1
۱۔پچھے پربھویسوع ٹوݪے آݨ چیلاں خاں روبُرو ہُویو۔
2
۲۔ اُواں ناں کہیو، فقہیہ آݨ فریسی موسٰی ری تے ٻیخے۔
3
۳۔ جکو اُو تھاناں حُکم ݙے اُو کرو آݨ اُوے تے عمل کرو آݨ اُوے رو خچ وچارکرو آݨ اُوے جہڑاکام نی کرو کیاں کے اُو کہتا ہوتا پݨ آپ کونی کرتا۔
4
۴۔ ہاں اُو ایڑا بھاری وزن منکھاں رے کاندھے تے راکھتا ہوتا جکے ناں اُوکھݨݨ بھاری ہے کیاں کے ائیے ناں راکھاوݨ رے خاروں خود آپ ری انگݪی کونی لگاتا۔
5
۵۔ اُو آپ را گھݨاں کام جکو کریں منکھاں ناں بتاوݨ رے کرے کریں، اُوآپ را تعویض موٹا آݨ آپ را گابھا راں کنارا موٹا بݨاوی۔
6
۶۔اُو بھگتی رے گھراں آݨ دعوت ری جگہواں میں بھی عزت پسند کرتا ہوتا۔
7
۷۔ آݨ بازاراں میں سلام کہووݨ پسند کریں آݨ منکھ خاں را گرو ہیوݨ پسند کریں ہیں۔
8
۸۔پݨ تھیں آپ نہ گرو نی کہوایا کیاں کے تھارو گرو ہیک ہی ہے آݨ تھیں خارا بھائی ہو۔
9
۹۔ آݨ دھرتی تے کہی ناں بھی پتا نی کہو، کیاں کے تھارو پتا ہیک ہی ہے، جکو آکاش تے ہے۔
10
۱۰۔ کوئی تھاناں گرو نی کہے کیاں کے تھارو گرو ہیک ہی ہے جکو پربھویسوع ہے۔
11
۱۱۔ جکو تھاں میں خاں موٹو بݨے اُو تھارو شواداری بݨے۔
12
۱۲۔ جکو آپ رو آپ ناں موٹو بݨاوخے اُو چھوٹو کیو جاخے آݨ جکو چھوٹو کہݪاخے اُوے رو رتبو اُونچو کیو جاخے۔
13
۱۳۔اِے طرف دار فقیہ آݨ فریسیاں تھاں تے لعنت تھاں مکھاں ری آکاش ری باچھائی را دروازہ بند کریں نی تو تھیں خُود اُوے میں داخل ہُوخو تے، تے اُو جکو داخل ہُووݨ چاوہی ہےنی داخل ہُووݨ ݙھہی۔
14
۱۴۔ اِ ے طرفدار فقیہ آݨ فریسیاں تھاں تے لعنت کے تھیں بیواؤں رے گھراں تے قابض ہووݨ چاوی، جݙے تھاں ݙکھاݪے رے کرئے پراتھنا لانٻی کرئیں اِئیے خاروں تھیں گھݨی لعنت رے قابل ہو۔
15
۱۵۔ اِے طرف دار فقیہ آݨ فریساں تھاں تے لعنت کے تھیں سمندر پار ٹپ را علاقاں میں جاوی صرف ہیکے منکھ ناں وشواسی بݨاوی آݨ جݙے اُو وشواسی ہو جاوی تو اُوے ناں ٻیݨو نرگ رو ݙیکرو بݨاوی جاں تھیں آپ ہو۔
16
۱۶۔ لعنت تھاں تے کے تھاں اندھا مارگ بتاوݨ آݪا ہو، تھیں جکو کہی اُو پویتر جگہ رو خانخ کھاوی اُو کوئی بات کونی، پݨ جکو کوئی پویترجگہ رے سونے رو کانخ کھاوے اُو آپ رے خانخ ناں پورو کرݨ رو پابند ہوخے۔
17
۱۷۔ تھیں اندھا ہو کالھا ہو موٹو کوݨ ہے سونو یا پویترجگہ جکے سونے ناں پویتر کیو؟۔
18
۱۸۔آݨ جکو قربانی ری جگہ روخانخ کھݨی تو اُو کوئی بات کونی پݨ جکو کوئی اِے منت رو خانخ کھݨی جکو اِے قربانی ری جگہ تے چڑاوں ݙتا تو اُوآپ رے خانخ ناں پورو کرݨ را پابند ہے۔
19
۱۹۔ اِے اندھا منکھاں مھٹو کوڑ ہے منت یا قربانی ری جگہ جکو منت ناں پویتر کریں ہے۔
20
۲۰۔آݨ جکو کوئی قربان گاں روخانخ کھاوی ہے اَے گھݨے چیزاں روخانخ کھاوی جکو اُوتے چڑھائی جاوی ہے۔
21
