1
-تے رَب دا صندوق فلسطینؔ دے دیس وچ سَت مہینیاں تیک رہیا۔تے اوہناں دا دیس چُوہیاں دے نال بھر گیا۔
2
-تد فلسطینیاںؔ نیں کاہناں نُوں تے نجومیاں نُوں سیدا۔تے آکھیا۔پئی اسیں اوہنوں اوہدی تھاں تے کیویں گھلیئے؟
3
-اوہناں نیں آکھیا۔جے تُسی اسرائیل ؔ دے رَب دے صندوق نُوں گھل دے او۔تے خالی ناں گھلو۔سگوں بھوُل چُک دی قربانی چڑھاؤ۔تد تُسی شفا پاؤ گے تے تُسی جان لو گے۔پئی کیوں اوہ اپنا ہتھ تہاڈے تَوں نئیں ہٹاؤندا ۔
4
-تے اوہناں نیں آکھیا ۔پئی فلسطینیاںؔ دے سرداراں دے شُمار دے حساب نال بواسیر دے پنج سنہری موہکے تے سونے دے پنج چوہے ۔کیوں جو تُسی سارے تے تہاڈے سرداراِک ای بلا وچ جکڑے ہوئےاو۔
5
-ایس طراں تُسی بواسیری موہکیاں دیاںشکلاں تے چوہیاں دے بُتاں نُوں جیہڑے تہاڈے دیس نُوں خراب کر دے نیں بناؤ۔تے اسرائیل ؔ دے رَب نُوں جلال دو۔تے شائد اوہ اپنا ہتھ تہاڈے توں تے تہاڈے دیوتاواں تے تہاڈے دیش تَوں چُک لَوے۔
6
-تُسی اپنے دِلاں نُوں کیوں سخت کر دے او۔جیویں پئی مصریاں ؔ تے فرعونؔ نیں اپنے دِلاں نُوں سخت کیتا ۔کی جدوں اوہناں اُتے بلا نازل ہوئی تے اوہنے اوہناں نُوں جان ناں دِتا؟ تے اوہ چلے گئے ۔
7
-تے ہُن تُسی اِک نویں گڈی بناؤ۔تے دو دُدھ پیاؤن والیاں گائیاں جیہڑیاں جوئے دے ہیٹھاں نا ں آئیاں ہون،لوؤ۔تے اوہناں گائیاں نُوں گڈی وچ جوتو۔تے اوہاں دے بچھڑیاں نُوں اوہناں دے پیچھو ں گھر وچ بند کر دیو۔
8
-تے رَب دے صندوق نُوں لے کے گڈی اُتے رکھو۔تے سونے دیاں چیزاں جیہڑیاں تُسی دی بھُول چُک دی قربانی لئی چڑھاؤندے او۔اِک صندوقچی وچ بند کر کے اِک پاسے رکھ دیو۔تے اوہنوں گھل دیو پئی چلا جاوے۔
9
-تے تُسی ویکھدے رہوؤ جے اوہ اپنیاں حداں دی راہ وچ بیت شمسؔ نُوں چڑھے تے اوہو ای اے جس نیں ساڈے تے اے ڈاھڈی بلا گھلی ۔نئیں تاں اسیں سمجھاں گے پئی اوہدا ہتھ نئیں جیہڑا ساڈے اُتے ودھیا۔سگوں اے اچانک ہویا۔
10
-سو لوکاں نیں اینجای کیتا۔پئی دو دُدھ والیاں گائیاں لئیاں۔تے اوہناں نُوں گڈی وچ جوتیا۔تے اوہناں دے بچھڑیاں نُوں گھر وچ بند کتیا ۔
11
-تے اوہناں نیں رَب دے صندوق نُوں گڈی اُتے رکھیا۔تے نال چھوٹی صندوقچی جیہدے وچ سونے دے چوہے تے تے اوہناں دے بواسیری موہکیاں دیاں شکلاں سَن۔
12
-تے ایہناں گائیاں نیں بیت شمسؔ دی سڑک وَل سیدھیاں راہیں پئیاں ۔تے اِکو ای رستے تے چلدیاں گئیاں ۔تے چلدیاں کراہندیاں رہیاں ۔تے سجے یاں کھبے ناں مُڑیاں۔تے فلسطینیاںؔ دے سردار اوہناں دے پیچھے بیت شمسؔ دیاں حداں تیک چلدے گئے۔
13
-تے بیت شمس ؔ دے لوکی وادی وچ گہیوں د ی فصل کاٹ دے پئے سَن۔اوہناں نیں اکھاں اُتاں چُکیاں تے صندو ق نُوں ویکھیا۔تے اوہنوں ویکھ کے خوش ہوئے۔
14
- تے گڈی بیت شمسیؔ یوشعؔ دے کھیت وچ آئی۔ تے اوتھے اِک وڈا روڑا سی۔تد اوہناں نیں گڈی دی لکڑی نُوں پھاڑیا۔تے دونویں گائیاں نُوں رَب لئی سوختنی قربانی حساب نال چڑھایا۔
15
-تے لاویاں ؔ نیں رَب دے صندوق نُوں تے نالے اوس صندقچی دے جیہڑی اوہدے کول سی ۔۔جس دے وچ سونی دیاں شیواں سَن۔تھلے لایا۔تے اوہنوں اوس وڈے روڑے تے رکھیا ۔تے بیت شمسؔ دے رہن والیاں نیں سوختنی قربانیاں چڑھائیاں تے اوسے دِن رَب لئی ذبیحے ذبح کیتے ۔
16
-تے فلسطینیاں ؔ دے پانج سرداراں نی ویکھیا۔تے اوسے ای دِن عقرونؔ نُوں پرت گئے۔
17
-تے سونے دے بواسیری موہکے جیہڑے فلسطینیاں ؔ نیںرَب دے لئی بھُول چُک دی قربانی دے حساب گُزرانے ۔اِک اوہناںوچوں اشدودؔ لئی تے اِک غزہؔ لئی تے اِک اشقلونؔ لئی تے اِک جَت ؔ لئی تے اِک عقرونؔ لئی سی۔
18
-تے سونے دے چوہے فلسطینیاں دے کُل شہراں دے شُمار دے حساب نال سَن۔پانج سرداراں دے علاقیاں توں فصیل دار شہر تَوں لے کے میدان دے پنڈ تیک۔تے ایس گل دی گواہی وچ اوہ وڈا روڑہ جیہدے اُتے اوہناں نیں رَب دا صندوق رکھیا۔ اَج دے دِن تیک بیت شمسیؔ یوشع ؔ دے کھیت وچ ہے گا اے۔
19
-تے جیویں کے بیت شمسؔ دے واسیاں وچوں بنی یکنؔ یاہ نے خوشی نئیں منائی ۔جدوں اوہنآں نیں رَب دا صندوق ویکھیا ۔اوہنے اوہناں دے ستر بندیاں نُوں ماریا۔تے لوکی پیٹے۔کیوں جو رَب نیں لوکاں نُوں ایس وڈی بلا نال ماریا۔
20
-تے بیت شمس ؔ دے لوکاں نیں آکھیا ۔پئی کس دا زور اے جیہڑا ایس قُدوس رَب خُدا دے اَگے کھڑا ہووے۔تے اوہ ساڈےے کولو ں کیہدے کول جاوے۔
21
-تے اوہناں نیں قریت یعاریمؔ دے واسیاں دے کول قاصد بھیجیا تے آکھیا۔پئی فلسطینیاں ؔ نیں رَب دا صندوق موڑ دِتا اے۔سو دتُسی آؤ تے اوہنوں اپنے کول لے جاؤ۔