1
۔فیرابیہوؔ نے گَل کردیاں ہوئیاں آکھیا پئی ۔
2
۔ تھوڑا چِر ہور صبر کر۔ تے میں تینوں وکھاواں گا پئی میں خُدا وَلوںتینوں کُجھ ہو گلاں کہنیاں نیں ۔
3
۔ میں اَپنا عِلم دوُروں لیاواں گا۔ تے اَپنے بنان والے نُوں سچا ثابت کراں گا ۔
4
۔ سچیائی ایہہ وے پئی میراں گلاں جھوُٹ نئیں۔ جیہڑے تیرے نال نیں۔ اوہ اَپنے عِلم چہ پُورے نیں ۔
5
۔ ویکھ! خُدا قُدرت والا اے۔ اوہ کِسے نُوں نیواں نئیں سمجھدا ۔ تے اوہو ای دِلوں زور آور اے۔
6
۔ اوہ شرارت کرن والیاں نُوں جیون نئیں دیندا۔ تے مُصیت چہ پیاں نُوں اوہناں دا حَق دیندا اے ۔
7
۔ اوہ سچے ولوں اَپنی اَکھ نئیں پھیردا۔ تے سگوں اوہناں نُوں بادشاہوان نال سدا تیِک تخت تے ناہندا اے۔ تے اوہ اُچے کیتے جاندے نیں ۔
8
۔ تے بھاویں اوہ سنگلاں نال بنھے جان تے بھاویں مُصیبت دیاں رسیاں نال لمکائے جان ۔
9
۔ اوہ اوہناں دے کَم او ہناں نُوں وکھائے گا ۔ تے اوہناں دے پاپ جیہڑے اوہناں گھمنڈ چہ کیِتے نیں ۔
10
۔ اوہ اوہناں دے کَن سکھن لئی کھولے گا۔ تے اوہناں نُوں ہدایت کرے گا۔ پئی اوہ بدی توں مُڑ جان ۔
11
۔ جے اوہ سُنن تے سیوا کرن تے اَپنے دیہاڑ یاں نُوں ترقی چہ تے اَپنے ورھے خُوشی نال گُزارن گے۔
12
۔ جے اوہ ناں سُنن تےاوہ تلوار دی دھار نال مارے جان گے۔ تے اوہ نادانی چہ مرن گے ۔
13
۔ پر اوہ جیہڑے دِلوں بے دینے نیں اَپنے لئی قہر کٹھا کردے نیں ۔ تے جیہدوں اوہ بنھے جاندے نیں تدھ اوہ چیِک دے نئیں ۔
14
۔اوہناں دی جان جاونی چہ جاندی رہندی اے۔ تے اوہناں دی جِند لُوطیاں وانگ اے ۔
15
۔ تے اوہ مسکیناں نُوں اوہناں دے دُکھ چوں کڈدا اے ۔ تے دُکھ اوہدے کَن کھولدا اے ۔
16
۔ ایس لئی اوہ تینوں تنگی دے مُونہوں کڈ کے کھُلی تھاں تے لے جاوے گا ۔ تے اوہ تیرے روٹی دے وچھونے نُوں چِکنے کھانیاں نال بھر دئے گا ۔
17
۔ تُوں تے شریراں دے مُقدمے دی حامی بھرنا ایں۔ ایس لئی سچیائی تے نیاں نے تیرے قبضہ کر لیا اے ۔
18
۔ خبردار ! کِتے غُصہ تینوں راہ توں بھٹکا ناں دیوے۔ تے بوہتے چڑھاوے تینوں دَب ناں دین۔
19
۔ کیہ تیرے اتھروُ تینوں تیری تنگی توں چھُڈا سکدے نیں ۔ تے بھاویں تُوں اپنی ساری عقل تے زور نال ہَتھ پیر ما لویں ۔
20
۔ او س رات دی اُڈیک ناں رَکھ جیہدے وِچ قوماں اَپنیاں تھاواں توں چُکیاں جاندیاں نیں ۔
21
۔ خبر دار ! تیرا دھیان بدی وَل ناں ہو جاوے ۔ کیوں جو تُوں ایسے سببوں بربادی مگر ٹُر پیا ایں۔
22
۔ ویکھ ! خُدا اَپنی قُدرت نال وَڈے وَڈے کم کردا اے ۔ تے کیہڑا اُستاد اوہدے وانگوں ایں ۔
23
۔ کینے اوہدا راہ بنایا اے ۔ تے یا کون کہہ سکدا اے ۔ پئی تُوں پاپ کیتا اے ؟
24
۔ تُوؐ اوہدے سوبھا کریں تے یاد رَکھ پئی لوک اوہدے گیِت گاوندے نیں ۔
25
۔ سارے لوک اوہنون ویکھدے نیں ۔ تے بندہ دوُروں اوہنوں ویکھدا اے ۔
26
۔ ویکھ ! خُدا وَؑڈا اے تے تے اسیں اوہنو ں نئیں جاندے ۔ تے اوہدے ورھے گِنے نئیں جا سکدے ۔
27
۔ اوہو پانی دے تروپے اُتاں نُوں کھِچدا اے ۔ تے جیہڑے اوہدے سببوں ای نیند ر وساردے نیں ۔
28
۔ جہناں نُوں اوہ اَسماناں توں زور ناں ڈوہلدا اے ۔ تے بندیان تے وسارندا اے ۔
29
۔ کیہڑا جاندا اے پئی بَدّل کھلر دے نیں تے اوہدے ڈیریاں دا گجن کیہ اے ۔
30
۔ ویکھ ! اوہ اَپنے نُور نُوں اَپنے چار چوفیرے کھلار دا اے ۔ تھ سمُندر نُوں ڈھک لیندا اے ۔
31
۔ کیوںجو اوہناں توں ای اوہو قوماں دا نیاں کردا اے ۔ بے حسابا کھان نُوں دیندا اے ۔
32
۔ اوہ بِجلی نُوں اَپنے ہَتھ پھڑدا اے ۔ تے حُکم کردا اے پئی اوہ ویریاں تے ڈِگے۔
33
۔ اوہدا گرجنا ایس گَل دا پتا دیندا اے ۔ تے اوہدا قہر بدی خلاف پمکدا اے ۔