1
. تے رَب نے موسی ٰ نال کلام کر کے فرمایا۔
2
. پئی ہارون ؔ تے اوہدیاں پُتراں نُوں کہنا ۔پئی اوہ بنی اسرائیل ؔ دیاں وکھریاں کیتیاں ہویاں شیواں دے بارے ہوشیار رہن تے میرے پاک ناں نُون اوہناں شیواں وچ جیہڑیاں اوہ میرے لئی مُقدس کر دے نے تے بے عزت نہ کرن۔میں رَب ہاں ۔
3
. تُوں اوہناں نُوں آکھنا ۔پئی تہاڈی پیڑھی وچوں تہاڈیاں پیڑھیاں دے وچکار جے کوئی بندہ ناپاکی دی حالت وچ اوہناںشیواں دے نیڑے جائے ۔جنہاں نُوں بنی اسرائیل مُقدس کر دے نے تے اوہ بندہ میرے حضوروں کٹیا جائے ۔میں رَب ہاں۔
4
. ہارون دی پیڑھی وچوں جے کوئی بندہ کوڑھ تے اوہدا طبقہ وگدا ہووے تے جدوں تیک اوہ پاک نہ ہو جاوے ۔پاک شیواں وچوں نہ کھائے ۔تے جے کوئی اوس شے نُوں ٹووے جیہڑی مُردے دے سببوں ناپاک اے جہدی پیڑھی دا بی خارج ہویا ۔
5
. یا جے کوئی بندہ کسے ریڑن والے جاندار نُوں جہدے نال ناپاک ہُندے نیں یا بندے نُوں جہدے تَوں اوہدی گندگی دے سببوں ناپاکی ہندے نے ہتھ لگائے ۔
6
. تے ہر اِک گھر وچوں کسے نُون ہتھ لگائے اوہ شام تیک ناپاک رہوے گا اوہ پاک شیواں وچوں نہ کھائے تے اپنا جسم پانی نال دھوئے۔
7
. جدوں سورج ڈب جائے گا تے اوہ پاک ہووے گا۔ایہدے پیچھوں اوہ پاک شیواں وچوں کھائے ۔کیوں جو اوہدی خوراک پین ۔
8
. اوہ اپنے آپ مرے ہوئے یا درندیاں دے پاڑے ہوئے ڈنگر نہ کھائے تاں جو ناپاک نہ ہووے ۔میں رَب ہاں۔
9
. تاں جو ایس سببت نال پاپ اوہناں دے سِر تے نہ ہووے ۔تے اوہنوں بے عزت کرن دے سبب تَوں نہ مرن ۔میں رَب اوہناں دا پاک کرن والا ہاں ۔
10
. تے کوئی اوپرا بندہ پاک شے نہ کھاوے ۔تے کاہن گھر دا مسافر تے مزدور پاک چیز نہ کھائے۔
11
. تے جس بندے نُوں کاہن نے اپنا مُل دے کے خریدیا۔اوہ پاک شیواں وچوں نہ کھائے اینج ای جیہڑا اوس گھر وچ جمیا ہویا ہووے اوہ اوہدے کھانیاں وچوں کھاوے۔
12
. تے کاہن دی دھی جیہڑی اوپرے بندے نال ویاہی گئی ہووے ۔اوہ پاک شیواں دی قربانی وچوں نہ کھاوے۔
13
. تے کاہن دی جیہڑی دھی بیوہ یا طلاق ہووے تے اوہدی اولاد نہ ہووے اوہ اپنے پیو دے گھر فیر آجاوے جد وں پئی اوہ بچپن دے دناں وچ سی ۔تے اوہ اپنے پیو دے کھانے وچوں کھائے ۔پر اوپرا بندہ اوہدے وچوں نہ کھائے۔
14
. پر جے کوئی بندہ بھُل کے پاک شیواں وچوں کھائے تے اوہدا پنجواں حصہ ودھا کے دیوے ۔تے کاہن نُوں پاک شے موڑ دیوے۔
15
. تے بنی اسرائیل ؔ دیاں پاک شیواں نُوں جیہڑیاں اوہ رَب دے اَگےچڑھاؤن۔بے عزت نہ کرن۔
