1
-تے داؤد نے آکھیا۔خداوند خُدا دا اے ای گھر اے تے اسرائیل ؔ لئی ایہو ساڑن والی قربانی دی قربان گاہ اے۔
2
- تے داؤد ؔ نے حکم دِتا پئی سارے پردیسی جیہڑے اسرائیل دے دیس وچ نیں ۔اکٹھے کیتے جان ۔تے اوہنے پتھر تراشن والے مُقرر کِیتے ۔پئی خُدا دا گھر بناؤن لئی مُربّع پتھر تراشن۔
3
-تے داؤد نے بوہیاں دے پلیاں دے کلاں تے قبضیاں لئی بوہت لویا تے بوہت پیتل وزن تَوںودھ کے تیار کیِتا ۔
4
-تے دیودار دے لٹھے گنتی تَوں زیادہ ۔کیوں جو صیدونیوں تےصوریوں نے دیوار دی لکڑی بہتات نال داؤد دے کولل گھلی ۔
5
-تے داؤد نے آکھیا ۔پئی سیلمان میرا پُتر اجے چھوٹی عمر تے ناتجربہکار اے تے گھر جیہڑا خداوند لئی بنایا جائے گا۔ساری دھتی تے بڑا شہر ت والا تے وڈھی شان والا ہووے گا ۔تے میں اوہدے لئی تیاریاں کراں گا۔تے داؤد نے اپنی مرن تَوں پہلاں بوہت تیاری کیتی۔
6
-فیر اوہنے اپنے پُتر سُلیمان ؔنوں سدیا ۔تے اوہنؤں حکم دِتا ۔پئی خداوند اسرائیل دے خُدا لئی گھر بنا۔
7
-تے داؤد نے سُلیمان نوں آکھیا ۔اے میرے پُتر میرے دِل وچ سی پئی میں خداوند اپنے پئی اِک گھربناواں ۔
8
-پَر خُدا دا کلام میرے تیک پہنچیاپئی تُوں بہتات نال خون وگایا اے تے بڑیاں لڑیاں نے۔سو میرے ناں لئی گھر نہ بناویں گا ۔ایس لئی تُون دھرتی تے میرے اَگے بوہت خون وگایا۔
9
-ویکھ تیرا اِک پُتر جمے گا ۔جیہڑا صلح جُوبندہ ہووے گا ۔کیوں جواوہ صاحب ِ صلح کہلوائے گا۔تے میں اوہدے دیہاڑاں وچ اسرائیل نوں صلح تے امن بخشاں گا۔
10
-تے اوہ ای میرے ناں لئی گھر بنائے گا۔تے اوہ میرا پُتر ہووے گا تے میں اوہدا پیو ہواں گا تے اوہدی بادشاہی دے تخت نوں اسرائیل تےسدا قائم رکھاں گا۔
11
-سو اے میرے پُتر خداوند تیرے نال ہووے ۔پئی تُوں اُچا ہوویں تے خُدا وند اپنے خُدا دا گھر بنائیں ۔جینج پئی اوہنے تیرے بارے آکھیا ۔
12
-خُداوند تینوں حکمت تے دانائی بخشے تاں جو تُو اسرائیل تے حکمرانی کر سکیں تے خدواند اپنے خدا دی شریعت تے عمل کر سکیں۔
13
-فیر تُوں اُچا ہویں گا۔جدوں تُوں اوہناں قانوناں تے شریعت نؤں یاد رکھیں ۔تاں جو اوہدے تے عمل کرے ۔جنہاں دے بارے خُداوند نے اسرائیل دے بارے موُسٰی نوں حکم دِتا ۔سو پکا ہو تے ہمت بَن تے نہ ڈر تے خوف نہ کر۔
14
-تے ویکھ میں بڑی محنت نال خُداوند دے گھر لئی اِک لاکھ قنطار سیونا تے دَس لَکھ قنطار چاندی تیار کیتی اے تے پیتل تے لویا بہتات نال بے حساب تے لکڑی تے پتھر وی تیار کیتے نے تے توں اوہناں تے ہور زیادہ کرنا۔
15
-تے تیرے کول بہت کاریگر ۔پتھر تراش تے پتھر تے لکری تے بوٹے پان والے تے ہر ِک گل وچ تجربہ کار کم کرن والے حاضر نیں۔
16
-سیونا تے چاندی تے پیتل تے لوہے وچ جنہاں دا شمار نئیں تے تؤُں اُٹھ تے کم کر تے خُدا وند تیرےنال ہووے گا۔
17
-تے داؤد نے اسرائیل دے سارے سرداراں نوں حکم دِتا تے اوہدے پُتر سُلیمان ؔ دی مدد کرن ۔
18
-تے آکھیا کیہ خداوند تواڈا خُدا تواڈے نال نئیں ؟پئی اوہنے تہانوں ہر پاسیوں آرام دِتا تے اوہنے ایس دیس دے رہن والیاں نوں میرے ہتھاں وچ دے دِتا تے خُداوند دے اَگے تے اوہدے لوکاںدے اَگے اوہ دیس تے غالب آیا اے۔
19
-ایس لئی تُسی اپنے دِلاں تے اپنیاں جاناں نوں خداوند اپنے خُدا لئی لبھن وچ دھیان کرو تے اُٹھو تے خداوند اپنے خُدا دے گھر نوں اُسارو۔تاں جو خداوند دے عہد دے صندوق تے خُدا دے پاک بھانڈیاں نوں اوس گھر وچ تھاں دیو۔جیہڑا خداوند دے ناں لئی بنایا جاوے گا۔