1
۱۔ پربھویسوع اُواں ناں بݪے مخالاں میں کہوݨ لاگو۔
2
۲۔آکاش ری باچھائی حقیقت میں اُوے راجا آݪی کار ہے جکے آپ رے ݙیکرے رو بہیاں کیو۔
3
۳۔ اُوے آپ رے نوکراں ناں بہیر کیا کہ اُو اُواں منکھاں ناں ھیلو کر آوے جکاں ناں بہیاں ری دعوت ݙھنی گی ہتی، پݨ اُو منکھ کونی آیا۔
4
4 ۔راجا آپرے ٻجے نوکراں اِے کہہ رو بہیر کیا کہ جکاں ناں دعوت ݙھنی گی ہے اُواں ناں کہیو کہ میں ٻاٹی تیار کی ری، مانجا ڈھگا آݨ پݪیوڑا ٹوگھڑا بڈھیج گیا را، آݨ خارے چیزاں کھاوݨ رے خاروں تیار ہے اِئیے رے خاروں بہیاں میں آؤ۔
5
۵۔پݨ اُواں منکھاں اُوے رے ہیلے تے غور نی کیو۔ کئہی آپ رے پھخلاں نی گیا، آݨ کئہی آپ رے آپ رے کاماں تے بوہاگیا۔
6
۶۔آݨ ٻجاں باچھا رے نوکراں تے ہاتھ کھݨیو آݨ اُواں خاں برائی خاں پیش آیا، آݨ اُواں ناں مار چھؤڑیا۔
7
۷۔پچھے باچھا گھݨو نارض ہُویو، اُوے آپ ری فوج ناں بہیر کرری، اُواں مارݨ آݪاں ناں مروا چھوڑیا آݨ اُواں رے شہر ناں خاݪ ݙھنو۔
8
۸۔پچھے اُوے آپ رے نوکراں ناں کہیو، بہیاں ری ٻاٹی تیار ہے پݨ اݨایوڑا اِئیے رے قابل کونی ہُتا۔
9
۹۔اِئیے رے خاروں چَوباٹاں تے جاؤ، آݨ جتراں منکھاں ناں دعوت ݙے خگھئی ݙؤ کہ بہیاں ری دعوت میں آوئے۔
10
۱۰۔ نوکر چَوباٹاں تے گیا آݨ بھلا کی بُرا خاراں ناں بھیݪا کیا، آݨ دعوت آݪو گھر پرھاݨاں خاں بھریڄ گیو۔
11
۱۱۔جݙے راجا پرھاݨاں ناں جُوؤݨ رے خاروں آیو، اُوے ہیکے منکھ ناں ݙیٹھو، جکے بہیاں را گابھا کونی پہریا ہُتا۔
12
۱۲۔ باچھا اُوے ناں کہیو، خنگتی(یار)تُوں اِتھے کِکر بہیاں رے گابھاں خاں ٹاݪ آیو ہیں؟۔ آݨ اُو منکھ بݪتی نی ݙے خگھیو۔
13
۱۳۔پچھے باچھا آپ رے نوکراں ناں کہیو۔ اِئیے منکھ را ہاتھ آݨ پُگ ٻاندھیا جا وے۔ آݨ اُوے ناں ٻہار اندھارے میں ناکھیو جاوے، جِتھے روئݨ آݨ ݙانتاں رو پیخݨ ہُوئے۔
14
۱۴۔ اَݨایوݨاں توگھݨاں ہے پݨ چُݨیوڑا گھٹ ہے۔
15
۱۵۔ پچھے فریسی گیا آݨ خوچݨ لاگا کہ پربھیسوع ناں آپ رے باتاں خاں کَکر پھخاجے۔
16
۱۶۔پچھے اُواں آپ رے چیلاں ناں ہیرودیاں بھیݪا پربھویسوع کوڈھیا بہیر کیا۔ اُواں پربھویسوع نا کہیو، گروجی مھیں اوݪکھئں کہ توں خچو ہیں۔ آݨ توں ایشور رے مارگ ری خچائی خاں تعلم ݙئیں،
17
۱۷۔ آݨ تُوں ٻجے منکھاں ری خلاں ری پرواہ کونی کرتو آݨ کہیں رو پاخو کونی لیتو۔
18
۱۸۔پݨ پربھویسوع اُواں ری چلاکی ناں خمجھ گیو آݨ کہیو، اِے ریاکاراں تھیں مناں کیاں آزماوئی۔
19
۱۹۔ مناں چونگی ری رقم ݙؤ۔ پچھے اُو اُوے کوڈھی دنیار لے آیا۔
20
۲۰۔ پربھویسوع اُواں ناں کہیو، اِئیے روپے تے کے رو پھوٹو تے کے رو ناں ہے۔
21
۲۱۔اُواں اُوے ناں کہیو، باچھا قیصر رو، پچھے اُواں ناں کہیو، "جکوقیصررو حِخو ہے قیصر ناں ݙو آݨ جکو ایشور رو ہے اُو ایشور ناں ݙؤ۔
22
۲۲۔ جݙے اُواں اِے خݨیوں تو حیران ہُویا آݨ اُوے ناں چھوݪ رو بوہا گیا۔
23