16
. تے پاک شیواں دے کھان دا پاپ اوہناں دے سِر ہوووے ۔تاں جو میں رَب اوہناں دا مُقدس کرن والا آں۔
17
. تے رَب نے موسیٰ نال کلام کر کےفرمایا۔
18
. پئی ہارون ؔ تے اوہدے پُتراں تے سارے بنی اسرائیل نال تقریرکر تے اوہناں نُوں آکھ پئی جے کوئی بندہ بنی اسرائیل وچوں تے اوہدے رہن والیاں وچوں اپنی قربانی لیاوے بھاویں مَنت پوری کرن دی خوشی وی ہووے ۔جنہوں اوہ ساڑن والی قربانی کر کے رَب لئی چڑھاند ا اے۔
19
. تے تہاڈے ہتھاں وچوں پسندآؤن لئی اوہ ٹھگیاں وچوں یاں بھیڈاں وچوں یاں بکریاں وچوں بے عیب نہ ہووے۔
20
. تے جیہڑا عیب دا رہووے اوہنؤں نیڑے نہ لیاؤ۔کیوں جو اوہ تہاڈے ہتھوں پسند نہ آوے گا۔
21
. جے کوئی بندہ رَب لئی ساڑن والی قربانی لیاوے۔بھاویں اوہ منت پوری کرن دی یا خوشی دی ہووے۔گاں ڈھگے وچؤں یا بھید بکری وچوں تے بے عیب ہووے ۔پسند آؤن لئی چائیدی اے۔
22
. نا تے ٹُٹیا ہویا زخمی تے رسولی تے خارش والا تے دھدر والا تُسی رَب لئی نہ چڑھاؤتے اوہناں وچوں رَب لئی قربان گاہ تے ساڑن والی قربانی نہ چڑھاؤ۔
23
. کوئی ڈھگا یاں بھیڈ جہدا اَنگ گھٹ یا ودھ ہووے۔تُسی اپنی خوشی نال چڑھاسکدے او۔تے جے او منت پوری کرن لئی اے تے نا پسند ہووے گا،
24
. جے کوئی ڈنگر جہدی نسل کُشی گئی یا توڑے گئے ہون۔یاں کڈھے گئے ہون یاں کٹے گئے ہون تُسی رَب لئی قربانی نہ دیو۔ایناں گلاں وچوں کوئی وی اپنی دھرتی تے نہ کرو۔
25
. ایناںساریاں وچوں رَب دی خوراک اوپرے دے پُتر ہتھوں نہ چڑھوانا۔کیوں جو او سارے گندے نیں تے اوہناں وچ عیب اے۔اوہ تہاڈے ہتھوں پسند نئیں آؤن گے۔
26
. تے رَب نے موسیٰ نال کلام کر کے فرمایا۔
27
. پئی جدؤں وچھاتے دُنبہ تے بکری دا بچہ جمے اوہ سَت دیہاڑے تیک اپنی ماں دے نال رہوے ۔تے اٹھویں دیہاڑے تَوں اگے تے رَب لئی ساڑن دی قربانی لئی پسند یدہ ہووے گی۔
28
. تے گاں تے بھیڈ سمیت اوہدے بچے نُوں اِک دیہارے حلال نہ کرو۔
29
. تے جدوں تُسی شکرانے دی قربانی حلال کرو تے اینج دا حلال کرو۔جیہڑا تہاڈے ہتھوں پسند کیتا جاسکے۔
30
. او اوسے دیہاڑے کھاہدا جائے اگلے دیہاڑے لئی نہ رکھیا جاوے ۔میں رَب ہاں ۔
31
. تُسی میرے حکماں نُوں منو تے اوہدے تے عمل کرو میں رَب ہاں ۔
32
. تےمیرے پاک ناں نُوں بے عزت نہ کرو بنی اسرائیلؔ دے وچکار میری پاکیزگی ظاہر کیتی جاوے میں رَب تہاڈا پاک کرن والا ہاں۔
33
. میں تہاڈے مصر دیس تَوں کڈھ لیایاواں۔تاں جو تہاڈا رَب ہوواں ۔میں رَب ہاں۔