۲۱۔ آݨ جکو کوئی پویتر جگہ رو خانخ کھاوی ہے اُو پویترجگہ رو آݨ جکو اِئیے رے مھیں رہیی ہے اُوے رو خانخ کھاوی ہے
22
۲۲۔ آݨ جکو کوئی آکاش رو خانخ خانخ کھاوی ہے پربھویسوع رے تخت جکو اُوے تے ٻیھٹو ہے خانخ کھاوی ہے۔
23
۲۳۔ اِئے ریاکار فقیہ آݨ فریسیاں تھاں تے لعنت! کہ تھیں پودنے، اجیاں(جوائݨ) آݨ زیرے رو ݙخوو(دہیکی) حخو تو ݙئی پݨ تھیں سریعت رے گھݨے ضروری معاملے یعنی انصاف، دیا کرݨ آݨ وشواس ناں چھوڑ ݙئی رو، لازمی ہے کہ تھیں اِے وی کرتا آݨ اُو وی کونی چھوڑتا۔
24
۲۴۔ تھیں مارگ بتاوݨ آݪا اندھاھو، جکو ماچھر ناں تو چھانٹی پݨ اُونٹ ناں خاجو گِٹ جاوی را۔
25
۲۵۔ اِے ریاکار فقیہ آݨ فریسیاں تھاں تے لعنت! کہ تھیں پیالے آݨ پلیٹ(رکابی) ناں ٻہار خاں تو آچھو کرئں رو پݨ مہناں خاں اُو ٹھگی ناں لالچ خاں بھریوڑا ہے۔
26
۲۶۔ اندھا فریسیاں پہلی آپرے پیالے آݨ پلیٹ ناں مہناں خاں آچھا کرو، پچھے اُو ٻہار خاں آچھا ہوخے۔
27
۲۷۔ریاکار فقیہ آݨ فریسیاں تھاں تے لعنت! کہ تھیں چٹے رنگ آݪی قبر(سفدی پھری قبر) ہو جکو ٻاہر خاں تو صاف ݙیخیجئی پݨ مہناں خاں مؤڑے منکھاں رے ہاݙکھیاں تے ہر طرح رے پلیتائی خاں بھریوڑا ھو۔
28
۲۸۔ اہڑی طرح تھیں وی جوؤݨ میں خچیار(راست باز) ہو پݨ مہناں خاں ریاکاری آݨ سخت ناانصافی خاں بھریوڑا ھو۔
29
۲۹۔ریاکارفقیہی آݨ فریسیاں تھاں تے لعنت! کہ تھیں سنتاں(نبیوں) رے درٻاراں (مقبروں) ناں ٹھاوݨ آݪاں آݨ سچیاراں رے درٻاراں ناں پھوٹراپ کرݨ آݪا ھو۔
30
۳۰۔پݨ ھوں تھاناں کہیں کہ مہاں آپ رے ٻاپ ݙاݙے رے دور میں زندگی گزاری ھوونت تو مھیں سنتاں رو لوہی بہاوݨ میں بھیݪا کونی ھونت۔
31
۳۱۔ جݙے تھیں آپ رے خلاف گواہی ݙئی وا کہ تھیں قتل کرݨ آݪا را ݙیکرا ھو۔
32
۳۲۔ تھیں آپ رے ٻاپ ݙاݙے آݪی کر کروئی وا۔
33
۳۳۔ اِے باخینگاں! اِے موٹے باخنینگ را ݙیکراں تھیں نرگ رے باخݙے خاں کیکر بچخو۔
34
۳۴۔اِئیے رے خاروں جؤو ھوں سنتاں خمجݨ آݪا آݨ منݨ آݪا ناں تھاں کوڈھی بہیر کرئیں، اُواں میں خاں گھݨاں تھاں قتل آݨ خوݪی چاڑھیا آݨ گھݨاں تھاں بھگتی گھراں میں کوڑمارخو آݨ شہرباشہر خاں کاڈھ خو۔
35
۳۵۔جکے رو نیتجو اِے ھوؤ کہ تھیں دھرتی تے خارے خچیارں رو لوہی بہاوݨ میں میں قصور وار بݨیا۔ خچیار ھابل رے قتل خاں لے تے برکیاہ رے ݙیکرے زکریا تک جکے ناں تھاں پویترجگہ آݨ قربانی آݪی جگہ قتل کیو۔
36
۳۶۔ ھوں تھاناں خچی کہیں کہ اِئیے باتاں ری بݪتی ݙیوݨ آݪی اِے نسل ہوخے۔
37
۳۷۔یروشلیم، یروشلیم توں جکو سنتاں ناں قتل کرݨ آݪاں آݨ اواں تے جکے تھاناں بہیر کریو پھتر مارݨ آݪا ھو۔ میں گھݨی دفعہ چاہیو کہ جہڑی طرح ککڑی آپ رے ٻچیاں ناں آپ رے پانکھیاں میں لُکاوئی ھوں وی تھاناں ائیے طرح لُکا لیواں۔
38
۳۸۔جو تا بخوں گھر کھالی کریورو۔
39
۳۹۔ھوں تناں کہیں توں مناں کونی جووے جیتری تک اِے کونی کہہ کے دھن ھے اُو جکو ایشور رے ناں خاں آوئی۔