¹ -تد قریت یعاریمؔ دے لوک آئے ۔تے رَب دے صندوق نُوں لیجا کے ابی نادابؔ دے گھر وچ جیہڑا ٹیلے اُتے وے،رکھیا۔تے اوس دے پُتر اِلی عازارؔ نُوں چُنیا پئی تاں جو رَب دے صندوق دی رکھوالی کرے۔ ² - تے اینج ہویا پئی اوس ویلے توں پئی رَب دے صندوق نیں قِریت یعاریمؔ وچ رُکیا۔بڑے دِن ہو گئے ۔تے ویہہ وھے لانگھ گئے ۔تے کُل بنی اسرائیل رَب وَل پرتے۔ ³ -تد سیموئیل نیں کُل بنی اسرائیل نال کلام کر کے آکھیا ۔جے تُسی اپنے سارے دِلاں نال رَب وَل پھیرو ۔تے اپنے وچکار دوجے معبوداں یعنی بعلیمؔ تے عِشارُوت نُوں دور کرو۔تے اپنے دِلاں نُوں رَب لئی تیار کرو۔ تے صرف اوہدی ہی عبادت کرو۔تے اوہ تہانوں فلسطینیاں دے ہتھوں چھُڈائے گا۔ ⁴ -تد بنی اسرائیلؔ نیں اپنے کول بعلییمؔ تے عِشتارُوتؔ نُوں دور کیتا ۔تے صرف رَب دی عبادت کیتی۔ ⁵ -تے سیموئیل نیں آکھیا ۔پئی کُل بنی اسرائیل نُوں مِصفہ ؔ وچ جمع کرو۔تےمیں تہاڈے لئی رَب کولوں دُعا منگاں گا۔ ⁶ -سو اوہ مِصفہ ؔ وچ جمع ہوئے تے پانی کڈیا تے رَب دے اَگے اُنڈیلیا۔تے اوس دِن روزہ رکھیا تے اوتھے آکھیا پئی اسیں رَب دے خلاف گناہ کتیا۔تے سیموئیل مِصفہؔ وچ بنی اسرائیل دا سرپنچ بنیا۔ ⁷ -تے فلسطینیاں ؔ نیں سُنیا۔پئی بنی اسرائیل مِصفہؔ وچ جمع ہوئے نیں ۔تے فلسطینیاں ؔ دے سردار اسرائیل ؔ اُتے چڑھ آئے۔جدوں بنی اسرائیل نیں سُنیاتے فلسطینیاں ؔ توں ڈر گئے ۔ ⁸ -تے بنی اسرائیل ؔنیں سیموئیل نُوں آکھیا ۔پئی رَب ساڈے خُدا دے سامنے ساڈے لئی ترلا کرن توں باز نہ آوے۔تاں جو اوہ سانوں فلسطینیاں ؔ دے ہتھوں رہائی دیوے۔ ⁹ - تد سیموئیل نیں بھیڑ دا اِک دُودھ پین والا بچہ لیا۔ تے سارے دا سارا رَب لئی سوختنی قربانی دے طور دے چڑھایا۔تے سیموئیل بنی اسرائیل ؔ لئی رَب دےحضور چِیکیا۔تے رَب نی اوہدی سُنی۔ ¹⁰ -تے اینج ہویا پئی جدوں سیموئیل سوختنی قربانی چڑھا رہیا سی۔تے فلسطینی ؔ اسرائیلؔ دے نال جنگ کرن لئی سامنےآئے تد رَب اوس دِن فلسطینیاںؔ اُتے بڑے زور دی واج نال گرجیا۔تے اوہناں نُوں ڈرا دِتا۔تے اوہ بنی اسرائیل کولوں ہار گئے۔ ¹¹ -تد بنی اسرائیل دے بندے مِصفہؔ تَوں نکلے ۔تے فلسطینیاں ؔ دا پیچھا کیتا۔۔تے بیت ہارون ؔ دے تھلے ہیٹھاں تیک اوہناں نُوںماردے گئے۔ ¹² -تد سیموئیل نیں اِک روڑہ لیا۔تے مِصفہؔ تے شینؔ دے وچکار گڈیا۔تے اوس داناں عابن عازرؔ رکھیا۔تے آکھیا پئی ایتھوں تیک رَب نیں ساڈی مدد کیتی ۔ ¹³ -سو فلسطینی ؔ مغلوب ہوئے ۔تے اوہ اسرائیل ؔ دیاں سرحداں وچ فیر ناں آئے ۔تے سیموئیل دے کُل دِناں وچ رَب دا ہتھ فلسطینیاں ؔ دے کلاف رہیا۔ ¹⁴ -تے اوہ شہر جیہڑا عقرونؔ تَوں لے کے جَت تیک فلسطینیاں ؔ نیں لے لئے سَن۔فیر اسرائیل دے قبضے وچ آئے ۔تے اسرائیل نیں اپنیاں حداں فلسطینیاں ؔ دے ہتھوں چُھڈالئیاں ۔تے اسرائیل تے اَموریاں دے وچکار صُلح ہوئی۔ ¹⁵ -تے سیموئیل اپنی زندگی دے سارے دِناں وچ اسرائیلؔ دا سرپنچ رہای ۔ ¹⁶ -تے اوہ ہر برس جانداسی۔تے بیت ایلؔ تے جلجالؔ تے مِصفہ وچ گھومدا تے او اوہناںساریاں تھانواں وچ اسرائیل ؔ وچ سرپنچی کر دا سی۔ ¹⁷ -فیر اوہ رامہؔ نُون پرتے ۔کیوں جو اوس دا گھر اوتھے سی۔تے اوتھے اسرائیل ؔ سرپنچی کرد اسی۔تے اوتھے اوہنے رَب لئی اِک مذبح بنایا۔