باب۲۶
1
۱۔ جݙے یسوع مسیح اِے شٻدھ پوروکویو،پربھویسوع آپ رے چیلاں ناں کہیو۔
2
۲۔ کی تھیں جاݨیں کہ ٻہیاں ݙھنیاں خاں پچھے عید فسح آوݨ آݪی ہے ۔
3
۳۔پچھے سردار،کاہن آݨ منکھاں را پوڑیا بݙیرا کاہناں رے محل تے بھیݪا ہووا، جکےناں کائفا کہتا ہتا۔
4
۴۔آݨ اُو لُک میں پربھویسوع ناں مارݨ ری خلاہ کرݨ لاگا۔
5
۵۔ اِئیے رے کرے اُو کہتا پیا، منکھاں رے ٻہی خاں کہ ائیاں خاں پھخادھ نی تھئیے رو۔ آݨ اُو عیدفساہ تے ائیاں کونی کرݨ چاہتا ہتا۔
6
۶۔ آݨ جݙے پربھویسوع بیت عنیاہ مین شمعون کوڑی رے گھرے ہتو۔
7
۷۔آݨ جݙے اُو میز رے ٻاہروں ٻٹھو ہوتت ہیک لُوگائی سنگ مرمر مہانگو عطر لے آئی۔ آݨ اُوے پربھویسوع رے ماتھے تے ڈھݪیو۔
8
۸۔ آݨ جݙےپربھویسوع رے چیلاں اِے جویو تو اُوے ریخایا پرا، آݨ کہیو، ائیے ناں کیاں ڈھݪیو ہے۔
9
۹۔اِے مہانگو بیچیوجاونت، آݨ غریٻاں ناں ݙنو جاونت۔
10
۱۰۔ پݨ پربھویسوع اِے جاݨیو، آݨ اؤاں خاں کہیݨ لاگو، کیاں کے تھیں ائیے لُوگائی رے بارو اِے ݙوکھا ری شیکار ہے۔ اِے مانجے خاروں گھݨوبھلو کام کریوہے؟۔
11
۱۱۔ غریب تو خدائیں تھاں بھیݪا رہیخے، پݨ تھیں خدائیں مناں آپ بھیݪو کونی جوؤ۔
12
۱۲۔ پݨ جݙے ائیے عطر مانجے جسم تے ڈھوݪیو، اِے مانجے ٻورݨ رے کرے کیو۔
13
۱۳۔ھُوں تھاناں خچی کہیں پیو، جیھ کیتھ ائیے خوشخٻری رو پرچار خارے جگت میں کیو جاخے۔ جکو کیئ ائیے لُوگائی کیو۔ ائیے ری یاد گاری میں کیوجاخے۔
14
۱۴۔ پچھے اُواں میں خاں ہیک جکے رو ناں یہودہ اسکریوتی ہتو سردارکاہناں کوڈھی گیو۔
15
۱۵۔آݨ کہیو، جیکݙے ہوں پربھویسوع ناں جھلاواں تو تھیں مناں کی ݙیخو؟۔ اُواں چاندی را تریخ سکا اُوے ناں توݪ را ݙھنا۔
16
۱۶۔ ائیے گھڑی خاں اُو اُواں ناں جھلاوݨ رو موقعوجوؤݨ لاگا۔
17
۱۷۔ ھیݨاں عید فطر رے پہلکے ݙنھی پربھویسوع را چیلا پربھویسوع کوڈھی آیا آݨ کہݨ لاگا۔ توں کی چاہویں کہ مھیں تاجے خاروں کیتھ فسح کھاوݨ ری تیاری کراں؟۔
18
۱۸۔پربھویسوع کہیو، شہر میں ہیک ایݪے منکھ کوڈھی جاؤ آݨ اُوے ناں کہیو، استاد(پربھویسوع) کہی، مانجو ٹائم نیݪو آیو رو۔ ھُوں آپ رے چیلاں بھیݪو عید فسح تاجے گھر میں منائخ۔
19
۱۹۔ آݨ چیلاں ائیاں ہی کیو جیکر پربھویسوع اُواں ناں کہیو ہتوآݨ اُواں عید فسح ری ٻاٹی کھاوݨ ری تیاری کی۔
20
۲۰۔ جݙے ݙنھی آتھویو(ڈھݪیو) اُوٻہاراں چیلاں بھیݪو ٻاٹی کھاوݨ ٻیٹھو۔
21
۲۱۔جݙے اُو ٻاٹی کھاتا پیاتا، اُوے کہیو، ھُوں تھاناں خاں خچی کہیں پیو، تھاں میں خاں ہیک مناں دُکھو ݙیخے۔
