1
. تے رَب نیں موسیٰ نال کلام کر کے فرمایا۔
2
. بنی اسرائیل دی جماعت نال خطاب کر تے آکھ پئی تُسی پاک ہو جاؤ کیوں جو مین رَب تہاڈا پاک خُدا ہاں ۔
3
. ہر اِک بندہ اپنی ماں تے اپنے پیو کولوں ڈرے تے میریاں سبتاں نُوں مَنے میں رَب تہاڈا خُداہاں۔
4
. تُساں بُتاں ول دھیان نئیں دینا۔تے نہ اپنے لئی ڈھالے ہوئے دیوتے بناؤ ۔مین رَب تہاڈا خُدا ہاں۔
5
. جے تہانوں سلامتی دی قربانی رَب دے حضور چڑھانا ہووے تے اینج داچڑھانا پئی رَب تہاڈے تے کرم کر ے۔
6
. تے جس دیہاڑے تُساں اوہنوں حلال کیتا ۔اوس دیہاڑے تے اگلے دیہاڑے اوہنوں کھاؤ۔تے جے کوئی تیجے دیہاڑے بچیا رہووے تے اوہنوں اَگ نال ساڑ دِتا جائے۔
7
. تے جے اوہدے وچوں تیجے دیہاڑے کھاہدا جاوے تے اوہ ناپاک اے ۔
8
. تے جنہے کھاہدا پاپ اوہدے سِر ہووے گا ۔کیوں جو اوہنے رَب دی پاک چیز نُوں داغ لگایا۔تے اوہ بندہ اپنے لوکاں وچوں کڈھیا جاوے۔
9
. جدوں تُوں دھرتی دی فصل وڈھیں ۔تُوں پیل دے کنڈیاں تیکل نہ وڈھ تے اپنی فصل دے سِٹے نہ چُک ۔
10
. تے اپنے انگور دے درخت باغاں دے سارے دانے نہ توڑو تے ڈھگےہوئے انگور نہ چُک۔سگوں اوہنوں غریب تے مسافر لئی چھڈ دے۔میں رَب تہاڈا خُدا ہاں۔
11
. تُساں چوری نئیں کرنی ۔تُساں جھوٹ نئیں بولنا۔کوئی اپنے گوانڈی نُوں دھوکا نا دیوے ۔
12
. تے میرے ناں دی جھوٹی قسم ناں کھاؤ،تے اپنے رَب دے ناں نُون داغ ناں لایو،میں رَب ہاں۔
13
. تُوں اپنے گواہنڈی تے ظلم ناں کر تےناں اوہدے کولوں کجھ کھو تے مزدور دی مزدوری اگلے دیہارے تیک تیرے کول ناں پئی رہوے۔
14
. تُوں بھولے نُوں گال نہ کڈھ ۔تےاَنے دے اَگے ٹھوکر لگن والی شے نہ رکھ۔تے اپنے رَب توں ڈر ۔میں رَب ہاں۔
15
. تُوں کچیری وچ بے نیائیں ناں کر ۔تُو ں غریب دی رعایت ناں کر ۔تے ناں وڈے بندے دا لحاظ کر۔سگوں نیاں نال اپنے گواہنڈی دا نیاں کر۔
16
. تُوں ااپنی قوم وچ چغلیاں کر دا ہویا نہ ٹر ۔تے اپنے گواہنڈی دے لہو دے خلاف نہ کھلو،میں رَب ہاں۔
17
. تُؤں اپنے بھرا نال دِل وچ کینہ نہ رکھ ۔سگوں اوہنوں ساریاں دے اَگے ڈانٹ ڈپٹ کر۔پئی تُؤن اوہدے سببوں بھُلن ہار نہ ہوویں۔
18
. تُوں اپنی قوم دے پُتراں کولوں بدلہ نہ لے۔تے اوہناں نال کینہ رکھ۔تُوں اپنے گواہنڈی نُوں پیار کر۔میں رَب ہاں ۔
19
