¹ ۔ تَدّ صوفر نعماتی ؔ نے خطاب کرکے آکھیا پئی ۔ ² ۔ ایس لئی میرے خیال مینوں چُک دے نیں پئی میں جوب دیواں ایس سببوں مینوں بے چینی ایں ۔ ³ ۔میں اجیہی بے عزتی سُنی ایں ۔ جیہڑی مینوں شَرمندیاں کردی اے ۔ تے میریہ عقل دی روح مینوں جواب دیندی اے ۔ ⁴ ۔ کیہ تُوں ایس گَل نُوں سمجھدا پئی زمانے شروع توں جیہدوں اِنسان سھرتی تے رکھیا گیا ۔ ⁵ ۔ شریراں دی فتح ڈیگن والی ہُندی اے ۔ تے بے دیِن دی خُوشی اِک پَل دی اے ۔ ⁶ ۔ بھاویں اوہ اُچا ہو کے اسمان تیِک اَپڑے تے اوہدا بدلاں نال جا لَگے ۔ ⁷ ۔ اوہ اَپنی گندگی وانگوں سدا تیِک مُک جائے گا ۔ تے جِہناں نے ویکھیا سی اوہ آکھن گے پئی اوہ کِتھے وے ۔ ⁸ ۔ اوہ سُفنے وانگوں اُڈ جاوے گا ۔ تے پایا نئیں جاوے گا ۔ تے رات دے سُگنے وانگ مُکا جاوے گا۔ ⁹ ۔ جیہڑی اَکھ نے اوہنوں ویکھیا اوہ فیر اوہدے تے دھیان ناں دے گی ۔ تے اوہدی اوہنے رہن دی تھاں اوہنوں فیر ناں ویکھے گی ۔ ¹⁰ ۔ اوہدے پُتر مسکیِناں توں بھیِک منگن گے ۔ تے اوہدے ای ہَتھ اوہدی دولت اوہنوں پِشاں پَرتان گے ۔ ¹¹ ۔ اوہدی جوانی اوہدیاں ہڈیاں نُوں پواں دین گئیاں ۔ تے اوہدے نال راکھ چہ سون گئیاں ۔ ¹² ۔ بھاویں شرارت اوہدے مُونہہ نُوں مِٹھی لگے ۔ تے اوہ اوہنوں اپنی جیِبھ دے تھلے لُکاوے ۔ ¹³ ۔ بھاویں اوہ اوہنوں بچاکے رَکھے تے ناں چھڈے سگوں اَپنے تالوُ اُتے اوہنوں سانبھی رکھے۔ ¹⁴ ۔ فیر وی اوہدا کھانا اوہدیاں آندراں چہ بدل جاوے گا ۔ تے اوہدے ڈھڈ چہ سَپ دا زِہر بنے گا ۔ ¹⁵ ۔ اوہ دَولت نُوں ہِڑپ گیا ۔ پَر اوہنوں اُلٹی کردے گا ۔ خُدا اوہنوں اوہدے ڈھڈوں کڈھے گا ۔ ¹⁶ ۔ اوہ سَپ دازہر چُنگے گا ۔ تے چَپاں دی جیبھ اوہنوں مار دیوے گی ۔ ¹⁷ ۔ اوہ تیل دیاں نہراں تے شَہد تے مکھن دے ہَڑ نُوں ناں ویکھے گا ۔ ¹⁸ ۔ اوہ اَپنی کمائی نُوں پواں دئے گا ۔ تے کھا ناں سکے گا ۔ سگوں اَپنے نفع دے حِساب نال پیِشاں پَرتا دے فا ۔ تے فایدا ناں چُکے گا۔ ¹⁹ ۔ کیوں جو اوہنے مسکیِناں دا حَق ماریا اے ۔ تے اوہناں نُوں چھَڈیااے ۔ اوہنے دھکے نال گھَر لئے لیا اے ۔ جیہنے اوینوں بنایا ای نئیں ۔ ²⁰ ۔ کیوں جو اوہنے اَپنیاں شیواں تے شُکر ناں کیِتا ۔ اوہ اپنے مَقصد نُوں نئیں سیانے گا ۔ ²¹ ۔ اوہدے کھانے چوں کُجھ نئیں ودھیا ۔ ایس لئی اوہدی کامیابی پکی ناں ہووے گی ۔ ²² ۔ سخاوت چہ پُکھ ننگ اوہنوں پھڑ لَے گی ۔ تے ہر اِک آفت دا ہَتھ اوہدے تے پوے گا ۔ ²³ ۔ جد اوہ ڈھڈ بھرن نُوں ہووے تے رَب اوہدتے اپنے کرودھ دی اَگ سُٹ دا اے ۔ تے جیہدوں اوہ کھاندا ہووے تے اوہدے اُتے وساؤندا اے ۔ ²⁴ ۔ جیکر اوہ لوئے دے ہَتھیار دے اَگیئوں بھَج جاوے تے پیَتل دی کمان اوہنوں وِنھے گی ۔ ²⁵ ۔ تیِر اوہدی مگروں باہر آؤندا اے تے اوہدی چمکِلی نوک اوہدی تھاں توں نَکلدی اے ۔ تے خوف اوہدے اُتے آ جاندااے ۔ ²⁶ ۔ اوہدیاں تجوریاں چہ سارا ہنیرا رکھیا گیا اے ۔ تے اوہنوں اوہ اَگ ہَڑپ جاوے گی جیِہدے تے پھُوک نئیں ماری گئی ۔ تے جو کُجھ اوہدے تنبُو چہ بچیا ہووے گا مِٹا دین گے ۔ ²⁷ ۔ اسمان اوہدی بدی نُوں ظاہر کرن گے ۔ تے دھرتی اوہدے خلاف اُٹھے گی ۔ ²⁸ ۔ اوہدے گھَر دی ودھنا رُک جاوے گا۔ تے اوہ غضب دے دیہاڑے چہ پَے جائے گا ۔ ²⁹ ۔رَبّ وَ؟لوں شریر انسان دا ایہو ای اَجر اے ۔ تے رَبّ دے حُکم نال ایہو ای اوہدی میراث اے ۔ +