22
۲۲۔ آݨ اُو گھݨاں پشیمان ہویا، آݨ اُو ہر کہی خاں پوچھݨ لاگو۔ "خچݨی ھُوں کونی ایشور؟
23
۲۳۔ اُوے بݪتی ݙھنی، جکے ٹھاں میں مُیں بھیݪو ہاتھ گاہتو اُو مناں دھوکو ݙیخے۔
24
۲۴۔ابن آدم جیکر اُواں رے بارے میں لکھیو ہے اُو جاخے پݨ لعنت اُوے منکھ تے جکے رے کارݨ ابن آدم ماریو جاخے۔
25
۲۵۔ یہودہ جکو پربھویسوع ناں جھلاوݨ آݪو ہُتو کہیو، گُروجی کی ہُوں ہاں؟ پربھویسوع اُوے ناں کہیو، تیں اِے آپ ہی کہیو رو۔
26
26۔ جݙے اُو کھاوتا پیا، پربھویسوع ٻاٹی لی، اُوے ناں بھانگی(بھانجی) آݨ برکت ݙنی، اُوے آپ رے چیلاں ناں ݙھنی آݨ کہیو، لُو کھاؤ۔ اِے مانجو بدن ہے۔
27
۲۷۔ اُوے ہیک پیالو لیو آݨ شکرکیو آݨ آپ رے چیلاں ناں ݙھنو آݨ کیو، تھیں خارا ائیے خاں پیو۔
28
۲۸۔اِے مانجے لُوہی رو اُو وعدو ہے جوؤ گھݨاں رے پاپاں ری معافی رے خاروں بہایو جاوی۔
29
۲۹۔ پݨ ہُوں تھاناں کہیں کہ بݪے انگور رو اِے رَخ کونی پّیاں، جِتی تائیں آپ رے پتا ری راجائی میں تھاں بھیݪونِی پیاں۔
30
۳۰۔ جݙے اُواں ایشور ری بݙائی را بھجن گایا، اُو جیتُون رے جبل ماتھے گیا۔
31
۳۱۔جݙے پربھویسوع اُواں ناں کہیو، آج رات تھیں مانجی وجہ خاں تھݙا کھاخو جاں لِکھیوݪو ہے ہُوں دھنار(چراوݨ آݪے) ناں ماریخ آݨ رڈھجاں رو دَھݨ کھنڈ جاخے رو۔
32
۳۲۔پݨ جݙے ہُوں جیوتو تھیخ، ہُوں تھاں خاں پہلی گلیل نی جائیخ۔
33
۳۳۔پݨ پطرس اُوے ناں کہیوݨ لاگو، اِتی تائیں کہ خارا تاجی وجہ خاں تُھݙا کھاخے، پݨ ہُوں کونی کھِراں۔
34
۳۴۔ پربھویسوع اُوے ناں کہیو، "ھُوں تناں خچی کہیں پیو" آج رات کُکڑ ری ٻانگ ݙیؤݨ خاںں پہلی تو تین پھیرا مانجو اِنکارکرئیخ۔
35
۳۵۔ پطرس اُوے ناں کہیو،اِتی تائیں کے مناں تیں بھیݪو مرݨوں وی پݪے ہُوں تاجو اِنکار کونی کراں، آݨ ٻجاں خاراں چیلاں وی ائیاں کہیو۔
36
۳۶۔پچھے پربھویسوع اُواں بھیݪواُوے جگہ گیوجکو گتسِمنیؔ کہاوِی، آݨ آپ رے چیلاں ناں کہیو، اِتھے ٻیخو جتی تائیں ہُوں اُتھے جارو پراتھنا کرئیں۔
37
۳۷۔اُوے پطرس آݨ زبدی رے ٻہیاں ݙیکراں ناں بھیݪاں لیا آݨ پریشان آݨ ݙُکھی ہوئݨ لاگو۔
38
۳۸۔پچھے اُوے اُواں ناں کہیو، مانجی آتماں گھݨی ݙُکھی ہے۔ اِتی تائیں کہ مرݨ آݪی ہے۔ اِتھے رہو آݨ میں بھیݪا جووہ۔
39
۳۹۔ اُو آگھو بُوآݨ دھرتی تے جھکیو آݨ پراتھناں کرݨ لاگو۔ اُوے کہیو، اِے مانجا پتا! جے اِے ہُوخگھے تو اِے پیالو میں خاں ٹݪ جاوے۔ تووی ہُوں چاہوئیں ائیاں نیں پݨ جاں تُوں چاہویں اؤاں اِی ہُوئے۔
40
