویں دیہاڑے جدوں پئی تُسی دھرتی دی پیداوارکٹھی کرو۔تُسی رَب لئی سَت دیہاڑے عید کرو۔اوہناں وچوں پہلا دیہاڑا آرام دا تے اٹھواں دیہاڑا آرام دا ہووے گا۔
40
. پہلے دیہاڑے وچ تُسی رُکھاں دے پھل تےکھجور دیاں ٹہنیاں تے موٹے رُکھاں دیاں ٹہنیاں تے دریا دیاں وَلاں اپنے لئی لوؤ۔تے رَب اپنے خُدا دے اَگے سَت دِن خوشی کرو۔
41
. ورھے وچ سَت دیہاڑے رَب لئی عید کرو۔ایہہ ہمیشاں دا فرض تہاڈیاں پیڑھیاں لئی ہووے گا۔پئی سَتویں مہینے تُسی عید کرو۔
42
. تُسی سَت دیہاڑے لئی تنبوواں وچ رہو۔ہر اِک جیہڑا اسرائیل دی پیڑھی توں اےتنبو وچ رہوے۔
43
. تاں جو تہاڈیاں پیڑھیاں جانن پئی جدوں میں اسرائیلؔ نُوں مصرؔ دے دیس وچوں باہر کڈھ لیایاتے میں اوہناں نُوں تنبوواں وچ ٹھہرایا۔میں رَب تہاڈا خُدا ہاں۔
44
. فیر موسیٰ نے بنی اسرائیل نُوں رَب دیاں عیداں بارے دَسیا۔