1
۱۔ڄݙے پربھو یسوع گݨھے منکھاں رو رش ݙیٹھو تو او (پہاڑ) جبل تے چھڑھ گیوجݙے او اوتھے بیخ گیو تو اوے را چیلا اوے کوڈھیا آیا۔
2
۲۔او آپ رو مُکھ کھولو آݨ اوئاں ناں تعلیم (سٻدھ) ݙیوݨ لاگو، اوے کہیو۔
3
۳۔دھن ہے او منکھ جکو دل را غریب ہے کیانکہ او آکاش ری راجائی اوئاں ری ہے۔
4
۴۔ دھن ہے او منکھ جکوݙیکھیاہے کیانکہ او سُکھ میں ہوخے۔
5
۵۔ دھن ہے او منکھ جکو نیماݨو ہے کیانکہ اودھرتی را وارث ہوخے۔
6
۶۔دھنہے اوجکو بھلائی را بوکھیا آݨ ترخیا ہے کیانکہ او انند پاخے۔
7
۷۔دھن ہے او جکو ترخوند ہے اوے ماتھے ݙایا کی جاخے۔
8
۸۔ دھن ہے او جکو اچھے دل را ہے کیانکہ او ایشور ناں جوخے۔
9
۹۔ دھن ہےاوجکوٻیڑوڑا ناں ٹھاوی کیانکہ ایشور را ݙیکرا کہلاخے۔
10
۱۰۔ دھن ہے او جکو بھلائی ری وجہ خاں ختایا گیا کیانکہ آکاش ری راجائی اوئاں ری ہے۔
11
۱۱۔ دھن تھیں ہو جکومہارے خاطر تھاناں بے عزیت کرئں تے تھاناں ختاوی آݨ ہر ھیک بری باتاں تھارے باروکہیں آݨ کوڑا ݙوھو تھاناں تے لگاوی۔
12
۱۲۔ راضی آݨ خوشی ہوے کیانکہ آکاش ماتھے تھارے پگا کݨھو اجر (ثواب) (پھل) (دھرم) کیانکہ ائیے پگا منکھ سنتاں نا وی ستایوہتو، جکو تھاں خاں پہلی ہوتا۔
13
۱۳۔تھیں دھرتی رو لوݨ ہو جے لوݨ رو مزو جاتورہے تو کئی چیزخاں نمکین کیو جاخے؟ او کیݙھے ہی خراب لوݨ استعمال کونی ہوتو خواے اوے لوݨ نا ٻاہر ناکھیو جاوے، جکو منکھاں رے پگاں رے نیچاں لیتاڑیو جاخے۔
14
۱۴۔ تھیں جگت رو ݙیو ہو او شہر جکو پہاڑ تے بخایو گیو ہے لوکایو کونی جا سگتو۔
15
۱۵۔ نی لوک بتی ٻاݪ ری اوے ناں اوݙھی رے نیچاں راکھی، بتی ٻاݪ آݪھیے میں راکھی ائیے پگا کے گھر میں اُجاݪو ہوئے۔
16
۱۶۔ تھیں آپ رو اُجاݪو منکھاں رے خامے چمکاؤ،تاکہ تھارا بھلا اعمال جو را تھارے اوے ٻاپ ری بݙائی کرے جکو آکاش ماتھے ہے۔
17
۱۷۔اے نی خوچیا کہ ہوں سریعت(دھرم) آݨ سنتاں رے کتاباں ناں ختم کرݨ آیوہاں ہوں اوواں ناں ختم کونی اُوے ناں پورو کرݨ آیو ھاں۔
18
۱۸۔ ہوں تھاں ناں خیچی کہیں جیتی تک آکاش تے دھرتی تݪ نی جاوے سریعت (دھرم) رو ھیک وی نقطو آݨ شوشہ توریت خاں ٹݪ کونی خگتو، جیتری تک او پورونی ہوجاوے۔
19
