1
. تے رَب نیں موسیٰ نال کلام کر کے فرمایا۔
2
. بنی اسرائیلؔ نوں آکھ پئی جے کوئی بنی اسرائیل ؔ وچوں تے اوپر یاں وچوں جیہڑے اسرائیل وچ رہندے نیں اپنی پیڑھی وچؤں مولک دیوتے نُوں چڑھا ئے ۔او ضرور جانوں ماریا جائے دیس دے باسی اوہنوں پتھراں نال ماردین۔
3
. تے میں شکل اوس بندے دے خلاف کراں گا تے اوہدے لوکاں وچوں اوہدا ناں مِٹا دیاں گا۔کیوں جو اوہنے اپنی پیڑھی وچوں مولک نوں دِتاتے میرے گھر نوں ناپاک کیتا تے میرے پاک ناں تے دھبہ لایا۔
4
. جے ایس دھرتی دے رہن والے اوس بندے تَوں ۔جنہیں اپنی پیڑھی وچؤں مولک نوں دِتا ۔مونہہ لُکان تے اوہنوں قتل نہ کرن۔
5
. تے میں اپنی شکل اوس بندے تے اوہدے ٹبر دے خلا ف کراں گا ۔تے اوہنوں تے اوہناں ساریاں نؤں لوکاں وچوں اوہدا ناں مِٹا دیاں گا ۔
6
. تے جے کوئی بندہ جادوگراں تے ٹیوے لان والیاں وَل دھیان کرے تاں جو اوہناں دی پیروی وچ بھیڑے کم کرے میں اپنی شکل اوہدے خلاف کراں گا ۔تے اوہنوں اوہدے لوکاں وچوں مٹا دیاں گا۔
7
. سو تُسی اپنے آپ نُوں پاک کرو ۔تے پاک ہوو۔تاں جو میں رَب تہاڈا خُدا ہاں۔
8
. میری شریعت نُوں منو تے اوہدے اُتے عمل کرو میں رَب تہانوں پاک کرن والا ہاں ۔
9
. جیہڑا بندہ اپنے پیو یا اپنی ماں تے لعنت کرے او ضرور مار سُٹیا جاوے کیوں وج اوہنے اپنے پیو یا اپنی ماں تے لعنت کیتی ۔اوہدا لہو اوہدے سِر اے۔
10
. تے جیہڑا بندہ دوجی زنانی دے نال ۔جیہڑی اوہدے گواہنڈی دے ہووے زنا کرے تے زنا کرن والا تے زنا کرن والی مار سُٹے جان ۔
11
. تے جے کوئی اپنے پیو دی زنانی نال ہم بستر ہووےتے اوہنے اپنے پیو دے جسم ننگیاں کیتا تے او دونویں مار سُٹے جان ۔کیوں جو اوہناں نے بڑی نیچ شرارت کیتی اے۔اوہناں دا لہو اوہناں دے سِر ہووے گا۔
12
. جے کوئی اپنی نُوں نال ہم بستر ہووے تے او دونویں ماڑسُٹے جان ۔کیوں جو اوہناں بڑی نیچ شرارت کیتی اے۔اوہناں دا لہو اوہناں دے ای سِر ہووے گا۔
13
. جے کوئی مرد نال صحبت کرے جینج زنانی نال کیت جاندی اےتے اوہناں ناپاک کم کیتا ۔او دونویں مار سُٹے جان۔اوہناں دا کون اوہناں تے ای ہووے گا۔
14
. جے کوئی بندہ کِسے زنانی تے وہدی ماں دونواں نُوں رکھے ۔ایہہ انتہا درجے دی بے شرمی اے۔اوہناں دونواں نوں اَگ نال ساڑیا جائے ۔تاں جو تہاڈے وچکار اینج دی بے شرمی نہ رہوے۔
15
. جے کوئی ڈنگرنال بریائی کرے تے او ضرور قتل کیتا جاوے تے ڈنگر وی مار سُٹیا جاوے ۔
