1
۔ ابیہُو ؔ نے گَل کردیاں ہوئیاں آکھیا ۔
2
۔ کیِہ تُوں ایس گَل نُوں ٹھیَک سجھیا ایں پئی میں خُدا توں بوہتا سچا واں ۔
3
۔ جیہدوں تُوں آکھنا ایں پئی مینوں ایہدا کیِہ فائدہ ہووے گا ۔ تے مینوں پاپ ناں کرکے کیہڑا نفع ہووے گا ۔
4
۔ میں ای تینوں تے تیرے یاران نُوں ایہناں گلاں دا جواب دیاں گا ۔
5
۔ آسمان وَل دھیان کَر تے ویکھ تے بدلاں تے دھیان کر جیہڑے تیرے توں بوہت اُچے نیں۔ جے تُوں پاپ کریاں گا تے اوہدا کیِہ وگاڑیں گا ۔ جے توں بوہتے پاپ کردا جائیں گا تے اوہدا کیِہ کر لئیں گا ۔
6
۔ جے تُوں پاپ کریاں گا تے اوہدا کیِہ وگاڑیں گا؟ جے توں بوہتے پاپ کردا جائیں گا تے اوہدا کیِہ کر لئیں گا ۔
7
۔ جے توُں سچا ایں تے اوہناں کیہ دے دینا ویں؟ یا اوہنوں تیرے ہتھوں کیہ مِلدا اے؟
8
۔ تے تیری شرارت تیرے ورگے لوکاں نُوں ای گھاٹا پاؤندی اے۔ تے تیری سچیائی نال بندیاں نُوں ای فائدا ہُندا اے ۔
9
۔ تے مسکین لوک ظُلم ودھن دے سببوں چیِکدے نیں۔ تے تگڑیاں دے ہَتھ دے خلاف خُدا اَگے ترلا کردے نیں ۔
10
۔ تے اوہ نئیں کہندے پئی ۔ خُدا کِتھے آ۔ جیہنے ساہنوں بنایا اے ۔ تے جیہڑا رات ویلے سُفنے وکھامدا اے ۔
11
۔ جیہڑا ساہنوں دھرتی دے ڈنگراں دے سببوں ساہنوں سکھاندا اے۔ اوہ پنچھیاں دے سببوں ساہنوں دانائی سکھاندا اے ۔
12
۔ اوہ چیکدے نیں تے پَر شرارت کرن والیاں دے گھمنڈ پاروں جواب نئیں دیندا ۔
13
۔بناں شَک خُدا جھُوٹے ترلّے نئیں سُندا تے قاورِمُطلق اوہدے وَل دھیان نئیں دیندا ۔
14
۔ خاص کر ۔ جیہدوں تُوں کہنا ایں ۔ پئی میں اوہنوں نئیں ویکھ سکدا ۔ تے معاملہ اوہدے اَگے وے تے میں اوہنوں اُڈیکنا واں ۔
15
۔ پَر ہُن اوہنے اَپنے قہر چہ سزا نئیں دِتی۔ کیِہ اوہ ظُلم نُوں نئیں جاندا ؟
16
۔ ایس لئی ایوبؔ اَپنا مُونہہ بے فائدہ کھولدا اے ۔ تے بے عقلی چہ بوہتیاں گلاں کردا اے ۔