¹ ۔ تد ایوبؔ نے جواب دِتا پئی ۔ ² ۔اَج وی میری شکایت ڈاہڈی اے ۔ میرے ترلیاں دے بعد وی اوہدا ہَتھ میرے تے بھارااے ۔ ³ ۔ جے مینوں پتا ہُندا پئی اوہ کِتھے وےتے میں اوہدے آستانے تیِک اَپڑ جاندا۔ ⁴ ۔ تے میں اَپنا دعویٰ اوہدے اَگے رکھدا ۔ تے اَپنا مُونہہ دلیلاں نال بھر لیندا ۔ ⁵ ۔ تے میں اوہناں اَکھراں نُوں سمجھ لیندا ۔ تے جان لیندا لئی اوہ مینوں کیہ آکھدا اے ۔ ⁶ ۔ کیہ اوہ اَپنی قُدرت دی وڈیائی میرے نال لڑدا ؟ نئیں ! سگوں اوہ میرے تے ترس کھاندا۔ ⁷ ۔ تد میں اوہدے نال بحث کردا تے میں سدا لئی اَپنے نیاں کرن والے ہَتھوں چُھٹ جاندا۔ ⁸ ۔ پَر جے میں پُورب وَل جاناں واں تے اوہ نئیں ہُندا ۔ جے میں پچھم وَل جاواں تے اوہ مینوں نئیں دِسدا۔ ⁹ ۔ میں اُترچہ اوہنوں لبھنا واں پَر اوہ نئیں لبھدا ۔ میں دَکھن وَل جاناں واں تے نظریں نئیں آؤندا ۔ ¹⁰ ۔ پَر اوہ میری راہ جاندا اے ۔ جے اوہ مینوں تائے تے میں سونے وانگوں نِکل آواں گا ۔ ¹¹ ۔ میرا پَر اوہدےپَر نال ای جُڑیا رہیا اے ۔ میں اوہدی ای راہ تے چلیاں تے اوہدے توں پرتیا نئیں ۔ ¹² ۔ میں اوہدے ہونٹھاں دے حُکم توں نافرمانی نئیں کیِتی ۔ تے اوہدے مُونہہ دیاں گلاں نُوں یاد رَکھنا اَپنا فرض سمجھیا ۔ ¹³ ۔ پَر اوہ اَپنے ارادے دا پّکا اے ۔ کون اوہنوں موڑے گا ؟ جے اوہ کُجھ کرنا چاہوے تے کرکے رہوے گا ۔ ¹⁴ ۔ جو کُجھ اوہنے میرے لئی رکھیا اے اوہ پُورا کردا اے ۔ ایہو جیہاں کئی گلاں اوہدے کول نیں ۔ ¹⁵ ۔ ایسے لئی میں اوہدےاَگے ڈریا رہنا واں ۔ تے اوہدے تے غور کرکے کمبدا رہنا۔ ¹⁶ ۔ کیوں جو خُدا نے ای میرے دِل نُوں مدھول دِتا اے ۔ تے قادرِ مُطلق نے مینوں ڈرایا اے ۔ ¹⁷ ۔ کیوں جو میں ہنیرے دے پاروں ناں مریا تے ناں ہنیرے دی ای پاروں جیہدے نال میرا مُونہہ لُکایا گیا ۔