1
-تے شیطان اسرائیل دےخلاف اُٹھیا ۔تے اوہنےداؤد نُوں اُبھاریا ۔پئی اسرائیل دی گنتی کرے۔
2
-فیر داؤد ؔ نے یوآب ؔ تے لوکاں دے سرداراں نوں آکھیا ۔جاؤ تے بیرِسبعؔ توں لے کے دانؔ تیک اسرائیلؔ دی گنتی کرو۔ تے مینوں سُو ہورے ۔تاں جو میں اوہناں دی گنتی جاناں۔
3
-یوآبؔ نے آکھیا۔پئی اپنے لوکاں نوں جہنے وی او ہے نیں سَو گنا ودھا وے اے میرے مالک بادشاہ ۔کیہ اوہ میرے مالک دے مالک دے نوکر نئیں ؟ سومیرا مالک ایہہ گل کیوں چاہندا اے۔اوہ اسرائیل لئی بھُل دا سبب کیوں بنے؟
4
-پَر بادشاہ دی گل نے یوآبؔ نوں ڈھالیا تے فیر یوآبؔ نکلیا تے سارے اسرائیل وچ پھریا ۔تے فیر یروشیلم وچ پَرتیا۔
5
-تے یوآبؔ سارے لوکاں دی گنتی داؤد کول لے گیا۔تے سارے اسرائیلؔ یاراں لَکھ تلوار چلاؤن والے بندے تے یہودا ہ دے چار لَکھ ستر ہزار تلوار چلوؤن والے بندےسَن ۔
6
-پر لاویاں ے بینجمنیاں نؤں اوہناں دے وچکار گنتی نہ کیتا ۔کیوں جو بادشاہ وی گل یوآبؔ دے نیڑے ٹھیک نئیں سی۔
7
-تے خُد ا دی نظر وچ ایہہ بھیڑی گل سی۔تے اوہنے اسرائیل نوں ماریا۔
8
-فیر داؤد نے خُدا نوں آکھیا پئی ایہہ کم کر کے وڈھا پاپ کِیتا ۔تے ہُن اپنے بندے دی بھُل معاف کر ۔کیوں جو میں بڑی بیوقوفی نال ایہہ کم کِیتا ۔
9
-تے خداوند نے داؤد ؔ دے غیب بین جادؔ نال کلام کر کے آکھیا۔
10
- جا تے داؤد تیرے نال مخاطب ہو کے گل آکھ ۔خداوند ایس طراں فرماندا اے پئی میں تیرے اَگے تِن آفتاں رکھنا آں ۔سو تُوں ایناں وچوں اِک مَل لے ۔تے میں تیرے تے نازل کرآں گا۔
11
-فیر جادؔ داؤد کول آیا تے تے اوہنوں آکھیا۔خداوند ایہہ فرماندا تُوں مَل لے ۔
12
-پئی تِن ورھے دا کال ہووے یا تِن مہینے تُؤں اپنے دُشمناں اَگے نس دا رہویں تے تیرےدُشمناں دی تلوار تینوں جا پحرے ۔یا تِن دیہاڑے جہدے وچ دی تلوار یعنی بیماری دھرتی تے ہووے ۔خداوند دا فرشتہ اسرائیلؔ دیاں ساریاں سرحداں وچ فنا کرے۔ہن ویکھ میں اپنے گھلن والے نُوں کیہ جوب دیاں۔
13
-داؤد نے جاد نوں آکھیا پئی ایہہ کم میرے لئی بوہت اوکھا اے۔مینؤں خدا دے ہتھ وچ پین دے ۔کیوں جو اوہدیاں رحمتاں بوہت زیادہ نیں ۔تے میں بندیاں دے ہتھاں وچ نہ پَواں۔
14
-فیر خداوند نے اسرائیل وچ بیمار ی گھلی تے اسرائیل وچ ستر ہزار بندے مر گئے ۔
15
-تے خدا نے اِک فرشتہ یروشلیم وَل گھلیا تاں جو اوہنوں فنا کرے۔جدوں برباد کر رہیا سی تے خداوند نے ویکھیا تے تبائی تے رحم کھاہدا تے فرشتے نوں آکھیا بس ۔اپنا ہتھ روک ۔تے خداوند دا فرشتہ ارنان یبوسی دے کھتّے دے نیڑے کھلو گیا۔
16
