1
۱۔ ہر شئے دا اک موقعا اتے ہر کم دا، جہڑا دھرتی اُتے ہوندا اے، اک ویلا اے۔
2
۲۔ جم دا اک ویلا اے، اتے مرن دا اک ویلا اے۔ رُکھ لاؤن دا اک ویلا اے اتے لائے ہوئے نوں وڈھن دا وی اک ویلا اے۔
3
۳۔ مار سُٹن دا اک ویلا اے اتے شفا دین دا اک ویلا اے۔ ڈھاؤن دا اک ویلا اے اتے بناؤن دا اک ویلا اے۔
4
۴۔ رؤن دا اک ویلا اے اتے ہسن دا اک ویلا اے۔ وین دا اک ویلا اے اتے نچن دا اک ویلا اے۔
5
۵۔ روڑا سُٹن دا اک ویلا اے اتے روڑے کٹھے کرن دا اک ویلا اے۔ گلے لگاؤن دا اک ویلا اے اتے نا لگاؤن دا اک ویلا اے۔
6
۶۔ لبھن دا اک ویلا اے اتے گؤا دین دا اک ویلا اے۔ سانبھن دا اک ویلا اے اتے سُٹن دین دا اک ویلا اے۔
7
۷۔ پاڑن دا اک ویلا اے اتے سِئن دا اک ویلا اے۔ چُپ رہن دا اک ویلا اے اتے کُون دا اک ویلا اے۔
8
۸۔ پیار دا اج ویلا اے اتے کریچ دا اک ویلا اے۔ جنگ دا اک ویلا اے اتے صلح دا اک ویلا اے۔
9
۹۔ کم کرن والے نوں اوس تھوں، جہدے وچ اوہ محنت کردا اے، کیہ لبھت اے؟
10
۱۰۔ میں اوس ڈاڈھے دکھ نوں ویکھیا، جہڑا رب نے بنی آدم نوں دِتا اےپئی اوہ مشقت وچ پھسے رہن۔
11
۱۱۔ اوہنے ہر اک شئے نوں اوس ویلے وچ چنگا بنایااتے اوہنے ہمیشگی نوں وی اوہدے من وچ رکھیا اے۔ ایس لئی پئی انسان اوس کم نوں جہڑا رب شروع تھوں اخیر تیکر کردا اے، لبھ نئیں سکدا۔
12
۱۲۔ میں پکا جان دا ہاں پئی انسان جوگی چنگا ایہو ای اے پئی خوشی نال ویلا لنگھاؤے اتے جد تیکر جیوندا رہؤے، بھلائی کرے۔
13
۱۳۔ اتے ایہہ وی پئی ہر اک انسان کھاؤے پیؤے اتے آپنی سبھے محنت تھوں فیدا چُکے۔ ایہہ وی رب دی بخشش اے۔
14
۱۴۔ اتے مینوں یقین اے پئی سبھے کجھ، جو رب کردا اے، ہمیشاں جوگی اے۔ اوہدے وچ کجھ وی دادھا گھاٹا نئیں ہو سکدا۔اتے رب نے ایہہ ایس لئی کیتا اے پئی لوکی اوہدے حضور ڈردے رہن۔
15
۱۵۔ جو کجھ ہے، اوہ پہلوں ہو گُزریااتے جو کجھ ہؤن والا اے، اوہ وی ہو گزریا اتے رب گزرے ہوئے نوں فیر بُلا لیندا اے۔
16
۱۶۔ فیر میں جگ وچ ویکھیا پئی عدل احاطے وچ ظلم اے، اتے سچیائی دے گھر وچ بریائی اے۔
17
۱۷۔ تد میں دل وچ آکھیا پئی رب راستبازاں اتے گناہیاں دی عدالت کرے گا کیوں جو ہر اک گل اتے ہر اک کم دا اک ویلا اے۔
18
۱۸۔ میں دل وچ آکھیا پئی ایہہ بن آدم جوگی اے پئی رب ایہناں نوں پرکھےاتے اوہ سمجھ لین پئی اسی آپ ڈنگر ہاں۔
19
۱۹۔ کیوں جو جو کجھ بنی آدم اُتے پیندا اے، اوہو ای ڈنگر اُتے پیندا اے۔ اکو ای حادثا دونواں اُتے پیندا اے۔ جیویں ایہہ مردا اے، اونویں ای اوہ مردا اے۔ ہاں! سبھے وچ اکو ای ساہ اے، اتے انسان نوں ڈنگر اُتے کجھ وڈو نئیں کیوں جو سبھ جھوٹ اے۔
20
۲۰۔ سبھے اکو ای تھاں جاندے نیں سبھے مٹی دے نیں اتے سبھے فیر مٹی وچ رل جاندے نیں۔
21
۲۱۔ کہڑا جان دا اے پئی انسان دی روح اُتے جاندی اے اتے ڈنگر دی روح دھرتی ول تھلے جاندی اے؟
22
۲۲۔ اخیر میں ویکھیا پئی انسان جوگی ایس تھوں چنگا کجھ نئیں پئی اوہ آپنے کم کاج وچ خوش رہؤے۔ ایس لئی پئی اوہدا حصا ایہو ای اے۔ کیوں جو کہڑا اوہنوں موڑ لئیاؤے گا پئی جو کجھ اوہدے مگروں ہؤے گا، ویکھ لؤے۔