¹ ۱۔ تد میں مُڑ کے اوس سبھے ظلم اُتے، جہڑا جگ وچ ہندا اے، نگاہ کیتی اتے دکھیاں دے اتھرو ویکھے اتے اوہناں نوں تسلی دین والا کوئی نئیں سی۔ اتے اوہناں اُتے ظلم کرن والے ڈاڈھے سن۔ پر اوہناں نوں تسلی دین والا کوئی نئیں سی۔ ² ۲۔ اخیر میں موئیاں نوں جہڑے پہلوں مؤئے، اوہناں جیوندیاں نالوں، جہڑے ہون جیوندے نیں، چوکھا دھن جانئیا۔ ³ ۳۔ سگوں دونواں نالوں چوکھا دھن اوہ اے، جہڑا حالیں جمیا ای نئیں۔ جنہے اوہ بریائی، جہڑی جگ وچ ہوندی اے، نئیں ویکھی۔ ⁴ ۴۔ فیر میں سبھے محنت دے کم اتے ہر اک چنگی دستکاری نوں ویکھیا پئی ایہدے پاروں آدمی آپنے گوانڈی نال ویر کردا اے۔ ایہہ وی جھوٹ اتے ہوائی اے۔ ⁵ ۵۔ احمق آپنے ہتھ کٹھے کردا اے اتے آپ ای آپنا گوشت کھاندا اے۔ ⁶ ۶۔ اک مُٹھ جہڑی چین نال ہؤے، اوہناں دو مُٹھاں نالوں چنگی اے، جنہاں نال محنت اتے ہوائی اے۔ ⁷ ۷۔ اتے میں مُڑ کے جگ دے جھوٹ نوں ویکھیا۔ ⁸ ۸۔ کوئی کلا اے اتے اوہدے نال کوئی دوجا نئیں۔ اوہدا نا پُتر اے نا بھرا۔ تاں وی اوہدی سبھے محنت دا انت نئیں اتے اوہدی اکھ دولت نال رجدی نئیں۔ اوہ کہندا اے پئی میں کیہدے جوگی محنت کردا اتے آپنی جان نوں عیش تھوں ڈکی رکھناں؟ ایہہ وی جھوٹ اے۔ ہاں! ایہہ ڈاڈھا دکھ اے۔ ⁹ ۹۔ اک نالوں دو چنگے نیں۔ کیوں جو اوہناں دی محنت نال اوہناں نوں چوکھا فیدا اے۔ ¹⁰ ۱۰۔ کیوں جو جیکر اوہ ڈِگن تاں اک آپنے نال دے نوں چُکے گا۔ پر ہائے اوہدے اُتے، جہڑا کلا اے۔ جد اوہ ڈِگدا اے۔ کیوں جو کوئی دوجا نئیں، جہڑا اوہنوں چُک کھلاہرے۔ ¹¹ ۱۱۔ فیر جیکر دو کٹھے لیٹن تاں نِگھے ہوندے نیں۔ پر کلا کیویں نِگھا ہو سکدا اے؟ ¹² ۱۲۔ اتے جیکر کوئی اک اُتے بھارا پؤے تاں دو اوہنوں ڈک سکدے نیں اتے تہری ڈور چھیتی نئیں ٹُٹدی۔ ¹³ ۱۳۔ ماتڑ اتے دانا منڈا اوس بُڈھے بیقوف بادشاہ نالوں، جنہے ہدایت پاؤنی چھڈ دِتی، چنگا اے۔ ¹⁴ ۱۴۔ کیوں جو اوہ قید وچوں چھُٹ کے شاہی کرن آیا، پر دوجا تاں شاہی وچ ای جمیا پر ماتڑ ہؤیا۔ ¹⁵ ۱۵۔ میں سبھ جیوندیاں نوں جہڑے دھرتی اُتے ٹردے پھردے نیں، ویکھیا پئی اوہ اوس دوجے ڈنگر دے نال سن، جہڑا وہناں دا وارث ہؤن جوگی کھلوتا۔ ¹⁶ ۱۶۔ اوہناں سبھناں دا، مطلب اوہناں سبھناں دا جنہاں اُتے اوہ حکومت کردا سی، کجھ گنتری نئیں سی، تاں وی اوہ جہڑے اوہدے مگروں اُٹھن گے، خوش نا ہؤن گے۔ پکا ایہہ وی جھوٹ اے اتے ہوائی اے۔