۲۳۔اُو ݙنھں کئنیک صدوقی اُوے کوڈھی آیا، جکو کئہی کہ موؤڑا جیوتا کونی تھیے، اُواں پربھویسوع خاں پوچھیو۔
24
۲۴۔اِے گروجی، موسٰی سنت کہیوہتو کہ جݙے کوئی منکھ مرجاوے، آݨ اُوے ری کوئی اولاد نی ہُووے۔ تو اُوے رو بھائی ضروری اُوے ری لُوگائی خاں بہیاں کرے۔ آݨ آپ رے بھائی رے کرے اولاد پیدا کرے۔
25
۲۵۔ساتھ بھائی ہتا،پہلکے بہیاں کیو آݨ موؤہ رو آݨ اُوے میں کوئی اولاد کونی تھی آݨ آپ ری لُوگائی آپ رے بھائی رے کرے چھوݪ گیو۔
26
۲۶۔آݨ ٻیجے بھائی بھی ائیاں کیو۔ آݨ تیجے بھی ائیاں کیو۔ آݨ خارے بھائیاں ائیاں کیو۔
27
۲۷۔ آݨ اُواں خاراں خاں پچھے اُو لُوگائی بھی مرگی۔
28
۲۸۔ آݨ جݙے اُو مؤوڑا جی اُٹخے تو اُوے ݙھنی اُواں خاتاں بھائیاں میں اُو کے ری لُگائی ہُوخے، جݙے کے اُو خاتاں بھائیاں ری لُوگائی ہُتی۔
29
۲۹۔کہیو، تھیں غلط خوچئی پیا، کیاں کے تھیں پویترشٻد آݨ ایشور ری طاقت ناں کونی جݨتا۔آݨ پربھویسوع جواب ݙھنو آݨ ائیاں خاں۔
30
۳۰۔ مؤوڑا رے جی اُٹھݨ خاں پچھے بہیاں کونی تھئیے۔ آݨ اُوتھے کوئی بہیاں رے بندھن میں کونی ٻاندیو جاوے بلکہ اُو آکاش تے فرشتاں آݪی کا ہُوخے۔
31
۳۱۔کی تھاں مؤواڑاں میں خاں جی اٹھݨ رے بارے میں کونی پڑھیو۔
32
۳۲۔ھُوں ابراہام رو ایشور، اضحاق رو ایشور آݨ یعقوب ایشور ہاں؟ ایشور مؤوڑاں رو ایشور کونی بلکہ جیوتاں رو ایشور ہاں۔
33
۳۳۔ جݙے عوام ائیے رے بارے میں خݨیو تو ایشور رے پرچار تے حیران ہُویا۔
34
۳۴۔ جݙے فریسیاں خݨیو کہ پربھویسوع صدوقیاں ناں چُپ کرایا ہے آݨ اُو بھیݪوہُویا۔
35
۳۵۔ائیاں میں خاں ہیک جکو خاراں میں چھوٹا(نڈھیا) ہُتا اُوے ناں آزماوݨ رے کرے سوال کیو۔
36
۳۶۔ گروجی سریعیت میں خاراں خاں موٹو حُکم کی ہے۔
37
۳۷۔پربھویسوع اُواں خاں کہیو، تھیں ضروری ایشور آپ رے ایشور خاں آپ رے خارے مُن، آپ رے خارے جسم آݨ آپ ری خاری عقَل خاں محبت کرو۔
38
۳۸۔ائیے موٹو آݨ پہلو حُکم ہے
39
۳۹۔ آݨ ٻجے حُکم ائیے آݪی کر ہے کہ تھیں آپ رے پاڑے خیریاں خاں آپ آݪی کر محبت کرو۔
40
۴۰۔ ائیاں ٻہیاں حُکماں تے خارے نبیاں آݨ خاری سریعت رو بھروخو ہے۔
41
۴۱۔ آݨ پچھے ائیے فریسی بھیݪا ہوا، پربھویسوع اُواں خاں سوال کیو۔
42
۴۲۔ اُوے کہیو، تھیں مسیح رے بارے میں کی خوچئی؟۔ کہ مسیح کے رو ݙیکرو ہے؟۔۔۔۔۔ اُواں پربھویسوع خاں کہیو، "داؤد رو ݙیکرو"
43
۴۳۔ پربھویسوع اُواں خاں کہیو، پچھے کِکر داؤد آتماں میں اُوے ناں ایشور کہے رو ھیلو کرئی۔
44
۴۴۔ ایشور مانجے ایشور خاں کہیو، مانجے خاجݪی پاخے ٻیخ، جتئی تائیں تاجے دشمناں ناں تاجے پُگاں نیچا نی کر ݙیواں۔
45
۴۵۔ جیکݙھیں داؤد اُوے ناں ایشور مسیح کہی، تو اُو داؤد رو ݙیکرو کِکر تھیو۔
46
۴۶۔ کوئی قابل کونی ہُتو کے اُوے ناں ہیکے الفاظ رو بھی جواب ݙے خگے۔ ائیے ݙھین کہیں منکھ رو ائیے خاں سوال کرݨ رو حوصلو کونی تھیو۔