1
-تے رَب نیں سیموئیل نُوں آکھیا تُوں ساؤل اُتے کدوں تیک ماتم کریں گا؟ جد کے میں اوہنوں اسرائیل دی بادشاہت توں رد کیتا اے۔سو تُوں اپنا سِنگ تیل نال بھر تے آ پئی میں تینوں بیت لحم ؔ دے یِشی ؔ دے کول گھلن لگاں۔کیوں جو میں اوہدے پُتراں وچوں اِک نُوں بادشاہ متھیا اے۔
2
-سیموئیل نیں آکھیا میں کینج جاواں کیوں جو جے ساؤل نیں سُنیا تے مینوں قتل کر دے گا۔رَب نیں آکھیا تُوں اِک بچھڑا اپنے نال لےتے آکھ پئی میں رَب لئی ذبیحہ ذبح کر ن جاندا ہاں۔
3
-تے اپنے ذبیحے پریشیؔ دی دعوت کر تے میں تینوں دساں گا پئی تینوں کی کرنا پَوے گا۔تے جہدا ناں میں تینوں دساں تُوں اوہنوں میرے لئی مسح کر ۔
4
-تد سیموئیل نیں رَب دے حُکم دے حساب نال کیتا ۔تے بیت لحمؔ وچ آیا۔تے شہر دے بزرگ اوہنوں ملن لئی کانبھ دے ہوئے آئے تے آکھیا ۔کی تیرا آنا صُلح نا ل اے؟
5
-اوہنےآکھیا میں صُلح تَوں آیا ہاں تاں جو رَب لئی قربانی کراں۔سو تُسی اپنے آپ نُوں پاک کرو تے میرے نال قربانی چڑھان لئی آؤ تے اوہنے یسّی ؔ تے اوہدے پُتراں نُوں پاک کیتا۔تے اوہناں نُوں قربانی تے بلایا۔
6
-جدوں اوہ آئےاوہنے اِلی آبؔ نُوں ویکھیا تے اپنے دل وچ آکھیا ۔یقیناََرَب دا ممسوح اوہدے سامنےآیا۔
7
-پر رَب نیں سیموئیل نُوں آکھیا پئی تُوں اوہدی شکل تے اوہدے قد دی لمبائی دا لحاظ ناں کر۔کیوں جو میں اوہنوں پسند کیتا۔میں انسان دی شکل دے حساب نال فیصلہ نئیں کر داایس لئی انسان اوہناں چیزاں نُوں ویکھدا اے جیہڑیاں نظر آؤندیاں نیں پر رَب دل وَل ویکھدا اے۔
8
-تد یسّیؔ نیں ابی ناداب ؔ نُوں بلایا تے اوہنوں سیموئیل دے سامنے پیش کیتا۔تے اوہنے آکھیا تُوں رَب نیں اوہنوں وی پسند نئیں کیتا۔
9
-فیر یسّیؔ نیں شمہ ؔ نُون پیش کیتا تے اوہنے آکھیا ایہنوں وی رَب نیں پسند نئیں کیتا۔
10
-تے یسّیؔ نیں اپنے سَتاں پُتراں نُوں سیموئیل ؔ سامنے پیش کیتا تے سیموئیل نیں آکھیا ایہناں وچوں رَب نیں کسے نُوں پسند نئیں کیتا ۔
11
-فیر سیموئیل ؔ نیں یسّیؔ نُوں آکھیا کی تیرے سارے مُنڈے ایہی نیں؟تے اوہنے آکھیا پئی ساریاں توں نیکا باقی اے۔تے اوہ بھیڑ بکریاں چراندا اے۔تے سیموئیل نیں یسّیؔ نُوں آکھیابندے گھل پئی اوہنوں ساڈے کول لیاؤن ۔کیوں جو اسیں کھان دی تھاں تے نئیں بیٹھان گے جدوں تیک پئی اوہ ایتھے آ ناں جاوے۔
12
-تد اوہنے گھلیا تے اوہنوں لیاؤندا تے اوہ لا رنگ شوخ اکھا ں تے ویکھن وچ چنگا سی۔تے رَب نیں آکھیااُٹھ اوہنوںمسح کر کیوں جو اے اوہو ای اے۔
13
-تد سیموئیل نیں تیل دا سینگ لے کے اوہدے بھراواں دے وچکار اوہنوں مسھ کیتا تے اوس دن توں اَگے رَب دا روح داؤد اُتے نازل ہویا۔تے سیموئیل اُٹھیا تے رامہؔ نُوں ٹور پیا۔
14
-تے رَب دی روح ساؤل توں جدا ہوئی تے رَب وَلوں اِک ہور بدروح اوہنوں ستان لگی۔
15
-تد نوکراں نیں ساؤل نُوں آکھیا ویکھ۔اِک بدروح رَب وَلوں تینوں ستاندی اے۔
16
-سو ساڈا آقا اپنے خادماں نُوں جیہڑے تیرے سامنے نیں۔حُکم کرےپئی اِک ایسے بندے نُوں لبھوجیہڑا بربط وجوؤن وچ اُستاد ہووے۔تاں جس ویلے بدروح رَب وَلوں تیرے اُتے چڑھے تے اوہ اپنے ہتھ نال وجائے تے تُوں بحال ہو جائیں۔
17
-تد ساؤل نیں اپنے نوکراں نُوں آکھیا پئی اِک چنگا وجان والا بندہ میرے لئی لبھو تے اوہنوں میرے کول لیاؤ۔
18
-تے درباریاں وچوں اِک نیں آکھیا۔میں بیت لحم ؔ دے یسّیؔ دے پُتر نُوں ویکھیا اوہ چنگا وجاؤندا اے تے اوہ زور آور ،دلیر تے جنگی بندہ اے۔گل کرن وچ چلاک تے سوہنا اے تے رَب اوہدے نال اے ۔
19
-تد ساؤل نیں یسّیؔ دے کول قاصد گھلے تے اوہنوں آکھیا پئی اپنے پُتر داؤد نُوں جیہڑا بھیڑ بکریاں دے نال اےمیرے کول گھل دے۔
20
-تد یسّیؔ نیں اِک کھوتا لیا تے اوہدے اُتے دو روٹیاں رکھیاں تے مے دا مشکیزہ تے بکری دا اِک بچہ تے اوہناں نُوں اپنے پُتر داؤد دے ہتھ ساؤل دےکول گھلیا۔
21
-تد داؤد ساؤل دے کول آیا تے اوہدے سامنے کھڑا ہویا تے اوہنے اوہنوں بڑا پیار کیتا۔تے اوہ اوہدا سلاح بردار ہویا۔
22
-تد ساؤل نیں یسّیؔ وَل گھل کے آکھیا پئی داؤد نُوں میرے کول رہن دے کیوں جو میرا منظور نظر ہویا اے۔
23
- تے اینج ہویا پئی جدوں بھیڑی روح رَب وَلوں ساؤل اُتے چڑھی تے داؤد بربط لیندا تے اپنے ہتھ نال وجاندا تد ساؤل نُوں آرام آؤندا تے اوہ بحال ہو جاندا سی۔کیوں جو بھیڑی روح اوہدے اُتوں اُتر جاندی سی۔