1
۱۔ خبردار آپ ری بھلائی را کام منکھاں ناں بتاؤݨ رے خاروں نی کرو، نی تو ائیے رو تھاناں ایشور ری طرف خاں جکو آکاش ماتھے ہے کوئی صلوکونی ملے۔
2
۲۔ اگر تھیں خرات کرو تو ڈھول باجا نی بجواؤ جاں ریا کار بھگتی گھراں میں آݨ گھٹیاں میں کرئں، کیانکہ منکھ اُوئاں ری تعریف کرے۔ ہوں تھاناں سچ کہیں کہ اُوئاں آپ رواجر لیو رو۔
3
۳۔پݨ جݙے توں خرات کرے جکو تاجو کھاٻڑی ہاتھ کرے تو خاجڑی ہاتھ ناں خٻرنی لاگے۔
4
۴۔ائیے خاروخرات لُک میں ݙنی جاوے پچھے تھاروایشور پتاجکو لُک میں ہے تھاناں جووئی پیو، اوہ تھاناں صلو ݙیخے۔
5
۵۔ آݨ جݙے تھیں دعا کرو تو ٻجے قوماں جیڑھا نی بݨو،کیانکہ او بھگتی گھراں میں آݨ گھٹیاں رے کنڈاں ماتھے ابھیج را دعا کرݨ پخند کرئی۔ کہ منکھ اُوئاں ناں جووے ہوں تھاناں خچی کہیں کہ اُوئاں آپرو اجر لیئو رو۔
6
۶۔ پݨ جݙے تھیں دعا کرو، تو آپری چھپری میں جاؤ، در بند کرو آݨ آپرے ٻاپ خاں دعا کرو جکو لُک میں ہے۔ پچھے تھارو ٻاپ جکو لُک میں جووئی پیو، تھاناں صلوݙیخے۔
7
۷۔ آݨ جݙے تھیں دعا تو غیر قوماں آݪی کار ہیکی بات ناں گھڑی گھڑی نی کہو۔ کیانکہ اُوئاں ری خوچ ہے کہ گھݨے ٻولݨ خاں اُوئاں ری خݨی جاخے۔
8
۸۔ائیے خاروں اُوئاں جیڑھا نی بݨو،کیانکہ تھارو ایشور پتا تھارے مانگݨ خاں پہلی جاݨی کہ تھاناں کہڑی کہڑی چیزاں ری ضرورت ہے۔
9
۹۔ائیے خاروں ایئاں دعا کی کرو، اے مھارا خورگی پتا تو جکو آکاش ماتھے ہے تاجو ناں پویتر مانیو(منیو) جاوے،
10
۱۰۔تاجو راج آوے، تاجی مرجی جاں آکاش ماتھے پوری ہوئی،دھرتی ماتھے پوری ہوئے،
11
۱۱۔مھاری روض ری باٹی آج مھاناں ݙے،
12
۱۲۔ جاں مھیں آپرے قرض آݪاں ناں معاف کرئیں توں مھارا قرض مھاناں معاف کر،
13
۱۳۔مھاناں آزمائش میں نی پڑݨ ݙے، پݨ برائی خاں بچا۔
14
۱۴۔ کیانکہ جاں تھیں آپرے قصور آݪاں ناں معاف کرخو۔ تو تھارو آکاشی پتا بھی تھاناں معاف کرخے۔
15
۱۵۔ پݨ اگر تھیں اُوئاں را قصور معاف نی کرخو تو تھارو آکاشی پتا تھارا قصور کونی معاف کرے۔
16
۱۶۔ ائیے خاں پچھے جݙے تھیں ورت راکھو تو ریاکاراں آݪی کار آپری خورت ناں اُداس نی بݨاؤ۔ کیانکہ او آپری خورت ناں بگاڑئی۔ کیانکہ منکھ اُوئاں ناں ورت راکھݨ آݪا جاݨے۔ ھوں تھاناں خچی کہیں کہ اُوئاں آپ رو اجر اتھے پا چکا۔
17
۱۷۔پݨ جݙے تھیں ورت راکھوتو آپرے ماتھے میں تیل مار آݨ مہانݙو دھوئو۔
18
۱۸۔ کیانکہ منکھ نی، پݨ تاجو پتا تنا لُک میں جووئی پیو، تنا صلو ݙیخے۔
