¹ ۔ تے اوہ صندوق نوں اندر لیائے تے اوہنوں اوس سو دے وِچکار رکھیا جیہڑا داؤد ؔ نے کھلاریا سی۔ تے اوہناں نے سوختنی قُربانیاں تے سلامتی دے ذبیحے خُدا دے اگے چڑھائے ۔ ² ۔ تے جیدوں داؤدؔ سوختنیاں قُربانیاں تے سلامتی دے ذبیحیاں توں ویہلا ہویا تے اوہنے لوکاں نوں خداوند دے نا تے برکت دِتی ۔ ³ ۔ تے اوہنے سارے اسرائیل ؔ دے ہر بندے تے زنانی نوں اِک اِک روٹی تے گوشت دی اِک اِک بوٹی تے کشمش دی اِک اِک ٹِکی ونڈی ۔ ⁴ ۔ تے اوہنے لاویاں ؔ چوں کیئاں نوں خداوند اسرائیل ؔ دے خُدا دی خِدمت کرن لئی مُقرر کیتا ۔ تاں جو خداوند اسرائیل ؔ دے خدا دا ناں لین تے شُکر تے حمد کرن ۔ ⁵ ۔ آسفؔ سردار تے دوسرا زکریاہ ؔ فیر یعی ایل ؔ تے سمیر اؔ موت تے یحیئل ؔ تے متیاہ ؔ تے الیابؔ نے بنایاہ ؔ تے عوبید ادومؔ تے یعی ایل ؔ ستار تے بربط دے نال آسف ؔ کھنجریاں نال زور زور نال وجاندا سی۔ ⁶ ۔ تے بنایاہ ؔ تے یحزئیل کاہن سدا عہد دے صندوق اگے نرسنگے وجاندے سَن ۔ ⁷ ۔ اوسے دیہاڑے داؤد نے آسفؔ تے اوہدے بھرانواں نوں پہلی واری " خُداوند دی حمد " دا گیت گان لئی آکھیا ۔ ⁸ ۔ خُداوند دا شُکر کرو۔ اوہدے ناں نوں پُکارو۔ قوماں چہ اوہدے کماں دا بیان کرو ۔ ⁹ ۔ اوہدا گیت گاؤ ۔ اوہدی حمد سُناؤ ۔ اوہدے سبھّ ے نرالے کماں نوں مشہور کرو ۔ ¹⁰ ۔ اوہدے پوتریاں تے فخر کرو۔ اوہدے طالباں دے دِل خوش ہون ۔ ¹¹ ۔ خداوند تے اوہدی طاقت نوں بلاؤ۔ ہر ویلے اوہدے مُکھڑے نوں لبھو ۔ ¹² ۔ اوہدے نرالے کم یاد رکھو۔ جیہڑے اوہنے کیتے ۔ اوہدے نشاناں تے موُنہہ دےحُکم۔ ¹³ ۔ اوہدے بندے اسرائیل دی نسل اوہ اوہدی برگزیدہ د ی اولاد ۔ ¹⁴ ۔ اوہو ای خدا وند ساڈا خدا اے ۔ ساری دھر تی تے اوہدے حکم چل دے نیں ۔ ¹⁵ ۔ اوہو سدا تیِک اپنے عہد نوں یاد رکھ دا اے ۔ اوہ کلام اوس نے ہزار پُشتاں دے کئی فرمایا ۔ ¹⁶ ۔ اوہو عہد اوہنے ابرہامؔ نال بنھیا۔ اوہو سونہہ جیہڑی اوہنے ضحاق ؔ نال کھاہدی ۔ ¹⁷ ۔ جیہڑا اوہنے یعقوب ؔلئی قانون بنھیا تے اسرائیل ؔ دے لئی سدا عہد رکھیا ۔ ¹⁸ ۔ جیدوں آکھیا پئی میں کنعانؔ دا دیس تینوں دیواں گا ۔ تاں جو تُہاڈی میراث دا حصہ ہووے ۔ ¹⁹ ۔ جِس ویلے تُسیں گنن چہ گھٹ سگوں بوہت ای گھٹ سو تے اوس دیس چہ پردیسی ۔ ²⁰ ۔ جیدوں اوہ ۔ اِک قوم دوُجی قوم چہ تے اِک دیس چوں دوُجے دیس چی پھِر دے سی ۔ ²¹ ۔ تے اوہنے کسے بندے نوں اوہناں تے ظلم ناں کرن دِتا ۔ سگھوں اوہناں دے لئی بادشاہواں نوں جھڑکیا ۔ ²² ۔ پئی " میرے ممسوحاں نوں ہتھ ناں لاؤ۔" تے میرے نبیاں نوں کوئی نُقصان ناں پنچاؤ۔ ²³ ۔ ائے سای دھرتی خداوند دے لئی گاؤ دِن بدن اوہدی نجات خوش خبری دیو ۔ ²⁴ ۔ قوماں چہ اوہدی بزُرگی دا سبھ لوکاں چہ اوہدے نِرالے کماں دی ٹَل کرو ۔ ²⁵ ۔ کیوں جو خُداوند وڈا اے تے وڈی ستایش دے لائق اے ۔ سبھّے معبوداں توں بُہتا خوف والا اے ۔ ²⁶ ۔ کیوں جو قوماں دے سبھ معبود نکمے نیں پَر خُداوند نے اسماناں نوں بنایا اے ۔ ²⁷ ۔ وڈیائی تے حشمت اوہدے اَگے نیں ۔ زور تے خوشی اوہدے کول نیں ۔ ²⁸ ۔ او قوماں دے گھرانیو! خُداوند دے نال ٹُرو خُداوند دی حشمت تے زور نال جُڑو۔ ²⁹ ۔ خداوند نوں اوہدی وڈیائی دے نال ای جوڑو ہدیہ لیاؤ تے اوہدے اگے حاضر رؤ۔ ³⁰ ۔ او ! ساری دھرتی ۔ اوہدے توں کمبدی رؤ۔ اوہنے دُنیا قائم کیتی اے پئی اوہ ہِلے ناں۔ ³¹ ۔آسمان خُوش ہون تے دھرتی خُوش ہووے قوماں دے وچکار منادی کرو پئی خداوند بادشاہی کردا اے ۔ ³² ۔ سمندر تے اوہدا جوش روَلا پاوے میدان جو کُجھ اوہناں دے وِچ اے خوشی کرن ۔ ³³ ۔ تدھ جنگل دے درخت اوہدے اگے گاؤن گے کیاں جو اوہے دُنیا دی عدالت کرن آ رئیا اے ۔ ³⁴ ۔ خداوند دا شُکر کرو کیوں جو اوہو نیک اے کیوں جو اوہدی رحمت سدا تیِک اے ۔ ³⁵ ۔ تے آکھو ! ساڈے چ ساڈے چھُٹکارے دا خدا ساہنوں چھٹکارہ دے تے ساہنوں کٹھیاں کر تے قوماں تے ساہنوں چھُڈا لے ۔ تاں جو اسیں تیرے پاک ناں دا شُکر کرئیے تے للکار دے ہوئے تیری ستایش کریئے۔ ³⁶ ۔ خُداوند اسرائیل ؔ دا خُدا ہمیشاں توں ہمیشاں تیِک مُبارک ہووے ۔ تے اوہ سبھّے لوک آکھن لگے ۔ آمین۔ تے اوہناں خُداوند دی ستائش کیتی ۔ ³⁷ ۔ فیر اوہنے اوتھے خداوند دے عہد دے صندوق دے اَگے آسفؔ نے اوہدے بھراواں نُوں چھُڈایا۔ تان جو اوہ صندوق دے اگے دن بدندے کم دے مُطابق کرن ۔ ³⁸ ۔ تے عبید ادوم ؔ سنھّے اپنے اٹھاٹھ بھراواں دے تے یدتوں ؔ دا پُتر عبید ادومؔ تے حوسہؔ رکھوالے بنا دِتے گئے ۔ ³⁹ ۔ تے صدوق کاہن ؔ تے اوہدے کاہن بھرا خُداوند دے مسکن دے اُچی تھاں تے جیہڑا جیعون ؔ وِچ اے ۔ ⁴⁰ ۔ تان جو سوختنی قُربانی دے مذبحے تے سویرے تے شامیں سدا خُداوند دے لئی قُربانیاں چڑھان ۔ ایس طرحاں ای جو سبھ خُداوند دی شریعت چہ لِکھیا اے ۔ ⁴¹ ۔ تے اوہناں دے نال ہیمان ؔ تے یدتونؔ نے باقی چُنے ہوئے بندے جنہاں دے ناں دسے گئےتے خُداوند دی ستائش کرن پئی اوہدی رحمت سدا تیِک اے ۔ ⁴² ۔ تے ہیمان ؔ تے یدتون ؔ نے نرسنگا وجایا تے اوہنے بنی یدتون ؔ نوں رکھوالا بنا دِتا ۔ ⁴³ ۔ فیر سارے لوک اپنے اپنے گھر ٹُر گئے تے داؤد پَرتیا پئی اپنے خانوادے نُوں برکت دیوے۔