1
۔ تے فلسطینیاں ؔ نے افیقؔ چہ اَپنے ڈیریاں دے لشکر کٹھے کیِتے تے اسرائیلؔ اِک سوتے دے کول جیہڑا یزرعیلؔ چہ اے ، ڈیرے لائے سَن۔
2
۔ تے فلسطینیاں ؔ دے امیر بندے سنھے سو سو ، تے ہزار ہزار دے اَگے گئے ۔ تے داؤُد ؔ تے اوہدے نال دے اکیسؔ دے نال مگر سَن ۔
3
۔ فلسطیناں ؔ دے دوسریاں نے آکھیاں پئی ایہہ عبرانی کاہدے لئی نیں ؟ تے اکیس ؔ نے آکھیا کیہ ایہہ داؤُدؔ سارائیلؔ دے بادشاہ دا نوکر اوہو ای نئیں ۔ جیہڑا میرے نال دیہاڑیاں سگوں ورھیاں توں اے ۔ تےجِس دیہاڑے تو اوہ ساڈے کول نَس کے آیا ۔ اجے تیِک اوہنے کوئی بدی نئیں کیِتی ۔
4
۔ تدھ فلسطینیاں ؔ دے سردار پمکے ۔ تے اوہنوں آکھیا پئی ایس بندے نُوں پچھاں موڑدے پئی اوہ اپنی تھاں نُوں جیہڑی تُوں اوہدے لئی منّی ایں ۔، پرت جاوے ۔ تے ساڈے نال جنگ کرن ناں جاوے ۔ تاں جو لڑائی چہ اوہ ساڈ ا ویری ناں بن جاوے ۔ کیوں جو اوہ اپنے مالک نُوں ایہناں بندیاں دے سَراں دے بغیر کِس طرحاں خُوش کرے گا ۔
5
۔ کیہ ایہہ اوہو داؤُؔ نئیں ۔ جیہدے بارے زنانیاں نے نچ کے گاؤندیاں ہوئیاں آکھیا سی ساؤل نے ماریا ہزاراں نُوں ۔ داؤُؔد نے ماریالکھاں نُوں ۔
6
۔ تدھ اکیسؔ نے داؤُؔ د نُوں سدیا ۔ تے اوہنوں آکھیا ۔ زندہ خُداوند دی سونہہ پئی تُوں چنگا بندہ ایں ۔ بیرقاں چہ میرے نال تیرا آؤنا جان میریاں اکھاں چہ چنگا اے ۔ تے جِس دیہاڑے توں تُوں میرے کول آیا ایں ۔ اَج تیِک میں تیرے چہ کوئی بدی نئیں ویکھی ۔ پَر امیراں دیاں اکھاں چہ تُوں منیاں نئیں گیا۔
7
۔ سو ہُن تُوں پَرت کے بھلیائی نال جا ۔ تے کوئی اینج دی گَل ّ ناں کر جیہڑی فلسطنیاں ؔ دے امیراں دیاں اکھاں چہ بَری رہ ۔
8
۔ داؤُّد نے اکیس ؔ نُوں آکھیا ۔ میں کیہ کیِتا اے ؟ تے جِس دیہاڑے توں میں تیرے نال رئیاں آں ۔ اَج تیِک تُوں اپنے نوکر چہ کیہڑی اینج دی گَل ویکھی پئی میں ناں جاواں تے اَپنے مالک بادشاہ دے ویریاں نال ناں لڑاں ۔
9
۔ تدھ اکیسؔ نے داوُؔد نُوں جواب چہ آکھیا میں ایہہ جاننا آں پئی تُوں میری اَکھ چہ خُدا دے فریشتے وانگوں نیک ایں ۔ پَر فلسطیناں ؔ دے سردارں نے آکھیا ۔ پئی تُوںساڈے نال جنگ چہ ناں جا ۔
10
۔ ہُن سجرے سجرے تُوں تے تیرے مالک دے نوکر تے تیرے نال آئے نیں ۔ اُٹھ تے اَپنی تھاں وَل جیہڑی میں تیرے لئی مَنّی اے ۔ ٹُر جاؤ۔ اِنتقام دا ناں سوچ ۔ کیوں جو میں تینوں چنگا جاننا آں ۔ سو جیہدوں تُسیں سجرے ای اُٹھو تے لو ہوے تے پَرت جاؤ ۔
11
۔ ایس لئی سجرے ای داؤُؔد تے اوہدے نال دے اُٹھے تاں جو فجرے ٹُر کے فلسطیناں ؔ دے دیس چہ پچھاں پرت جان ۔ پَر فلسطینیؔ یزریعیلؔ وَل پَرت گئے ۔