1
-تے اوہنے داؤد دے شہر وچ آپنے جوگی گھر بناوے ۔تے سارے صندوق جوگی اِک تھاں تیار کیتا ۔تے اوہدے جوگی اِک تنبو گڈ یا۔
2
-تد داؤد نے آکھیا پئی لاویاں نُوں چھڈکے رب دے صندوق نؤں کوئی نا چُکے ۔کیوں جو خداوند نے آکھیا اوہناں نوں رب دا صندوق چُکن تے ہمیشاں تیک اوہدی خدمت کرن جوگی چُنیا اے۔
3
-تے داؤد نے اسرائیل نوں یروشلیم وچ کٹھا کیتا ۔تاں جو خداوند دے صندوق نوں او س تھاں وچ لے آؤن ۔جیہڑا اوہنے اوہدے جو گی تیار کیتا سی۔
4
-تے داؤد نے بنی ہارون تے لاویاں نوں کٹھا کیتا ۔
5
-تے اوہ ایہہ سن ۔بنی قہات وچوں اوری ایل سرپنچ تے اوہدے بھرا اِک سَو ویہہ۔
6
-تے مراری وِچوں عسایاہ سرپنچ تے اوہدے بھرادو سَو ویہہ۔
7
-تے بنی جیرشوم وچوں یوئیل سرپنچ تے اوہدے بھرا اِک سَو تریہہ۔
8
-تے بنی الی صافان وچوں شمع یاہ شرپنچ تے اوہدے بھرا دو سَو۔
9
- تے بنی حبرون وِچوں الی ایل سرپنچ تے اوہدے بھرا اسی ۔
10
- تے بنی عُزی ایل وِچوں عمی ناداب سرپنچ تے اوہدے بھرا اِک سَو بارھا۔
11
-تے داؤد نے صادوق تے ابی یاتار کاہناں تے اوری ایل تے عسایاہ تے یوئیل تے شمع یاہ تے الحاایل تے عمی ناداب لاوِیاں نوں سدیا۔
12
-تے اوہناں نُوں آکھیا پئی تُسی لاویاں دے جدی سرپنچ اوہ۔اخیر تُسی اپنے آپ نوں اپنے بھراواں سنے پاک کرو۔تاں جو خداوند اسرائیل دے رَب دے صدوق نوں اوس تھاں تے لے آؤ جیہڑا اوہدے جوگی تیار کیتا گیااے۔
13
-جد تُسی پہلی واری اوہنوں ناچُکیا تاں خداوند ساڈا خدا ساڈےاُتے دس پئیا ۔کیوں جو اسی شریعت دے حساب نال اہودے منگتے نہ ہوئے سی۔
14
-تد کاہناں تے لاویاں نے اپنے آپ نوں پاک کیتا ۔تاں جو خداوند اسرائیل دے رَب دے صدوق نوں لئیاؤن ۔
15
-تے بنی لاوی نے رَب دے صدوق نوں ڈنڈیاں نال اپنے موہڈیاں اُتے چُکیا ۔جیویں پئی موسیٰ نے خداوند دے آکھے دے پاروں حُکم دِتا سی۔
16
-تے داؤد نے لاویاں دے سرپنچاں نال گل کیتی ۔پئی اپنے بھرانواں وچوںموسیقی دے سازاں ونجھلیاں تے بربطاں تے کھنجریاں نال گاؤن والے مِتھن ۔تآں جو خوشی دا شور اُچّا ہووے۔
17
-تد لاویاں نے یوئیل دے پُتر ہیمان نُوں مِتھیا ۔تے اوہدے بھرانواں وچوں بارکیاہ دے پُتر آساف نون اوہدے بھرانواں بنی مراری وچوں قوسیاہ دے پُتر دے پُتر ایتان نوں۔
18
-تے اوہناں دے نال اوہدے بھرا دوُجے درجے دے ۔زکریاہ تے بحری ایل تے شمیراموت تے یحی ایل ؔتے عُنی ؔتے الی آبؔ تے بنایاہؔ تے معسی یاہؔ تے متت یاہؔ تے الی فلی یاہؔ تے مقنی یاہؔ تے عوبید ادوم ؔتے یعی ایلؔ دربان ۔
19
-اخیر ہیمان ؔ تے آساف ؔ تے ایتان ؔ پِتل دیاں کھنجریاں دے نال گاؤن والے سن۔
20
-تے زکریاہ تے عزی ایل تے شیمرا موت تے یحی ایل تے عُنی تے الی آب تے معسی یاہ تے بنایاہ اُچی سُر دے نال ۔
21
-تے متت یاہ تے الی فلی یاہ تے مِقنی یاہ تے عوبید ادوم تے یعی ایل تے عززیاہ بربطاں نال تھلڑی سُر نال گیت گاؤندے سن۔
22
-تے گاؤن وچ لاویاں دا سرپنچ کِنن یاہ گاؤنا سکھا ؤنداسی۔کیوں جو اوہ گاؤن وچ اُستاد سی۔
23
-تے بارک یاہ تے اِلقانا صندوق دے دربان سن۔
24
-تے شبن یاہ تے اِلقانا صندوق دے دربان سن۔
25
-تے داؤد تے اسرائیل ؔ دے وڈے وڈےوڈیرے تے ہزاراں دے سرپنچ روانا ہوئے ۔تاں جو خداوند دے عہد دے صندوق نُوں عوبید ادوم دے گھر وچوں خوشی مناؤندے ہوئے لیاؤن ۔
26
-تے جد رب نے اوہناں لاویاں دی مدد کیتی جیہڑے خداوند دے عہد دے صندوق نُوں چُکن والے سن،تاں اوہناں نے ست ڈھگے تے ست بھیڈو ذبح کیتے۔
27
- تے داؤد تے سبھے لاوی صندوق دے چُکن والے تے گاؤن والے تے کنن یا گاؤن والیاں اُٹے اِک دا سرپنچ کتان دے کپڑے پائے ہوئے سی۔تے داؤد نے کتان دا افود وی پایا سی ۔
28
-تے سبھے اسرائیل واجاں مار دے ہوئیاں تُرہیاں تے نرسینگیاں تے کھنجریاں دی واج نال ونجھلیاں تے بربطاں وجاؤندیاں ہوئیاں خداوند دے عہد دے صندوق نُوں لیائے۔
29
-تے جدؤں خداوند دے عہد دا صندوق داؤد دے شہر وچ وڑیا تاں مِیکل ساؤل دی دھی نے باری وچؤں جھانکیا تے داؤد بادشاہ نُوں نچدایاں تے کھیڈدیاں ویکھیا ۔تاں اوہنے اپنے دل وچ اوہدی قدر نا کیتی۔