1
-تے فلسطینیاںؔ نیں رَب دے صندوق نُوں لیا۔تے عابنؔ عازرؔ توں اوہنوں اشدود وچ لے گئے۔
2
- تے فلسطینیؔ رَب دے صندوق نُوں لے کے داجون ؔ دے مندر وچ لیائے۔تےداجونؔ دے نیڑے اوہنوں رکھیا۔
3
- تے دوجے دِن جدوں اشدود یؔ سویرے اُٹھے ۔تے ویکھو۔ داجونؔ رَب دے صندوق دے سامنے زمین اُتے مونہہ پرنے پیا اے۔تے اوہناں نیں داجونؔ نُوں لے کے اوہدی تھاں تے فیر رکھ دِتا ۔
4
-فیر دوجے دِن اوہ سویرے ای اُٹھے ۔تے ویکھیا پئی داجونؔ رَب دے صندوق دے سامنے اپنے مونہہ پرنے پیا اے تے داجون ؔ دا سرِ تے اوہدے دونویں ہتھ کٹے ہوئے بوہے دی دہلیز دے نیں۔
5
- تے اوہدا دھڑ اپنی تھاں تے وے ۔ایس سببوں داجونؔ دے پُجاری تے سب جیہڑے داجونؔ دے مندر بوہے دی دہلیز تے پیر نئیں رکھدے ۔
6
-تے اشدودیاں اُتے رَب دا ہتھ بھارا ہویا ۔تے اوس نیں اوہناں نُوں ماریا ۔تے اشدود ؔ وچ تے اوہدے آسے پاسے دے علاقے نُوں بواسیر نال ماریا ۔تے اوہناں دے دیس دے وچکار پنڈاں تے میداناں نوں اُجاڑ دِتا۔تے چوہے جمے۔تے شہر وچ ڈاھڈی وبا دی گھبراہٹ ہوئی ۔
7
-جدوں اشدود دے رہن والیاں نیں ویکھیا تے آکھیا پئی اسرائیل دے خُدا دا صندوق ساڈے کول ناں رُکے ۔کیوں جو اوہدا ہتھ ساڈےاُتے تے ساڈے معبود داجونؔ اُتے بھارا اے۔
8
-تے فلسطینیاںؔ نیں دے سارے قُطباں نُوں اپنے کول جمع کیتا ۔تے آکھیا۔پئی اسیں اسرائیلؔ دے رَب دے صندوق دے نال کی کریئے؟ تے اوہناں نیں جواب دِتا پئی اسرائیل ؔ دے رَب دے صندوق نُوں جَت ؔ وچ پہنچا یا جاوے۔ تے اوہ اسرائیل دے رَب دے صندوق نُوں لے گئے۔
9
- تے ایس تَوں بعد جدوں رَب دا صندوق اوتھے لے گئے تے اینج ہویا پئی رَب دا ہتھ اوس شہر اُتے بھارا ہویا ۔ تے اوہدے وچ بڑی گھبراہٹ پئی۔تے اوس نیں شہر دے باشندیاں نُوں وڈیاں تے چھوٹیاں سمیت ماریا۔ تے اوہناں نُوں بواسیر ہوئی۔
10
- تد اوہناں نیں رَب دا صندوق عقرونؔ وچ بھیجیا ۔تے رَب دے صندوق دے عقرونؔ وچ پہنچے پر اینج ہویا ۔پئی عقرونؔ دے رہن والے چِیکے تے آکھیا پئی اوہ اسرائیلؔ دے رَب دے صندوق نُوں ساڈے کول لیائے نیں۔تاں جو سانوں تے ساڈے لوکاں نُوںمار دین۔
11
-تے اوہناں نیں بلایا گھلیا۔تے فلسطینیاںؔ دی قوم دے سارے سرداراں نُوں اکٹھیاں کیتا۔تے آکھیا پئی اسرائیل دے رَب دے صندوق نُوں بھیج دو۔تے اوس دی اپنی تھاں وچ اوہنوں گھل دیو۔تاں وج اوہ سانوں تے ساڈے لوکاں نُوں قتل نہ کرے۔کیوں جو سارے شہر اُتے موت دی گھبراہٹ ہوئی۔تے رَب دا ہتھ اوتھے بڑا ڈاھڈا سی۔
12
-تے جیہڑے اوہناں وچں نہ مرے ۔اوہناں نُوں بواسیر ہو گئی ۔تے شہر دا چِیکنا اَسمان تیک اُچا ہویا۔