1
-اوہناں دِناں وچ فلسطینیؔ اسرائیلؔ نال لڑن لئی جمع ہوے ۔تے اسرائیل ؔ نیں اوہناں دے خلاف جنگ لئی نکل کے عابن ؔعازر ؔ دے کول ڈیرا لایا ۔تے فلسطینی ؔ افیق ؔ و چ جا اُترے۔
2
-تے فلسطینیاںؔ نیں اسرائیل ؔ دے مقابلے لئی قطار بندی کیتی۔تے لڑائی لڑن لگے۔تے اسرائیل ؔنیں فلسطینیاں ؔ دے سامنے ہار گئے تے اوہناں نیں لشکر وچوں میدان وچ قریبا ََ چار ہزار بندے قتل کیتے۔
3
-تد لوکی خیمیاں نوں پرتے۔تے اسرائیلؔ دے بزرگاں نئ آکھیا پئی رَب نیں سانوں فلسطییاؔ دے سامنے کیوں ہرایا۔آؤ اسیں رَ ب دا صندوق شہادت شیلوؔ توں اپنے کول لے آئیے۔تے اوہ ساڈے وچکار ہووے ۔تاں ساڈے دُشمناں تَوں اوہ سانوں رہائی دیوے۔
4
-تے لوکاں نیں شیلوؔ وچ بندے گھلے۔تے اوہ اوتھوں رَب الافواج کروبین نشین دا صندوق شہادت چُک لیائے۔تے اوتھے عالیؔ دے دونویں پُتر حفنیؔ تے فیخاسؔ رَب دے صندوق شہادت دے نال سَن۔
5
-تے جدو وں رَب دا شہادت دا صندوق چھاونی وچ اپڑیا۔تےکُل اسرائیل بڑے زور نال دھاڑے ۔اینج پئی دھرتی کنبھ گئی۔
6
-تے فلسطییاں ؔ نیں دھاڑن دی واج سُنی تے آکھیا پئی عبرانیاںؔ دی چھاؤنی وچ ایہہ کینج دی دھاڑن دی واج اے۔تد اوہناں نُوں دسیا گیا پئی رَب دا صندوق چھاؤنی وچ آیا اے۔
7
-تد فلسطینیؔ گھبرائے تے آکھیا ۔اوہناں معبود چھاؤنی وچ آئے نیں۔تے اوہناں نیں آکھیا ساڈے اُتے افسوس ۔کیوں جو اینج دی گل کل تے پیلا ں نئیں ہوئی۔
8
- ساڈے اُتے افسوس ! کون سانوں اوہناں تگڑے معبوداں دے ہتھوں چھڈائے گا؟اے اوہو ای معبود نیں۔جنہاں نے مصر نُوں ساریاں بلاواں نال بیابان وچ مارایا۔
9
- اے فلسطینیوؔ! دلیری کرو۔تے مرد بنو۔۔تاں جو تُسی عبرانیاں ؔ دی غلامی نہ کرو۔جسراں پئی اوہ تہاڈی گلامی کردے سَن۔سو مرد بنو تے لڑو۔
10
-تے فلسطینیؔ لڑے ۔تے اسرائیل ؔ ہار گیا ۔تے اوہ سارے اپنے اپنے خیمیاں نُوں بھجے۔تے بوہت لہو وگیا۔تے اسرائیل ؔ وچوں تریہہ ہزار بندے مارے گئے۔
11
-تے رَب دا صندوق پھڑیا گیا۔تے عالیؔ دے دونویں پُتر حفنیؔ تے فیخاسؔ قتل کیتے گئے۔
12
- تد بنیامینؔ دا اِک بندہ چھاؤنی وچوں دوڑیا تے اپنے کپڑے پھاڑکے تے اپنے سِر تے مِٹی پا کے اوس دیہاڑے شیلوؔ وچ آیا۔
13
-جدوں اوہ آیا تے عالیؔ رستے وچ اِک پاسے کُرسی اُتے بیٹھا ہویا اُؔڈیک رہیا سی۔کیوں جو اوہدا دل رَب دے صندوق لئی ڈریا سی۔ تے اوس بندے نے آکے شہر وچ خبر دِتی ۔تے سا را شہر چِکیا۔
14
-تے عالیؔ نیں چِکن دی واج سُنی ۔تے آکھیا پئی ایہہ شور کاہدا اے؟ تے اوہ بندہ جلدی نال آیا۔تے عالی ؔ نُوں خبر دِتی۔
15
-تے عالیؔ اٹھانوے ورھیاں دا سی۔ تے اوہدیاں اکھاں دھندلیاں ہو گئیاں سَن۔تےا وہ ویکھ نئیں سکدا سی۔
16
. سو اوس بندے عالی ؔ نُوں آکھیا پئی میں چھاونی تَوں آیاہاں ۔تے میں ای چھاؤنی تَوں بجھیا ہاں ۔تد اوس نیں آکھیا اے میرے پُتر! کی خبر لیایاایں؟
17
-تے خبر دین والے نیں جواب دِتا پئی اسرائیلی ، فلسطینیاںؔ کولوں ہار گئے نیں۔تے لوکاں وچ ڈاھڈا لہو وگیا ۔تے تیرے دونویں پُتر حفنیؔ تے فیخاسؔ مار گئے ۔تے رَب دا صندوق کھولیا گیااے۔
18
. تے جدوں اوہنے رَب دے صندوق دا ناں لیا تد اوہ کُسری تَوں پیچھاں نُوں بوہے کول ڈِگیا۔تے اوہدی دھون دی ہڈی ٹوٹ گئی تے اوہ مر گیا۔کیوں جو اوہ بُڈھا تے بھارا سی۔ اوہ چالہھ سال تیک اسرائیل دا سرپنچ رہیا۔
19
- تے اوہدی نُو فیخاسؔ دی ووہٹی حاملہ ہوئی تے بچہ جمن دے دِن نیڑے سَن۔تے جدوں اوہنے سُنیا پئی رَب دا صندوق کھولیا گیا اے۔تے اوہدا سوہرا تے کھسم دونویں مر گئے ۔تے اوہ جھُک گئی تے اوہنوں درداں لگ پئیاں تے اوہنے پُتر جمیا۔
20
-جدوں اوہ مرن دے نیڑے سی۔ تے اوہناں نیں جیہڑے اوہدے کول سن اوہنوں آکھیا ۔ناں ڈر۔کیوں جو تیرے توں پُتر جمیااے۔ تے اوہنے جواب ناں دِتا تے ناں اوہدے دل نیں دھیان دِتا۔
21
-تے اوس نیں اوس مُنڈے دا ناں اِیکا بود ؔ رکھیا ۔تے اے آکھیا پئی اسرا ئیلؔ تَوں بزرگی جاندی رہی۔کیوں جو رَب دا صندوق کھو لیا گیاسی۔ تے ایس توں علاوہ اپنے سوہرے تے کھسم دے سبب۔
22
-تے ایس لئی اوس نیں آکھیا اسرائیل تَوں بزرگی جادنی رہی۔کیوں جو رَب دا صندوق کھو لیا گیا سی۔