1
-تے حَنّہؔ نیں دُعا منگی تے آکھیا۔ میر دل رَب وچ خوش باش اے۔ میرا زمانہ رَب وچ اُچا اے۔ میرے دُشمناں اُتے میرا منہ کھلا اے۔
2
-رَب وانگ کوئی قدوس نئین ۔ ہاں۔ تیرے سوا ہور کئی ہے ای نئیں ۔ ساڈے رَب جہی چٹان کئی نئیں۔
3
-تہاڈے بولھاں توں شیخی ناں نکلے۔ رَب اوہی تے جانن والااے۔ اوہو ای اعمال دا حساب کرن والا اے۔
4
- تگڑیاں دیاں کماناں ٹوٹی جارہیاں نیں۔ کنبھن والیاں دی کمراں زور نال کسیاں نیں۔
5
. رجے تاں کھا کے محنتی بن گئے۔ تے بھوکے روزگا ر نال آرام کرن لگے ۔ جیہڑی بچے توں بغیر سی اوہدے سَت ہوندے نیں تے کئییاں دی ماں اَدھ موئی ہورہی اے۔
6
-رَب ای مار دا ۔تے موت تَوں بچاندا اے۔ پاتال وچ بھیج دا فیر لیاوندا اوہوای اے۔
7
-رَب گریب تے بے نیاز اے بناندا ۔ مہاتڑ تے عزت والا اوہو ای بناندا اے۔
8
- کنگال نُوں اوہ خاک تَوں چُکدا اے۔ مِسکین نُوں کُوڑے وچں کھڑا کر دا اے۔ تاں جو اوہنوں امیراں دے کول بٹھائے۔ تے جلا ل دے تخت دا وارث بنائے ایس دھرتی دے تھم رَب دے نیں۔ اوہناں دے اُتے ای اوس نیں قیم رکھیا اے۔
9
-مُقدساں دے پیراں نُوں سنبھالی رکھے گا۔ ہنیرے وچ بدکار مِٹ جان گے۔ نئیں اپنے زور نال طاقتور انسان۔
10
-رَب دے مُخالف دی ہار ہووے گی۔ اوہ اوہدے خلاف اَسمان تَوں گرجے گا۔ دھرتی دِیاں حداں دا انصاف کرن والا رَب ای ہووے گا۔ اوہ اپنے ای بادشاہ نُوں زور دیوے گا۔ اپنے ممسوح دا سِنگ اوہ اُچا کرے گا۔
11
- فیر اِلقانہ ؔ رامہؔ وَل اپنے گھر پرتیا ۔پر اوہ مُنڈا عالیؔ کاہن دے اَگے رَب دی خدمت کردا سی۔
12
-تے عالیؔ دے پُتر خبیث سَن اوہ رَب نُوں نئیں جاندے سن۔
13
-تے نہ ای اوس حق نُوں جیہڑا کاہن نُوں لوکاں وَلوں اے۔جیہڑا کوئی بندہ رَب لئی قربانی ذبح کردا۔ تے گوشت دے پکن ویلے کاہن دا نوکر تِن شاخہ کنڈا ہتھ وچ پھڑ کے آؤندا ۔
14
-تے اوہنوں کڑاہ یا دیگچے یا کڑاہی یا ہانڈی وچ پاؤندا ۔تے جینا کنڈے دے نال نکلدا اوہ کاہن اپنے لئی لے لیندا سی۔سو اوہ کُل بنی اسرائیلؔ دے نال جیہڑے شلوؔ وچ آؤندے اینج کردے سن۔
15
-تے اینج ای چربی دے ساڑن تَوں پیلاں کاہن دا نوکر قربانی کرن والے بندے کول آؤندا تے اوہنو آکھدا ۔پئی کاہن دے واسطے کباب دا گوشت دو۔کیوں جو اوہ تیرے کولوں پکیا ہویا گوشت نئیں سگوں کچا گوشت لَوے گا۔
16
-تے جے اوہ بندہ جواب دیندا ۔پئی رُک جا ۔تاں جو چربی ساڑی جائے۔فیر جینا تُوں چاویں لے لئیں ۔تے اوہ اوہنوں جواب دیندا پئی اُکا ای نئیں۔سگوں تُوں مینوں ہُنے دے۔نئیں تاں میں تیرے کولوں کھو لَواں گا۔
17
-تے اوہناں جواناں دا گناہ رَب دے سامنے بوہت ودھ گیا۔کیوں جو لکی رَب دی قربانی دی تحقیر کرن لگ پئے ۔
18
- تے سیموئیل رَب دت سامنے خدمت کردا سی۔اوہ مُنڈا ای سی۔تے کتان دےافود دا پٹکا بنھی رکھدا سی۔
19
-تے اوہدی ماں اوہدے لئی اِک چھوٹ اجیہا چوغہ بناؤندی۔تے مِتھے گئے ویلے تے جدوں اپنے کھسم نال قربانی چڑھان اُتے آؤندی ۔تے اوہنوں لیاؤندی۔
20
-تے عالیؔ نے اِیفہؔ تے اوہدی ووہٹی نُوں برکت دِتی تے اوہنوں آکھیا۔رَب تینوں ایس زنانی تَوں نسل دےیوے۔اوس نذر دے بدلے جیہڑی تُوں رَب نُوں دِتی ۔فیر اوہ دونویں اپنے گھر پرتے۔
21
-تے رَب نے حنّہؔ وَل دھیان کیتا ۔تے اوہ حاملہ ہوئی۔تے اوہنے تِن پُتر جمے تے دو دھِیاں تے اوہ مُنڈا سیموئیل رَب دے حضور ودھ دیا گیا۔