-تے داؤد نے اپنیاں چۃکیاں تے خدا دے فرشتے نوں دھرتی تے آسمان دے وچکار کھلوتا ویکھیا ۔پئی اوہدے ہتھ وچ کھچی ہوئی تلوار یروشلیم تے ودھی ہوئی اے۔فیر داؤد تے اوہ بزرگ جیہڑے ٹاٹ پائے ہوئے سن۔مودڑے مُنہ ڈِگے۔
17
-داؤد نے خُداوند نؤں آکھیا ۔کیہ میں ای نئیں ساں جنہے لوکاں نوں گنتی کرن دا حکم دِتا؟ تے میں ای اے بھُل کیتی تے بریائی کیِتی /پَر ایناں بھیڈا ں نے کیہ کِیتا ؟سو اے خداوند میرے خُدا تیرا ہتھ میرے خلاف تے میرے پیو دے ٹبر دے خلاف ہووے نہ پئی تیری قوم دے خلاف پئی تُوں اوہناں نوں ماریں۔
18
-تے خداوند دے فرشتے نے جادؔ نوں حکم دِتا پئی داؤد نون آکھے پئی جاوے تے ارناں یبوسی دے کھتے وچ خداوند لئی قربان گاہ بنائے ۔
19
- فیر جادؔ دے وعدے دے بموجب جیہڑا اوہنے خداوند دے ناں توں آکھیا سی داؤد گیا۔
20
- جدوں ارنان نے اُتاں ویکھیا تے فرشتے نوں ویکھیا ۔اوہ تے اوہدے چارے پُتر لُک گئے ۔کیوں جو اوس ویلے اوہ کنک کٹ رہیا سی۔
21
-جدوں داؤد ارنان دے کول آیا تےارنان نے اَکھاں کھولیاں تے داؤد ؔ نُوں ویکھیا تے اپنے کھتے وچن باہر نکلیا ۔تے دھرتی مُنہ رکھ کے تے داؤد ؔ نوں سَجدہ کِیتا ۔
22
-داؤد ؔ نے ارنانؔ نوں آکھیا پئی ایہہ کھتے دی تھاں مینؤں دے دے۔تاں لوکاں وچ بیماری نہ ودھے۔
23
-ارنانؔ نے داؤد نوں آکھیا ۔لے لے ۔ تے میرے مالک بادشاہ دی نظر وچ جو چنگا ہووے او کرے۔ویکھ میں ڈھگیاں نؤں ساڑ ن والی قربانی لئی تے داؤد دا سامان بالن لئی کنگ نذر لئی دیناں ۔میں ایہہ کجھ خوشی نال دیناں ہاں۔
24
-داؤد بادشاہ نے اَرنان نوں آکھیا ۔بالکل نئیں میں تیرے کولوں پورے مُل نال لَواں گا ۔کیوں جو تیرا اے میں اوہنوں خداوند لئی نئیں لَواں گا۔پئی مُفت ساڑن والی قربانی چڑھاواں ۔
25
-تے داؤد نے اوس تھاں دے ابرے ارنانؔ نوں چھ سَو مِثقال سیونا تول کے دِتا ۔
26
-تے اوتھے داؤد نے خداوند لئی قربان گاہ بنائی۔تے ساڑن والیاں قربانیاں تے سلامتی دیاں قربانیاں چڑھایاں ۔تے خداوند نوں پُکاریا۔تے اوہنے ساڑن والی قربانی دی قربان گاہ تے آسمان تَوں اَگ گھل کےجواب دِتا۔
27
-تے خداوند نے فرشتے نون حکم دِتا تے اوہنے اپنی تلوار مِیان وچ پالی۔
28
-اوس ویلے جدؤں داؤد نے ویکھیا ۔پئی خداوند نے ارنان ؔ یبوسی دے کتھے وچ اوہنوں جواب دِتا سی۔تے اوہنے اوتھے قربانی چڑھائی ۔
29
-کیوں جو خداوند دا گھر جیہڑا موسیی نے اُجاڑ وچ بنایا تے ساڑن والی قربانی دی قربان گاہ دونیوں اوس ویلے جبعونؔ دی اُوچی تھاں تے سَن۔
30
-تے داؤد اوتھے خُدا توں دُعا کرن نہ جا سکیا ۔کیوں جو او خداوند دے فرشتے دی تلوار اَگوں ڈر گیا۔