1
-تے اینج ہویا پئی ورھے دے ختم ہون تے بادشاہواں دے جنگ تے جان دے ویلے یوُآب ؔ فوج سگوں بہادر لشکر اکٹھا کر کے لے گیا ۔تے بنی عمونؔ دا دیس فنا کِیتا تے آکے ربّہؔ نوں گھیریا ۔تے اوہنوں ڈھا دِتا ۔
2
-تے داؤد تے ملکومؔ دا تاج اوہدے سِر توں لا دِتا ۔تے اوہدا بھار سیوے دا اِ ک قنطار سی۔تے اوہدے وچ مہنگا پتھر لگا ہویا سی۔تے اوہ داؤد دے سر تے رکھیا گیا تے شہر وچوں بوہت لُٹ دا مال کڈھیا۔
3
-تے اوہنے اوتھے دے لوکاں نوں باہر کڈھ دِتا ۔تے اوہناں نوں آریاں تے لوہے دہینگاں تے کہواڑیاں دے کم تے لگایا ۔تے داؤد نے اینج ای بنی عمون ؔ دے س شہران نال کِیتا تے فیر ای داؤد تے سارے لوک یروشلیم نوں واپس آئے۔
4
-ایہدے بعدوں اینج ہویا پئی جازرؔ وچ فلسطینیاں ؔ نال لڑائی شروع ہوئی ۔جہدے وچ حوساتیؔ سبّکی تے سفّی رفائیم ؔ دی اولا د وچون اِک سفائی نؤں قتل کِیتا ۔تے او ہ ڈھے پے۔
5
-تے فلِسطینیان ؔ نال فیر لڑائی ہوئی ۔جہدے وچ یُعور دے پُتر الحنا ؔ نے جاتی جولیت دے بھرا لحمی ؔ نوں قتل کِیتا ۔جہدے نیز ے دی چھڑ جولاہے دے شہتیر وانگر سی۔
6
-تے حتؔ وچ اِک لڑائی ہوئی ۔اِک لمے قدوالا آدمی سی ۔جہدیاں چووی انگلیاں سَن یعنی ہتھاں دیاں چھ چھ تے پیراں دیآں چھ چھ ۔تے او وی رفائیم ؔ دی اولاد وچوں سی۔
7
-اوہنے اسرائیل ؔ نؤں ڈانٹ ڈپٹ کیتی تے ڈاؤد دے بھرا سمعیٰؔ دے پُتر یونتن ؔ نے اوہنوں مارسُٹیا ۔
8
- ایہہ حت وچ رفائیم دی اولاد سَن۔