1
-تے سیموئیل نیں ساؤل نُوں آکھیا پئی رَب نیں مینوں گھلیا تاں جو تینوں مَسح کرآں پئی تُوں اہدی قوم اسرائیل اُتے بادشاہ ہوویں ۔تے ہُن رَب دا قول سُن۔
2
-تَب الافواج یُوں فرماندا اے مینوں یاد اےپئی عمالیقؔ نیں اسرائیل ؔ نال کی کیتا۔جدوں اوہ مصر تَوں نکلے تے رستے وچ اوہ کینج اوہناں دے خلاف کھڑا ہویا۔
3
-سو ہُن تُوں جا تے عمالیقؔ نُوں مار ۔تے سب کجھ جیہڑا اوہناں دا اے برباد کر تے اوہناں توں منہ ناں موڑ سگؤں بندیاں تے زنانیاں تے مُنڈیاں تے شِر خواراں تے ڈھگیاں تے بھیڈاں تے اونٹاں تے کھوتیاں نُوں قتل کر۔
4
-تد ساؤل نیں لوکاں نُوں بلایا تے طیلام ؔ وچ اوہناں نُوں گنیا۔سو او ہ دو لاکھ پیادے تے یہودہ دے دس ہزار بندے سَن۔
5
-تے ساؤل عمالیقؔ دے شہر دے نیڑے آیا تے وادی وچ گھات لائی ۔
6
-تے ساؤل نیں قینیاںؔ نُوں آکھیا تُسی جاؤ،نکلو تے عمالیقیاں ؔ دے وچکاروں نکل جاؤتاں جو میں تہانوں اوہناں دے نال مار ناں دیاں ۔کیوں جو تُسی بنی اسرئیل دے نال جدوں اوہ مصر وچوں نکلے مہربانی کیتی سی۔تد قینی ؔ عمالیقیاںؔ دے وچکار وں نکل گئے۔
7
-تے ساؤل نیں عمالیقیاں ؔ نُوں حویلہ ؔ توں لے کے شور ؔ دی حد تیک جیہڑی مصر دے سامنے وے،ماریا۔
8
-تے عمالیقیاں ؔ دے بادشاہ اججؔ نُوں زندہ پھڑیاتے اوہدے سارے لوکاں نُوں تلوار دی دھار نال قتل کیتا۔
9
-پر ساؤل تے لوکاں نیں اججؔ نُوں تے اچھّیؔ بھیڑ بکریاں تے گائیاں تے ڈھگے تے موٹے بچھڑیاں تے بّریاں نُوں تے جو کجھ چنگا سی بچائی رکھیا تے تلف کرنا چاہیاپر ہر اِک چیز نُوں جیہڑی بھیڑی تے نکمی سی برباد کر دِتا ۔
10
-تد رَب سیموئیل نال ہمکلام ہویا تے آکھیا ۔
11
-مینوں دُکھ اے پئی میں ساؤل نُؤں بادشاہ قیم کیتا کیوں جو اوہ میری پیروی توں پھیر گیا تے میرے حُکم تے عمل نئیں کیتا۔تد سیموئیل دُکھی ہویا تے ساری رات رَب دے اَگے چِکیا۔
12
-فیر سیموئیل سویرے اُٹھیا پئی ساؤل نال صبح دے ویلے ملےتے سیموئیل نُوں خبر دِتی گئی تے آکھیا گیاپئی ساؤل کرمِل نُوں آیاتے اپنے لئی اِک تھم گڈیاتے پرتیاتے لنگھ دا ہویا جلجالؔ وچ اپڑیا تے سیموئیل ساؤل دے کول آیا تے ویکھو اوہ مہنگیاں تے اچھیاں شیواں نال جیہڑیاں اوہنے عمالیقیاں ؔ توں لُٹیاں سَن۔ رَب لئی سوختنی قربانی چڑھا رہیا سی۔
13
-جدوں سیموئیل ساؤل دے کول آیا تے ساؤل نیں اوہنوں آکھیا رَب وَلوں تُوں مبارک ہو۔میں رَب دا حُکم بجا لیایا ہاں۔
14
-سیموئیل نیں آکھیا ۔تے فیر ایہہ واج کینج دی اے؟ بھیڈاں دی واج جیہڑی میرے کَن تیک آؤندی اےتے ڈھگیاں دی واج جیہڑی میں سُن دا ہاں ۔
15
-ساؤل نیں آکھیا اوہ عمالیقیاں ؔ توں لیائے نیں ۔کیوں جو لوکاں نیں چنگیاں بھیڈ بکریاں تے گائیاں تے ڈھگیاں نُوں بچائی رکھیا تاں جو رَب تیرے خُدا دے اَگے قربانی کرن پر بچے کُچیاں نُوں اسیں قتل کیتا۔
16
-تد سیموئیل نیں ساؤل نُوں آکھیا بس کر۔جو کجھ رَب نیں اَج دی رات مینوں آکھیامیں تینوں دساں تے ساؤل نیں آکھیا دس۔
17