۱۹۔ائیے پگا جو کوئی حکماں میں خاں کوئی وی گھٹ کرخے تے اییڑی پرچار کرخے آخر او ایشور ری راجائی میں نیچ کہلاخے، آݨ جکو ایشور آدیشاں (حکماں) ری پیرؤائی کرخے تے اوے ری پرچار کرخے او ایشور ری راجائی میں موٹو ہوخے۔
20
۲۰۔ہوں تھاناں کہیں وہ کے جیتی تک تھاری بھلائی فریسیاں رے گرواں (علما) ری بھلائی خاں گݨھی نی ہوے اوتی تک آکاش ری راجائی میں کونی آخیگو
21
۲۱۔ تھیں سݨ چکا ہو کے پرانے وقت (ٹائم) میں کہیو گیوں ہے کہ تیھں قتل نی کرو جکو قتل کرخے او انصاف رے پگا عدلت کچاری میں جاخے۔
22
۲۲۔ آݨ ہوں تھاناں کہیں او جو کوئی آپ رے بھائی خاں ریخایو ڑو ہے۔ او عدلت رے گٹھ میں ہوخے، آݨ جو کوئی آپ رے بھائی ناں کہے کے اے نکمومنکھ ہے او ہی عدلت میں ہوخے آݨ جکو آپ رے بھائی ناں بےوقوف سمجھے اونرگ رے باخݙھے رو مقرارہے۔
23
۲۳۔ تو خجݪئیے تے بیخ بھاوی بدھاوے آݨ تنا یاد آوے کے مہارے بھائی ناں میں ریخایوڑو ہے
24
۲۴۔ اورے دل میں ڈوکھ ہے۔ تو آپ ری بھاوی خجݪیئے ناں اوتھے ہی چھوڑ ݙے آݨ پہلی جا آپ رے بھائی ناں مناہ پہلی صلاح کر پچھے آپ ری بھاوی بدھار
25
۲۵۔ جکو ہی آپ رے الزام (ݙوھو) لگاوݨ آݪے ناں راضی کرے جݙے توں عدلت رے گٹھ میں جاوے تو مارگ میں ہی اوے ناں مناہ اے نی ہوئے کے او تنا نیات میں نیا گروکڈھے جاوے آݨ تنا نیات (عدلت) رے حوالے کرے نیات تنا ݙوھو لگا تنا قیدخانے میں ناکھے۔
26
۲۶۔ہوں تھاناں سچی کہیں توں اوتھے خاں کڈے ہی ٻاہر کونی آخگو، جیتی تک توں اوے ری ٻاٹی پاݨی نی چک آوے۔
27
۲۷۔ تھیں سݨ اوبھاہو کہیو گیو ہے زنا (بھوگ) نی کریا۔
28
۲۸۔ہوں تھاناں کہیں وہ جکو کوئی پرائی ناری ناں برے خیال (حوس) خاں جوخے او آپ رے دل (من) میں برائی (بھوگ) کر چکوہے۔
29
۲۹۔جے تھاری خاجھڑی آنکھ تھارے پگا تھوڑے رو زیرذہ وی تو تھیں اوے ناں آپ رے بدن خاں کاڈھ ناکھو تھارے پگا اے ٹھیک ہے کیناں کے تھارے بدن خاں ھیک ہی حیخوکاڈھہو جاوخے اے نی ہوئے کہ تھارو خارو بدن نرگ میں نی جاوے۔
30
۳۰۔جے تھارو خاجیڑی ہاتھ خاتمے رو خبب بیݨرے تو اوے ناں آپ بدن خاں الگ کر ݙے کنیاں کے اے تھارے پگا بھلائی ہے تھارو بدن خاں او حیخو نیارو کرݙھینو جاوخے۔
31
۳۱۔ اے ہی کہیو گیوتو جکو آپ ری لوگائی (ناری) چھوڑے (طلاق) آݨ طلاقنامے کاگݙ لکھوݙے۔