۴۰۔ اُوچیلاں کوڈھی آیو آݨ اُواں ناں خوتوݪا ݙٹھا، اُوپطرس ناں کہوݨ لاگو، تھیں پَل وی میں بھیݪا جاگ نی خگھیا؟
41
۴۱۔ جاگو آݨ پراتھنا کرو کیاں کے آزمائیش میں نی پڑو۔ آتماں تیار ہے پݨ بدن کمزور ہے۔
42
۴۲۔اُوپاچھو بݪ گیو آݨ پراتھنا کرݨ لاگو، اُوے کہیو، اِے مانجا پتا جے اِے بات ٹݪ کونی خگھتی، جتی تائیں کے ہُوں اِے پیالو نی پیاں۔ تو تاجی اِی مرضی پوری ہُوے۔
43
۴۳۔ اُوبݪے پاچھو آیو آݨ اُواں ناں ختوڑا ݙٹھا، کیاں کے اُواں رے آنکھیں اُونگھ خاں بھریوݪے ہتے۔
44
۴۴۔ اُو اُواں ناں بݪے چھوڑ رو بُوہوگیو، آݨ تیجے پھیرے اُواں لفظاں خاں پراتھناں کرݨ لاگو۔
45
۴۵۔پچھے پربھویسوع چیلاں رے کوڈھی گیو آݨ اُواں ناں کہیو، کی تھیں ہݨا ں تک خوتا رہخو آݨ اُونگھ کرتا ریخو جووہ اُو بیݪا آئی ری آݨ ابن آدم پاپئیاں رے حوالے کریو جاخے رو۔
46
۴۶۔ اُٹھو حالاں جووہ مانجو جھلاوݨ آݪونیݪو آیو ہے۔
47
۴۷۔جݙے اُو اِے کہوتو پیو یہودہ جکو اُوے ٻہاراں مھیں خاں ہتو آیو اُوے بھیݪا سردار کاہناں آݨ منکھاں رو ٹوݪو ہتو اُو تلوارں آݨ ݙنڈے بھیݪے لے آیا۔
48
۴۸۔ ہمیں جکو منکھ اُوے ناں جھلاوݨ جاوتو پیو اُوے ہیک نشان مسح رے خاروں ݙھنو تو اُوے کہیو جکے ناں ھُوں مٹھکی ݙئیخ اُوے ناں جھالیا رو۔
49
۴۹۔ بیگو اُو مسیح کوڈھی آیو آݨ کہیو نمشکارگروجی آݨ اُوے اُوے ناں مٹھکی ݙھنی۔
50
۵۰۔ پربھویسوع اُوے ناں کہیو خنگتی جکے کام ناں توں کرݨ رے خاروں توں آیو ہیں کرلے پچھے اُو آیا پربھویسوع تے ہاتھ راکھ آݨ جھالیو رو۔
51
۵۱۔جووہ اُواں مھیں خاں جکو پربھویسوع بھیݪا ہُتا ہیکے آپ رے ہاتھ بدھا رو آپ ری تلوار کاڈ ری سردارکاہن رے نوکرروکان اُوݙا چھوݪیو۔
52
۵۲۔پچھے پربھویسوع اُوے ناں کہیو تلوار واپس اُوے جگہ تے راکھ ݙے کیاں کے جکو کوئی تلوار کھݨخے تلوار خاں مرخے۔
53
۵۳۔ کی تھیں خمجھیں وا کہ ہُوں مانجے ٻاپ ناں کونی ھیلو کر خگھتو کہ اُو مانجے خاروں ٻارے تُمن خاں گھݨاں فرشتہ بہیر کرنت۔
54
۵۴۔ پݨ پچھے شٻدھ کیکر پورو ھوونت کہ اِے خارو کنئک ھوے۔
55
۵۵۔ اُوے گھڑی پربھویسوع گھݨے منکھاں ناں کہیو کی تھیں تلوار آݨ گیݙے لے را مناں چورآݪی کر جھالݨ آیا ہو ھُوں روزانہ گرجے میں بیخ رو تعلیم ݙئنی آݨ تھاں مناں کونی جھالیو۔
56
۵۶۔ پݨ اِے خارو اِئیے رے خاروں ہویو کیاں کے سنتاں رے شاشتر میں لکھیو گیو تو کہ اُو پورو ہوئے پچھے خاراں چیلاں چھوݪ رو بوہا گیا۔
57
