¹ ۱۔ تے یہوداہ دے بادشاہ یہوسفؔط دے اٹھارھویںورھے وِچ یہورام بِن اَخی سامریہ وِچ اِسرائیل دا بادشاہ ہویا۔تے اونے بارہ ورھے حکومت کیتی۔ ² ۲۔ تے اوہنے خداوند دے حضور وِچ گناہ کِیتا۔پر آودے پیو تے آودی ماں وانگو نہیں ۔کیوں جے اونے بعل دے تھماں نوں جہڑے اوھدے پیو نے بنائے سن دُور کیتا۔ ³ ۳۔ پر او یر بعام بِن نباط دے گناواں توں جہنے بنی اِسرائیل توں گناہ کروایا چمبڑیا ریا تے اوھدے توں دُور نہ ہویا۔ ⁴ ۴۔ تے میساموآب دا بادشاہ بُوہت جانوراں دا مالک سی ۔تے ُاو اِسرائیل دے بادشاہ نوں ایک لاکھ برےتے ایک لاکھ چھترےتے اوناں دی اُن دیندا سی ۔ ⁵ ۵۔ بس اَخی اب مر گیا۔تے موآب دے بادشاہ نے شاہِ اِسرائیل دے نال گل نہ منی ۔ ⁶ ۶۔ تاں اُوس دِن یہورام بادشاہ سامریہ توں باہر نکلیا۔تے سارے اِسرائیل دی گینتی کیتی۔ ⁷ ۷۔ فیر او گیا۔تے یہوداہ دے بادشاہ یہوسفط نوں سنیا گھلیا کہ موآب دے بادشاہ نے میرے خلاف بغاوت کیتی اے ۔تے کی تُو میرے نال موآب نال لڑائی کرن نوں چلیں گا؟اونے آکھیا میں چلاں گا ۔ کیوں جے میری جان تیری جان وانگوں تے میرے لوگ تیرے لوگ تے میرے گھوڑے تیرے گھوڑے نے۔ ⁸ ۸۔ تے اونے اونوں آکھیا ۔اسیں کس راہ توں چڑھائی کریے؟ اونے آکھیا اِدوم دے جنگل دی راہ توں ۔ ⁹ ۹۔ تد اِسرائیل دا بادشاہ تے یہوداہ دا بادشاہ تے اِدوم دا بادشاہ گئے ۔تے سِت دِن دے سفر دا چکر ماریا۔پر آودی فوج تے آودے جانوراں لئی جہڑے اوناں دے پیچھے آندے سن پانی نہ پایا۔ ¹⁰ ۱۰۔ تے اِسرائیل دے بادشاہ نے آکھیا ۔افسوس ۔ کہ خداوند نے سانوں تین بادشاواں نوں صدیا ۔تاں جے سانوں موآب دے ہتھ وِچ ویوے۔ ¹¹ ۱۱۔ تے یہوسفط نے آکھیا کی خداوند دا کوئی نبی ایتھے نہیں ؟کہ اوھدے راھیں اِسیں خداوند توں پُچھیے۔تاں اِسرائیل دے بادشاہ دے خدمت کرن آلیاں دے وِچوں ایک نے جواب دِتا تے آکھیا ۔کہ ایتھے الیشع بِن سافط اے جہڑا یلیاہ دے ہتھاں اُوتے پانی پایا کردا سی۔ ¹² ۱۲۔ یہوسفط نے آکھیا یقیناً خداوند دا کلام اوھدے نال اے ۔تے اِسرائیل دا بادشاہ تے یہوسفط یہوداہ دا بادشاہ تے اُدوم دا بادشاہ اوھدے کول گئے۔ ¹³ ۱۳۔ تد الیشع نے اِسرائیل دے بادشاہ نوں آکھیا ۔مینوں تیرے نال کی ؟تُو آودے پیو دے نبیاں تے آودی ماں دے نبیاں دے کول جا ۔تے اِسرائیل دے بادشاہ نے اونوں آکھیا۔بلکل نہیں ۔کیوں جے بادشاہ نے اِناں تین بادشاھواں نوں صدیا۔تاں جے اوناں نوں موآب دے ہتھ وِچ کرے۔ ¹⁴ ۱۴۔ الیشع نے آکھیا۔رب الافواج دی زندگی دی سنھو جہیدے سامنے میں کھلوتا واں ۔