22
-تے عالیؔ بوہت بُڈھا ہو گیا۔تے اوہنے سب کجھ سُنیا۔جو کجھ اوہدے پُتر کُل اسرائیل نال کر دے سی تے پئی کیوں اوہ اوہناں زنانیاں دے کول جاندے سَن جیہڑیاں حضوری دے خیمے دے بوہے اُتے رکھوالی کر دیاں سَن۔
23
-تے اوہنے اوہناں نُوں آکھیا ۔پئی تُسی ایہہ کام کیوں کردے او؟ تے ایہہ کِڈی بھیڑی خبر اے۔جیہڑی میں ساریاں لوکاں کولوں تہاڈے بارے سُندا ہاں۔
24
-نئیں اے میرے پُترو! کیوں جو جیہڑی خبر میں تہاڈے بارے سُندا ہاں۔ اوہ چنگی نئیں۔پئی تُسی لوکاں نُوں رَب دے خلاف گناہ کرن لئی بھڑکاؤندے او۔
25
-جے اِک انسان دُوجے انسان دا گناہ کرے ۔تے رَب انصاف کرے گا۔ پر جے کوئی انسان رَب دا گناہ کرے تے درمیانی کو ہووے گا؟تے اوہناں نیں اپنے پیو دی گل نئیں سُنی۔کیوں جو رَب اوہناں نُوں مار دیناں چاہندا سی۔
26
-تے اوہ مُنڈا سیموئیل ودھ دا گیا ۔تے رَب تے بندیاں دے سامنے مقبول سی۔
27
-تے رَب دا اِک بندہ عالیؔ دے کول آیا تے اوہنوں آکھیا۔پئی رَب اینج آکھدا اے پئی کی میں تیرے پیو دے گھر جدو ں اوہ مصر ؔ وچ فرعونؔ دے گھر وچ غلام سی ۔ظاہر نئیں ہویا؟
28
-تے اسرائیلؔ دے کُل قبیلیاں وچوں میں اوہنوں اپنا کاہن چُن لیا۔پئی میرے مذبح تے جائے ۔تے خُشبو جلائے ۔تے میرے امنے افود پاوے۔تے میں اسرائیل ؔ دیاں سب اَ گ دِیاں قربانیاں تیرے پیو دے گھر نُوں دے دِتیاں ۔
29
-سو تُسی کیوں میرے ذبیحیاں تے نذرانیاں نُوں جنہاں نُوں مَسکِن وچ گزرانن دا میں حکم دِتا ،لات ماری۔تے تُوں اپنے پُتراں نُوں میرے تَوں بوہتی عزت دِتی؟تاں جو میرےقوم دے سارے چنگے ہدیاں توں تُسی اپنےآپ نُوں موٹا کرو۔
30
-ایس لئی رَب اسرائیل دا رَب آکھدا اے۔میں تے آکھیا سی۔پئی تیرا گھر تے تیرے پیودا گھر ہمیشاں تیک میرے حضور چلے ۔پر ہُن رَب آکھدا اے۔اے میرے توں دور ہووے۔کیوں جو لوکی میری عزت کر دے نیں ۔میں اوہناں دی عزت کراں گا ۔ تے جیہڑے میری تحقیر کر دے نیں اوہ حقیر کیتے جان گے ۔
31
-ویکھ اوہ دن آؤندے نیں۔پئی میں تیری بانہہ تے تیرے پیو دے گھر دی بانہہ کاٹ دیاں گا۔ تے تیرے گھر وچ کسے دی عمر نہ ودھے گی۔۔
32
-تے تُوں مِسکین دیاں تکلیفاں اوہناں ساریاں چیزاں وچ ویکھے گا جیہڑی بنی اسرائیل وچ ویکھیں گا جیہڑے بنی اسرائیل لئی خُوشی دا سبب نیں۔تے تیرے گھر وچ کسے دی عمر ناں ودھے گی۔
33
-سوا ایہدے پئی میں اپنے مذبحے دے سامنیوں ای بندے نُوں تیرے لئی کاٹ ناں دیاں گا۔تاں جو اوہ تیریاں اکھاں لئی دھندلا پن تے تیری جا لئی عذاب ہووے۔تے ہر اِک جیہرا تیرے گھر وچ پیدا ہووے گا جوان ای مر جاوے گا۔
34
-تے تیرے لئی ایہہ نشانی ہووے گی۔جیہڑی تیرے دونویں پُتراں حفنیؔ تے فیخاسؔ تے آئے گی۔پئی اِک ای دِن وچ اوہ دونویں مر جان گے۔
35
-تے میں اپنے لئی اِک وفا دار کاہن بناواں گا ۔جیہڑا دل تے روح دے موافق سب کجھ کرے گا۔تے میں اوہدے لئی اِک چنگا گھر بناواں گا۔تے اوہ کُل دیہاڑے میرے ممسوح دے اَگے چلے گا۔
36
-تے ہر اِک جیہڑا تیرے گھر توں بچے گا ۔اوہدے کول آئے گا۔تے چاندی دے ٹُکڑے تے روٹی دی اِک ٹکی دے لئی اوہنوں سَجدہ کر گا۔تے آکھے گا۔پئی مینوں کہانت دی کسی خدمت تے لا لو۔ تاں جو میں روٹی د ا ٹُکڑا کھا سکاں۔