-سیموئیل نیں ساؤل نوں آکھیا جدوں تُوں اپنی ہی نظر وچ گھٹیا سی۔تے تُوں اسرائیل دے قبیلیاں دا سردار بنایا گیا۔تے رَب نیں اسرائیل اُٹے بادشاہ ہون لئی تینوں مسح کیتا۔
18
-تے رَب نیں تینوں اِک رستے تے گھلیا تے تینوں آکھیا جا تے گنہگار عمالیقیاں ؔ نُوں مار تے اوہناں نُوں قتل کر۔ایتھوں تیک پئی اوہ مِٹ جان۔
19
-سو تُوں رَب دی کیوں ناں سُنی؟ تے تُوں لُٹ وَل دھیان دِتا ۔تے تُوں رب دی نظر وچ بدی کیتی۔
20
-تد ساؤل نیں سیموئیل نُوں آکھیا میں تے رَب دی سُنی تے اوہدی راہ تے چلیا۔جہدے وچ مینوں رَب نیں گھلیا۔تے عمالیقیاں ؔ دے بادشاہ اججؔ نُوں لے آیاہاں۔تےعمالیقیاںؔ نُوں میں ماریا۔
21
-پر لوکاں نیں لُوٹ وچوں بھیڑ بکریاں تے گائیاں بیل جنہاں نوں تلف کرنا سی یعنی چنگےچنگے بچائے رکھےتاں جوجلجالؔ وچ رَب تیرے خدا دے سامنے قربانی کرن۔
22
-تے سیموئیل نیں آکھیا کی رَب نُوں قربانیاں تے ذبیحے اینے پسند نیں جینی رَب دے کلام دی شنوائی ؟ ویکھ اطاعت قربانی توں چنگیا ے۔ شنوائی مینڈھیاں دی چربی توں ودھ اے۔
23
-بغاوت تے جادوگری دے گناہ اِکو جہے نیں تے سرکشی بُتاں دی پوجا وانگ اے ہُن جیویں کے تُوں رَب دے کلام نُوں رد کر دِتا ۔
24
-ساؤل نیں سیموئیل نُوں آکھیا پئی میں گناہ کیتا کیوں جو رَب دے حکم تے تیری گل دی نافرمانی دی ۔کیوں جو میں لوکاں توں ڈریا تے اوہناں دی سُنی ۔
25
-ہُن میرے گناہ نُوں معاف کر ۔تے میرے نال پرت پئی اسیں رَب دے اَگے سجدہ کریئے
26
-تد سیموئیل نیں داؤد نُوں آکھیا میں تیرے نال نئیں جاواں گا۔کیوں جو تُوں رَب دے کلام نُوں رد کیتا اے۔تے رَب نیں تینوں اسرائیل ؔ اُتے بادشاہ ہون توں رد کیتا اے۔
27
-تے سیموئیل پرتن لئی پھیریا۔تے ساؤل نیں اوہدے چوغے دا دامن پھڑیا تے اوہ پھاٹ گیا۔
28
-تد سیموئیل نیں اوہنوں آکھیا رَب نیں تیری سلطنت اسرائیل اُتوں اَج دے دِن چاک کر دِتی ۔تے تیرے گوانڈی نُوں دے دِتی جیہڑا تیرے تَوں چنگا اے۔
29
-تے اوہ جیہڑا اسرائیل دی عظمت اے جھوٹ نئیں بولے گا۔تے نہ شرمندہ ہووے گا۔کیوں جو اوہ انسان نئیں پئی شرمندہ ہووے۔
30
-ساؤل نیں آکھیا میں وڈا گناہ کیتا ۔پر میری قوم دے بزرگا ں دے سامنے تے اسرائیل ایس ویلے میری عزت کر تے میرے نال پرت جا تاں جو رَب تیرے خُدا نُوں سجدہ کراں۔
31
-تد سیموئیل ساؤل دے پیچھے مُڑیا تے ساؤل نیں رَب نُوں سجدہ کیتا ۔
32
-تے سیموئیل ساؤل نیں آکھیا عمالیقیاں ؔ دے بادشاہ اجج ؔ نوں ایتھے میرے کول لیاؤ۔تے اججؔ اوہدے کول خوش ہو کے آیا۔تے اججؔ کہن لگا پئی موت دی تلخی دور ہوگئی۔
33
-پر سیموئیل نیں آکھیا جسراں تیری تلوار نیں زنانیاں وچ تیری ماں بے اولاد کیتی جاوے گی۔تے سیموئیل نیں جلجالؔ وچ رَب دے سامنے اججؔ نُوں ٹُکڑے ٹُکڑے کیتا
34
-تد سیموئیل رامہؔ نوں پرتیاتے ساؤل اپنے گھر نُوں جبعہؔ ساؤل وچ آیا۔
35
-تے سیموئیل فیر اپنی وفات دے دِن تیک ساؤل نُوں ویکھن ناں گیا فیر وی سیموئیل ساؤل لئی غم کھاندا رہیا کیوں جو رَب پچھتایا سی پئی ساؤل نُوں اسرائیل ؔ دا بادشاہ بنایا۔