. تُوں میری شریعت تے عمل کر۔تُوں اپنے ڈنگراں نُوں غیر جنس دے ڈنگراں نال ناں بھروانا۔تُوں اپنی پیلی وچ دو طراں دا بی ناں بیج ۔تے دو قسم دا اُنیا لیڑا تیرے اُتے نہ ہووے۔
20
. جے کوئی بندہ اوس نوکرانی نال سوویں جیہڑی نوکرانی اے۔تے دوجے بندے دی منگیتر ہووے۔جہدا مُل دِتا ہووےتے نہاوہ آزاد ای کیتی گئی ہووے۔تے اوہناں نُوں سزا دِتی جاوے۔او مارے نہ جان کویں جو او آزاد نئی سی۔
21
. او اپنی سر پائی دی قربانی لئی تے رَب دی حضوری لئی تنبو دے بوہے تےاِک دُنبہ لیاوے۔
22
. تے کاہن بدی دے دُنبہ نُوں رَب دے اَگے اوس بھُول لئی جہدا اوہنے مُل دِتا تے پاپ جیہڑا اوہنے کیتا اوہدی اوہنوں معافی ہو جاوے گی۔
23
. تے جدوں تُسی اوس دیس وچ وڑو۔تے ہر اِک رُکھ کھا ن لئی لگاؤ۔تے اوہدے پہلے پھل نُوں وکھریاں کر دیو۔تِن ورھے تیک او تہاڈے کھا ن لئی نئیں ہووے گا۔اوہدے وچوں نہ کھاؤ۔
24
. تے چوتھے ورھے وچ اوہدے سارے پھل رَب دی بزرگی لئی پاک ہون گے ۔
25
. تے پنجویں ورھے تُسی اوہدا پھل کھاؤ۔تے اوہدی فصل تہاڈے لئی ودھے گی۔میں رَب تہاڈا خُدا ہاں۔
26
. تُسی کوئی شے لہو دے نال نہ کھانا ۔نہ ٹیوے لگاؤ ۔نہ پھال کڈھو۔
27
. تُسی اپنے سِر دے وال گول نہ کُٹنا تے اپنی داڑھی نہ کٹوانا۔
28
. تے مریاں لئی اپنے جسماں نُوں زخمی نہ کرنا۔تے نہ اپنے اُتے ٹِکیاں دے نشان بنوانا،میں رَب ہاں۔
29
. تُوں اپنی دھی نُوں کنجری نہ بنایا۔تے اینج نہ ہووے پئی دیس رہن والے بدکاری کرن تے دیس شرارت نال بھر جاوے۔
30
. میرے سبتاں نُوں منع۔تے میرے گھر دی عزت کرو۔میں رَب ہاں۔
31
. تُسی جادو گراں وَل نہ جائیو۔تے ناں ٹیوے لان والیاں نُون لبیو۔تاں جو تُسی اوہناں نال گندے ہو جاؤ گے۔
32
. تُسی جادو گراں وَل نہ جائیو۔تے ناں ٹیوے لان والیاں نُون لبیو۔تاں جو تُسی اوہناں نال گندے ہو جاؤ گے۔
33
. تے کوئی اوپر ا تہاڈی دھرتی تے رہوے تُساں اوہدے تے ظلم نہ کرنا۔
34
. تے اوپرا بندہ جیہڑا تیرے نال رہندا اے۔تے تہاڈے نیرے اینج دا ہووے جیویں تہاڈے وچ ای جمیا ایں ۔تُوں اوہنوں اپنے آپ وانگر پیار کر۔کیوں جو تُسی وی مصر ؔ دے دیس وچ مسافر سی۔میں رَب تہاڈا خُدا ہاں۔
35
. تُسی نیاں کرن وچ ناپن تے تولن وچ بے نیائیں نئیں کرنی۔
36
. سگوں تہاڈی تکڑی تے تہاڈے وٹے پورے تے ایفہ تے ہین پورے ہون۔میں رَب تہاڈا خُدا ہان ۔جیہڑا مصر دے دیس وچوں تہانوں باہر کڈھ لے آیا۔
37
. سو میری ساری شریعت تے حکماں نُوں منو۔تے اوہناں تے عمل کرو۔