جے میں یہوداہ دے بادشاہ یہوسفط دے منہ دا لحاط نہ کردا ۔تے تیرے وِل نظر نہ کردا۔تے نہ تینوں ویکھدا۔ ¹⁵ ۱۵۔ تے ہون میرے کول سارنگی بچان والا لیاو۔تے جیدوں اونے سارنگی نوں چھڑیا خداوند دا ہتھ الیشع اُتے آیا۔ ¹⁶ ۱۶۔ تے اونے آکھیا ۔خداوند ایویں فرماندا اے ۔کہ ایس وادی وِچ کھڈے ای کھڈے پُٹ دیو۔ ¹⁷ ۱۷۔ کیوں جے خداوند فرماندا اے کہ تُسی ہوا تے مینہ نہ ویکھو گے ۔تے فیروی ایہہ وادی پانی نال بھر جاوے گی۔ تے تُسی پیو گے تے تہاڈے ڈنگرتے تہاڈے جانور پین گے ۔ ¹⁸ ۱۸۔ تے خداوند دی نظر وِچ ایہہ ایک چھوٹی جی گل اے۔تے او موآب نوں وی تہاڈے ہتھ وِچ کر ویوے گا۔ ¹⁹ ۱۹۔ تے تُسی ہر ایک کنداں آلے شہر تے چنگے شہر نوں مارو گے ۔تے سارے چنگے رُخاں نوں وڈھ دیو گے ۔تے پانی دے ہر ایک چشمے نوں بند کرو گے ۔تے ہر ایک چنگے کھیت نوں پتھراں نال خراب کرو گے ۔ ²⁰ ۲۰۔ تے سویر نوں قربانی چڑھاون دے ویلے ایویں ہویا۔کہ اِدوم دی راہ توں پانی آیا ۔تے زمین پانی نال بھر گئی۔ ²¹ ۲۱۔ تے سارے موآب نے سُنیا۔کہ بادشاہ اوناں دے نال لڑائی کرن لئی چڑھ آئے نے ۔تے اوناں نے ساریاں نوںجہناں نے پٹکا بننا شروع کیتا ۔کھٹیا ں کیتا۔ تے سرحد تے کھلو گئے۔ ²² ۲۲۔ تے او سرگی ویلے اُٹھے ۔تے سورج پانی اُتے چمکیا تے موااب نے آودے سامنے پانی نوں لہو وانگوں سُرخ ویکھیا ۔ ²³ ۲۳۔ تے اوناں نے آکھیا۔ایہہ تے لہو اے ۔ کہ بادشاہ نے آپس وِچ لڑائی کیتی تے ایک نے دُوجے نوں ماریا۔سو ہون اے موآب اُوناں دی لٹُن لئی چل۔ ²⁴ ۲۴۔ تے او اِسرائیل دی فوج وِل گئے۔ تد اِسرائیل نے اُٹھ کے موآب نوں ماریا۔تے او اوناں دے اِگوںبھجے۔تے او ملک وِچ وڑے تے موآب نوں ماردے جاندے سن۔ ²⁵ ۲۵۔ تے اوناں نے شہراں نوں ڈھایا ۔تے ہر اک بندے نے ہر اک چنگے کھیت وِچ پتھر سُٹے ۔جدوں تیک کہ او بھر نہ گیا ۔تے اوناں نے پانی دے سارے چشمے بند کر دِتے ۔تے سارے چنگے رُخ وڈھ دِتے۔ ایتھوں تیک کہ قیر حراست وِچ اوناں نے پتھراں توں سوا کُجھ نہ چھڈیا۔تے اونوں وی فلاخن چلان والیاں نے جا گھیریا ۔تے اونوں ماریا۔ ²⁶ ۲۶۔ جدوں شاہِِ موآب نے ویکھیا ۔کی اوھدے خلاف لڑائی بوھتی ہو گئی اے۔ تے اونے آودے نال سَت سو تلوار چلان آلے جوان لئے۔تاں جے لین چیر دے ہوئے او شاہ ادوم اُتے جا پین ۔ پر او نہ کر سکے ۔ ²⁷ ۲۷۔ تد اونے آودے پہلوٹھے پُتر نوں جہڑا اوھدا وِلی عہد سی لیا ۔تے اونوں کند اُتے سوختنی قربانی وانگو کیتا ۔ تے اِسرائیل اُتے بڑا سخت قہر آیا ۔تے او میسا بادشاہ نوں چھڈ کے آودے ملک نوں مُڑ آئے۔