16
. جے کوئی زنانی ڈنگر دے کول جاوے تے اوہدے نال جماع کرے ۔زنانی تے ڈنگر نُون قتل کر۔اوہ دونویں ضرور قتل کیتے جان اوہناں دا لہو اوہنا ں دے سِر ہووے گا۔
17
. جے کوئی بندہ اپنی بہن تے اپنے پیو دی دھی یا اپنی ماں دی دھی نُون لَوے ۔تے او اِک دوجے دے جسم نُوں ویکھن ۔ایہہ شرم دی گل اے ۔اوہ دونویں اپنے لوکاں دیاں اکھاں دے اَگے خارج کیتے جان۔
18
. جے کوئی ماہواری والی زنانی نال ہم بستری ہووے تے اوہنے اوہدے جسم نُوں ننگیاں کیتا ۔تے اوہدا ڈھکن چُکیا تے اوس زنانی اپنا ڈھکنا چُکوایا ۔تے اوہ دونویں اپنے جھُنڈ وچوں خارج کیتے جان ۔
19
. تُون اپنی ماسی تے اپنی پھوپھی دے جسم نُون نگیاں نہ کر ۔جیہڑا اینج کردا ۔اوہ اپنے نیڑے دے رشتہ دارنُوں ننگیاں کر دا اےتے پاپا دونراں دے سِر ہووےگا۔
20
. جے کوئی اپنے چاچے دی زنانی نال ہم بستر ہووے تے اوہنے اپنے چاچے دی ووہٹی دے بدن نُوں ننگیاں کیتا ۔پاپ اوہناں دے سِر ہووے گا تے اوہ بے اولاد ہن گے۔
21
. جے کوئی اپنے بھرا دی زنانی نُوں لَوے تے ایہہ اوہدے واسطے نا مناست اے اوہنے اپنےبھرا دے بدن نُوں ننگیاں کیتا تے اوہ بے اولاد رہن گے ۔
22
. تے تُسی میری شریعت تے میریاں حکماں نُوں منو تے اوہدے اُتے عمل کرو تاں جو اوہ دھرتی جہدے وچ میں تہانوں واڑنا آں تُسی اوتھے وسو۔تہانوں اپنے منہ چوں کڈھ نہ سُٹے۔
23
. تے اوہناں قوماں دے رواجاں تَوں ۔جنہاں نُوں میں تہاڈے اَگے کڈھنا آں۔اوہدے تے نہ ٹُرو۔کیوں جو اوہناں نیں اجیہے کم کیتے نیں میں اوہناں تَؤں نفرت کیتی ۔
24
. تےتہانوں میں آکھیا ۔پئی تُسی اوہناں دی دھرتی دے مالک ہوو گے ۔تے میں اوتہانوں دیاں گا ۔پئی تُسی اوہدے مالک ہوو ۔اوہ دھرتی جتھے دودھ تے شہد واگدا ۔میں رَب تہاڈا خُدا ہاں ۔جنہیں تہانوں قوماں وچوںوکھریاں کیتا اے۔
25
. ایسے لئی تُسی پاک تے ناپاک ڈنگراں تے پاک تے ناپاک پرندیاں وچ پرکھ کرو۔تُسی ڈنگراں تے پرندیاں تے اوہناں ساریاں وچوں جیہڑے دھرتی تے ریڑ دے نے جنہاں لئی مین تہانوں ناپاک دیس اے۔اپنے آپ نُوں پلیت نہ کرو۔
26
. تے تُسی میرے لئی پاک ہو۔کیوں جو میں پاک آں۔میں رَب آں۔میں قوماں وچوں تہانوں وکھریاں کیتا تاں جو تُسی میرے او۔
27
. تے کوئی بندہ یا زنانی جیہڑا جادوگریا پھال کڈھن والا اوہ ضرور قتل کیتا جاوے اوہنوں پتھراں نال ماریا جاوے ۔تے اوہدا لہو اوہدے سِر ہووے ۔