۵۷۔پچھے پربھویسوع ناں قاٻوکرݨ آݪا کائفا اُوے ناں سردارکاہن ݙیخیا لے گیا جتھے فقیہ آݨ سردارکاہن بھیݪا ہویاتا۔
58
۵۸۔ پݨ پطرسردارکاہناں ری صدرعدالت تک اُوے رے لارے گیو آݨ بھیتر جارو نوکراں رے بھیݪو نتیجو جووݨ ٻیٹھو۔
59
۵۹۔پچھے سردارکاہن آݨ خاری پنچایت پربھویسوع رے خلاف کوݪے گواہے جوؤݨ لاگا کیاں کے اُوے ناں مارخگھیے۔
60
۶۰۔پݨ اُواں ناں کہنئ کونی لابھو کیاں کے گھݨے خارے کوݪے گواہے خامݨے آئے پچھے بعد میں ٻئے منکھ خامݨے آوئ۔
61
۶۱۔ آݨ اِئیے منکھاں اِے گواہی ݙھنی کہ ھُوں اِے قابل ہاں کہ ایشور ری ہکل ناں بربادکرڈیخ آݨ تیناں ݙھیاں میں بݪے بݨایخ ری۔
62
۶۲۔سردارکاہن اُوٹھی ابھیجا آݨ اُواں اُوے ناں کہیو کی تیں ݙیخیا اِے رو کوئی جواب کونی اِے تاجے خلاف کوݪے گواہی ݙیی پیا پݨ پربھویسوع چھپ رھیو سردارکاہن اُوے ناں کہیو تنا زندہ ایشور رے ناں خاں حُکم ݙئی وہ مھاناں ݙخل کہ توں ایشور رو ݙیکرو یسوع مسیح ہے۔
63
۶۳۔پربھویسوع اُواں ناں جواب میں کہیو تھاں خود ہی کہیی پیا۔
64
۶۴۔ پݨ ھوں تھاناں کہیں پیو آݨ ہمیں ابن آدم نہ ایشورپرمشور رے خاجݪی پاخے ٻیٹھوݪو آݨ آکاش خاں بادلاں رے بھیݪو آوتے جوخو رو۔
65
۶۵۔ پچھے سردارکاہن آپ را گابھا پھاݪیا آݨ کہیو، اِے جَکھ ماریو ہے۔ ہمیں تو گواہی ری لوݪ ہی کونی رہی، ہمیں تھاں خݨیو ہے۔
66
۶۶۔ تھیں کی خوچئی پیا؟ اُواں جواب ݙھنو آݨ کہیو۔ اِے قتل رے لائق ہے۔
67
۶۷۔اُواں پربھویسوع رے مہانݙے تے تھوکیو آݨ تھاپاں مارئیے۔
68
۶۸۔ آݨ کہیو، میسح مھارے خارو پرچو کر اُو کݨ ہے جکے تناں ماریو ہے؟۔
69
۶۹۔پطرس ٻاہر آنگݨ میں ٻیٹھو ہتو۔ آݨ ہیکے نوکراݨی اُوے کوڈھی آئی آݨ کہیو، توں بھی گلیل رو رہݨ آݪے مسیح بھیݪو ہتو۔
70
۷۰۔ پر اُوے اِے بات رو انکار کریو، ھُوں کونی جاݨتو کے تھیں کے رے بارے میں بات کرئی پیا۔
71
۷۱۔ اُو اُتھو اُٹھی رو ٻجی جگہ ٻیٹھو، آݨ ہیک ٻیجی نوکراݨی جویو آݨ جکو اُتھے ہتا، اُواں خاں کہیو، اِے منکھ یسوع مسیح بھیݪو ہتو۔
72
۷۲۔ آݨ اُوے خانخ کھݨ رو انکار کیو، کہ ھُوں اِے منکھ ناں کونی اُوݪکھتو۔
73
۷۳۔ کنئک دیرخاں پچھےجکو ابھاتا اُو آیا آݨ پطرس خاں کہݨ لاگا خچلی توں بھی اُواں میں خاں ہیں۔ کیاں کے تاجی ٻولی بھی اُواں آݪی کر ہے۔
74
۷۴۔آݨ پچھے اُو خانخ کھݨݨ لاگو، ھُوں اِے منکھ ناں کونی اُوݪکھتو آݨ اُوے گھڑی ککݪ ٻانگ ݙھنی۔
75
۷۵۔ پطرس ناں پربھویسوع ری اُو بات یاد آئی کہ آج ہی توں ککݪ رے بانگ ݙیوݨ خاں پہلی تین دعفہ انکار کریخ، آݨ پطرس ٻاہر جارو گھݨو رونو۔