1
-تے اوہ مُنڈا سیموئیل عالیؔ دے سامنے رَب دی خدمت کر دا سی۔تے رَب دا کلام اوہناں دِناں وچ عام نئیں سی۔تے رویا اکژ نئیں ہوندی سی۔
2
-تےاِک دِن اینج ہویا ۔پئی عالیؔ اپنی تھاں تے لیٹیا ہویا سی۔تے اوہدیان اکھاں دھندلیاں ہونیاں شروع ہو گئیاں سن۔تے اوہ ویکھ نئیں سکدا سی۔
3
-تے رَب دا چراغ ہالے بجھیا نئیں سی تے رب دی ہیکل وچ جیتھے پئی رَب دا صندوق سی ،سیموئیل لیٹیا ہویا سی۔
4
-تد رَب نیں بلایا۔سیموئیل ؔ! وہ بولا میں حاضر آں۔
5
-تے اوہ عالیؔ دے کول دوڑ گیا ۔تے آکھیا ۔میں حاضر آں۔کیوں جو تُوں مینوں بُلایا تے اوس نے آکھیا ۔میں تے تینوں نئیں بُلایا پرت کے سو جا۔تد اوہ واپس گیا تے سو گیا۔
6
-تے رَب فیر بلایا ۔سیموئیل ! تد سیموئیل اُٹھ کے عالیؔ دے کول گیا تے آکھیا ۔میں حاضر آں۔کیوں جو تُوں مینوں بلایا اے۔تُوں اوس نیں اوہنوں آکھیا ۔میں تینوں نئیں بلایا ۔اے میرے پُتر ! پرت جا تے سو جا۔
7
-تے سیموئیل ہالے تیک رَب نُوں نئیں جاندا سیتے ناں رَب دا کلام اوہدے اُتے ظاہر ہویا سی۔
8
-رَب نیں فیر تیجی واری بلایا۔سیموئیل ! اوہ اُٹھیا تے عالی ؔ دے کول گیا۔
9
-تےآکھیا میں حاضر آں۔کیوں جو تُوں مینوں بلایا اے۔تد عالیؔ سمجھیا پئی ایہہ رَب اے جیہڑا مُنڈے نُوں بلاؤندا ے۔تد عالیؔ نیں سیموئیل نُوں آکھیا ۔چلا جا تے اپنی تھاں تے سو جا۔تے جے تینوں فیر بلائے تے آکھیں ۔ اے رَبا فرما۔کیوں جو تیرا بندہ سُن دا اے۔تد سیموئیل چلا گیاتے اپنی تھاں تے سو گیا۔
10
-تد رَب آکھڑا ہویا ۔تے پہلے وانگ بلایا۔سیموئیل ! سیموئیل ! تے سیموئیل بولیا ۔فرما کیوں جو تیرا بندہ سُندا اے۔
11
-تد رَب نے سیموئیل نُوں آکھیا میں اسرائیل ؔ وچ اِک کام کرن والا ہاں۔سب جیہڑے اوہنوں سُنن گے ۔سنسنا جان گے۔
12
-اوس دِن میں عالی تے اوہ کُل گلاں شروع توں لے کے اکیر تیک پوری کراں گا۔جیہڑیاں میں اوہدے گھر دی بارے کیتیاں سَن۔
13
-کیوں جو میں اوہنوں پیلاں تؤں ای دس دِتا پئی میں اوہدے گھر اُتےہمیشاں لئی فتویٰ دواں گا۔ اوہدے پُتراں دی بدکاری دے سبب جنہوں اوہ جاندا سی۔ کیوں جو اوس دے سبب توں اوہ اپنے اُتے لعنت لیائے تے اوس نیں اوہناں نُوں ناں روکیا۔
14
-تے ایس لئی عالیؔ دے گھر دے بارے میں سَوں کھادی پئی عالیؔ دے گھر دی بدکاری قربانیاں تے نذرانیاں توں ابد تیک معاف ناں کیتی جاوے گی۔
15
-تے سیموئیل سویرے تیک سوتارہیا ۔تد اوس نیں رَب دے گھر دے بوہے کھولے ۔تے سیموئیل عالیؔ دے کول اوس رویا بارے بیان کرن تَوں ڈریا۔
16
-تد عالیؔ نیں سیموئیل نُوں بلایا تے آکھیا ۔ اے سیموئیل میرے پُتر ! سیموئیل نیں آکھیا ۔میں حاضر آں۔
17
-تے عالیؔ نے پوچھیا ۔پئی اوہ کی گل اے ۔جیہڑ ی رَب نیں تیرے نال کیتی ؟ میتھوں ناں لُکا ۔جے تُوں اوہناں گلاں وچوں جیہڑیاں اوہنے تینوں آکھیا ں۔کوئی گل میتھوں لُکاویں۔تد رَب تیرے نال اینج اینج کرے ۔تے یس تَوں وی زیادہ کرے ۔
18
-تد سیموئیل نیں اوہنوں سارے کلام دی خبر دِتی تے اوہدے کولوں کجھ نئیں لُکایا۔تے عالیؔ نے آکھیا ۔اوہ رَب اے۔جیہڑا اوہدی نظر وچ چنگا اے اوہ کرے۔
19
-تے سیموئیل وڈا ہوندا گیا ۔تے رَب اوس دے نال سی۔ تے اوس دی کُل گلاں وچوں کسی وی گل نُوں خاک وچ ملن ناں دِتا ۔
20
- تے سب اسرائیل ؔ نیں دانؔ توں لے کے بئیر شابعؔ تیک جا نیا پئی رَب نیں سیموئیل نُوں نبی مُقرر کیتا۔
21
-تے رَب شیلوؔ وچ فیر ظاہر ہویا ۔ کیوں جو شیلوؔ وچ رَب نیں سیموئیل اُتے اپنے آپ نُوں رَب دے کلمہ دے ذریعے ظاہر کیتا۔تے سیموئیل دی گل کُل اسرائیل تیک پہنچی۔