32
۳۲۔ پݨ ہوں تھاناں کہیں جکو کوئی آپ ری لوگائی (ناری) غیر مرد رے بھوگ (برائی) خاں خوا کئی ٻیجی وجہ خاں (طلاق) چھوڑخے تو او اوے خاں (برائی بھوگ) زنا کراخے، آݨ جکو اوے خاں باد میں بیاہ کرخے او وی اوے خاں زنا کریئی۔
33
۳۳۔تھیں بار بار سݨ چکا ہو پراݨے ٹائم (وقت) میں اوواں خاں کہیو گیو تو کے تھیں کوڑو خانخ (دیج) نی ݙیا۔
34
۳۴۔پݨ ہوں تھاناں کہیں وہ کےکوڑی دیج (خایخ) نی کھایا نی آکاش ری ، نی دھرتی ری، کنیاں کے اے ایشور رے
35
۳۵۔ پگ ری چوکی ہے نی یروشیلم ری کیناں کے او موٹے راجا رو شہر ہے۔
36
۳۶۔ نی آپ رے شہر ری دیج (خایخ) ݙیا، کنیاں کے تھیں آپ رے ھیکے ٻاݪ ناں وی چیٹو یا کاݪو کونی کر خگتا۔
37
۳۷۔ پر ھاں تھارے باتاں ہاں ری جگہ ہاں ناں ری جگہ ںاں ہووے ایے خاں ذیادو ہر بات برائی ہے۔
38
۳۸۔تھیں سݨ چکا ہوکہیو گیو تو کے آنکھ رے بدلے آنکھ ݙانت رے بدلے ݙانت ۔
39
۳۹۔ پݨ ہوں تھاناں کہیں کے برائی رے بدلے برائی نی کرو ایے بدلے جو کوئی تھاناں تھارے گال ماتھے چماٹ مارے تو تھیں ٻیجوڑو گال وی اورے آگھوکر ݙو۔
40
۴۰۔جے کوئی تھاناں پنچایت (عدالت) میں لے جاوے آݨ تھارو (قیمض) چوݪو اتاوے تو چوݪو بھی ݙے ݙو۔
41
۴۱۔ جے کوئی تھاناں ھیک میل (کوخ) لے جاوݨ تے مجبور کرے تو اورے بھیݪوٻیے میل (کوخ) تک جاؤ۔
42
۴۲۔ جکووی تیں خاں مانگیں اوے ناں ݙے ݙو آݨ جکو تیں خاں اودھار مانگے اوے خاں مانݙو نی موڑ۔
43
۴۳۔ تھیں اے وی سݨ چکا ہو کے آپ رے پاڑے سری خاں پریم راکھو آݨ آپ رے دشمن نفرت۔
44
۴۴۔پݨ ہوں تھاناں اے کہیں کے تھیں آپ رے دشمناں کاں پریم کرو آݨ اوے رے پگا پراتھنا کرو جکو تھاناں تے وی وے۔
45
۴۵۔ تاکہ تھیں ٻاپ را ݙیکرا کہلاو جکو آکاش تے ہے کنیاں کے او آپ رو خورج بھلے آݨ برے تے برابر چمکاوی آݨ او نیا کرݨ آݪہ آݨ بے نیا ماتھے برابر مہیں (بارش) برخاوی۔
46
۴۶۔ جے تھیں اواں خاں پریم کرای تو تھاناں کیڑو (دھرم) ہوخے(صلہ) کی چونگی (محصول)(ٹیکس) لیوݨ آݪہ وی تو اییاں کرای؟
47
۴۷۔جے تھیں صرف آپ رے ہی بھائیاں خاں پریم کرای تو ٻیجاں خاں گݨھو کونی کرتا، اییاں تو غیر قوماں وی کرای۔
48
۴۸۔ ایے خاروں تھاناں کامل ہووݨ چاہجے، جہاں تھارو آکاشی پتا کامل ھے۔