19
۱۹۔ دھرتی ماتھے آپرو دھن بھیݪو نی کرو، جتھے کیڑا آݨ زنگ خراب کرئی آݨ جتھے چور چوری کر جاوی را۔
20
۲۰۔ ائیے خارو آپ رو مال آکاش ماتھے بھیݪو کرو جتھے نی زنگ خراب کرے نی کیڑا کھاوے آݨ جتھے چوروی چوری کونی کر خگتو۔
21
۲۱۔ کیانکہ جتھے تاجو دھن ہے اُوتھے تاجو من وی لاگو ریخے۔
22
۲۲۔ آنکھ بدن رو ݙیئو ہے ائیے رے خارو اگر تھاری آنکھ خہی ہے تو تھارو خارو بدن اجاݪے خاں بھریوڑو ہے ۔
23
۲۳۔ پݨ تھاری آنکھ گندی ہے تو تھارو خارو بدن اندھارے خاں بھریوڑوہے۔ ائیے رے خارو جے اوجاݪونتھاں رے بھیتر ہے اصل میں اندھارو ہی ہے تو اُو اندھارو کیترو گھݨوہے۔
24
۲۴۔ کوئی وی ٻہیاں مالکاں ری سیوا کونی کرخگتو۔ جاں او ہیکے خاں نفرت کرخے، آݨ ٻجے خاں پریم ، آݨ جاں تو اُوہیکے رے بھیݪوریہخے آݨ ٻجے خاں پاخو کرخے۔ تھیں دھن آݨ ایشور ٻہیاں ری سیوا کونی کر خگتا۔
25
۲۵۔ ائیے رے خاروہوں تھاناں کہیں کہ آپ رے جیوݨ ری فکر نی کرو، کہ تھیں کی کھاخو یا کی پیخو، آݨ آپ رے بدن رے بارے میں کہ تھیں کی پہرخو۔ کیانکہ او کھادھے خاں ودھ کونی؟ آݨ بدن گابھاں خاں؟
26
۲۶۔ہوا میں پکھیاں ناں جووہ! نی او باوئی نی باڈھی آݨ نی گودام میں بھیݪو کرئی۔ پݨ تھارو آکاشی پتا اُوئاں ناں کھادھو ݙئی۔ کی تھارو قدر اُوئاں خاں گھݨوں کونی؟
27
۲۷۔ آݨ تھاں میں کُݨ آپری فکر خاں آپرے جیوݨ رو ہیک پل بدھا خگھی؟
28
۲۸۔ آݨ تھیں آپ رے گابھاں رے خارو کیاں پریشان ہو؟ پھخلاں میں نرگس رے پھولاں رے بارے میں خوچو ۔ اوکِکربدھئی پیا۔ نی تو اوکام کرئی۔ آݨ نی اُو گابھا بݨاوَئی۔
29
۲۹۔ پݨ ہوں تھاناں کہیں پیو کہ سلیمان باچھا آپری شان مان میں ائیاں جیڑآ گابھا کونی پہرتوہتو۔
30
۳۰۔اگر ایشور پدھر رے گاھ ناں جکو آج ہے آݨ خوارے تندور میں خاڑیو جاخے۔ ایڑی پوخاگ پہراوئی۔ اے گھٹ وشواس آراں تھاناں کیاں کونی پہراوے۔
31
۳۱۔ کیانکہ پریشان ہُورا اے نی کہو، کہ مھیں کی کھاخاں؟ یا کی پی خاں؟ یا کی پہرخاں؟
32
۳۲۔ کیانکہ ائیاں خارے چیزاں ری فکر میں غیر قوماں رہی۔ آݨ تھارو آکاشی پتا جاݨئی کہ تھاناں آئیاں خارے چیزاں ری ضرورت ہے۔
33
۳۳۔ پݨ پہلی ایشور ری راجائی آݨ اُوے ری خچائی ناں لابھو، تو اے خارے چیزاں تھاناں ݙے جاخے
34
۳۴۔ائیے رے خارو، خوارے ری فکرنی کرو ۔ کیانکہ خوارے ری رو ݙینھں آپ ری فکر آپ کرخے۔ ہر ݙہنھں رے خارو اُوے رو آپرو فکر گھݨو ہے۔