1
۔ اوہدے مگروں اَلیہو ؔنے ایہہ وی آکھیا ۔
2
۔ اوئی عقلمندو! میری گَل سُنو ۔ تے تُسیں جیہڑے عِلم رکھ دے او۔ میرے وَل دھیان کرو ۔
3
۔ جِسراں کَن گلاں نُوں پرکھدا اے تے جیبھ کھان والیاں شیواں نُوں چکھ دی اے ۔
4
۔ ایس لئی جو چنگا اے اَپنے لئی چُگ لوؤ ۔ تے نوں آپے چہ جان لوؤ۔
5
۔ کیوں ایوبؔ نے آکھیا اے ۔ پئی میں سچا واں ۔ تے خُدا نے میرے وَلوں نیاں نُوں ڈھکیاں اے ۔
6
۔ بھاویں میں سَچ تے ہاں۔ تاں وی جھُوٹا گِنیا جانا واں ۔ میں تے پاپ وی نئیں کیِتا ۔ تے میرے پھٹ دا عَلاج کوئی نئیں ۔
7
۔ ایوبؔ وانگوں کیہڑا بندا ہونا ایں ۔ جیہڑا جھیڈاں نُوں پانی وانگوں پی جاندا اے ۔ َ
8
۔ جیہڑا پاپیاں دے نال رہندا اے ۔ تے شرارت کرن والیاں دے نال پھِردا اے ۔
9
۔ کیوں جو اوہنے آکھیا اے پئی خُدا چہ خُوش رہن دا کوئی میہنا نئیں ۔
10
۔ ایس لئی علم والیو ! میری گَل سُنو ! ایہہ کِسراں ہو سکدا اے ۔ پئی خُدا بدی کرے ۔ تےت قادرِ مُطلق شرارت دا کَم کرے ۔
11
۔ کیوں جو اوہ انسان نُوں اوہدے کماں دے مُطابق بدلہ دے گا ۔ تے بندے نال اوہدے راہ ویکھ کے سلُوک کرے گا ۔
12
۔ بے شک خُدا بدی نئیں کردا ۔ قادِمُطلق سچیائی نُوں نئیں وگا ڑدا ۔
13
۔ کیِنے اوہنو ں زمین تے راج بخشیا ۔ کیِنے ساری دُنیا سنبھالی ۔
14
۔ جے اوہ آپے ای روح پیِشاں لئے تے آپے ای ساہ پیِشاں کھِچ لوے ۔
15
۔ تےاوسے ویلے ای جان جُسے چوں نِکل جائے گی ۔ تے بندہ فیر مِٹی چہ پرت جائے گا ۔
16
۔ جے تینوں سمجھ اے تے سُن ۔ میریاں گلاں تے دھیان دے ۔
17
۔ کیہ جیہڑا سچیائی نال ویر رکھدااے راج کرے گا ؟ مُنصفاں دا مُنصف اوہدے تے اِلزام لائے گا ۔
18
۔ کیوں جو جیہڑا بادشاہ نُوں ذلیل کہندا اے تے امیراں نُوں شررت کرن والے ۔
19
۔ جیہڑا سردارں دا لِحاظ نئیں کردا تے امیراں نُوں غریباں تو ں اُچا نئیں مندا ۔ کیوں جو سبھے اوہدے ہَتھاں دی کاری گری اے ۔
20
۔ جیہڑے گھڑی پَل وِچ رات نُوں مَر جاندے نیں ۔ لوک گھبرانداے تے فناہُندے نیں ۔ تے تگڑے بندے ہَتھ لائیوں بغیر چُک لئے جاندے نیں ۔
21
۔ کیوں جو اوہدیاں اَکھیاں انسان دیاں راہواں تے لگیاں نیں ۔
22
۔ ناں کوئی ہنیرا اینج دا اے تے ناں موت دا پرچھاواں تے ناں جِتھے بدی کرن والے لُک جان ۔
23
۔ کیوں جو اوہدے لئی ضروری نئیں پئی بندے دا خیال کرے ۔ تاں جو اوہ خُدا دے اَگے لیا جاوے ۔
24
۔ اوہ بغیر پُچھ گیِچھ دے وڈیاں وڈیاں نُوں ٹوٹے ٹوٹے کردا اے ۔ تے اوہناں دی تھاں تے جیہناں نُوں کھلاردا اے
25
۔ ایس لئی اوہ اوہدے کماں نُوں ویکھ دا اے ۔ اوہ رات ویلے اوہناں نُوں مُوہدیاں کردیندا اے تے ۔ اوہ مَر جاندے نیں ۔
26
۔ اوہ ہوراں دے ویہندیاں ویہندیاں اوہناں نُوں اینج مار دا اے ۔ جیویں شرارت کرن والیاں نُوں ۔
27
۔ ایس لئی پئی اوہ اوہدے مگر ٹُرن توں پَرت گئے تے اوہدیاں راہنوں دی پرواہ ناں کیِتی ۔
28
۔ ایتھوں تیِک پئی غریباں دا تَرلا اوہدے تیِک اَپڑیا تے اوہنے مُصیبت چہ پئے لوکاں دا رونا سُنیا۔
29
۔ جیہدوں اوہ آرم دیندا اے تے کیہڑا اوہنوں پُچھ سکدا اے ؟تے جے اوہ اَپنا مُونہہ لُکاوے تے کون اوہنوں ویکھ سکدا اے ؟ اوہ کِسے وی قوم یا بندے نال اِکو جیہا سلُوک کردا اے ۔
30
۔ تاں جو بیدیِنے راج ناں کرن ۔تے ناں لوک پھاہی چہ پھسان والا کوئی ناں ہووے ۔
31
۔ پئی کوئی بیدیِن خُدا نُوں آہندا اے پئی میں سزا پا لئی تے ہُن میں پاپ ناں کراں گا ۔
32
۔ تے جو کُجھ مینوں نئیں دِسدا تے مینوں وِکھا ۔ جے میں بدی کیِتی اے تے فیر ناں کراں گا۔
33
۔ کیہ اوہدا اَجر تیری مَرضی تے وے ۔ پئی اوہ ناں منے۔ کیوں جو ایہہ فیصلہ میں نئیں تُوں کرنا ایں ۔ ایس لئی جو کُجھ تُوں جاننا ایں دَس دے ۔
34
۔ ہَر سمجھ دار بندہ جیہڑا میری سُن دا اے آکھے گا ۔
35
۔ پئی ایوُبؔ بے عقلی ناں بولدا اے تے اوہدے گَل کرن چہ حِکمت کوئی نئیں ۔
36
۔ ایس لئی ایوُب ؔ اخیر تائیں آزمائیا جاوے ۔کیوں جو اوہ بداں وانگوں جواب دیندا اے ۔
37
۔کیوں جو اوہ پاپ تے پاپ وکھاندا اے ۔ تے خُدا دے خِلاف بوہت گلاں کردا اے ۔