1
۱۔ آݨ جݙے اُو یروشلِمؔ رے نیݪا پوگا آݨ زَیتُون رے پہاڑ تے بیتؔ فگے رے نیݪا آیا تو پربھویسوع ٻہیاں چیلاں ناں اِے کہے رو بہیرکیا کہ۔
2
۲۔اگلے گائاںمیں جاؤ، آݨ اتھے ہیک گݙھی ٻادھوڑی نظر آخے آݨ اُوے بھیݪوگݙھی رو ٻچیوبھی اُوے ناں کھول ری میں کوڈھی لے آؤ۔
3
۳۔ آݨ جیکݙے کوئی منکھ تھاںاں خاں کہے تو اُ وے ناں کہیا کہ پربھویسوع ناں ائیے ری لوݪ ہے آݨ اُو منکھ اُوے گھڑی تھاناں ݙخے ری۔
4
۴۔اِےائیے رے کرے تھیو کہ سنت ری طرف خاں لکھیوگیوتو اُو پورو ہووے، اُوے کہیو۔
5
۵۔ اِے یروشلیمؔ ری ݙیکری، جو تاجو باچھا تئیں کوڈھی آوی ؤہ اُو نماݨو ہے آݨ گݙھی تے سوار ہے بلکہ گݙھی رے ٻچیے تے۔
6
۶۔ آݨ چیلاں گیا آݨ اواں ھی کیو جاں پربھویسوع اُواں ناں کہیو ہتو۔
7
۷۔اُو گݙھی آݨ اُوے رو ٻچیو لے آیا آݨ آپ را گابھا اُوے تے اُوڈھاٌیا آݨ پربھویسوع اُوے تے سوار ہوؤ۔
8
۸۔ عوام مارگ میں آپ را گابھا بچھایا آݨ کئنک منکھاں بݨاں رے لہڑے باڈھ رے مارگ میں بچھائیے۔
9
۹۔ ٹوݪو جکو پبھویسوع رے اگیا ھاں لاروں ھتو اُو رڑے کر تے کہتا پیا ابن دُاؤد ری بݙائی ہو وے، دھن اُوے ناں ہے جکو ایشور رے ناں خاں آوی، آکاش تے اُوے ری بݙائی ھوے۔
10
۱۰۔جݙے پربھویسوع یروشلمؔ میں آیو تو خارو شہر تھرتھلے میں آیو آݨ کہیݨ لاگا "اِے کُݨ ہے؟"
11
۱۱۔ ماݨخاں جواب ݙھنو اِے گلیل رے شہرناصرت رو نبی پربھویسوع ہے۔
12
۱۲۔پچھے پربھویسوع ہیکل میں بݪیو آݨ خامان بیچݨ آݪاں ناں اُوتھ خاں کاڈھ چھوڑیا، اُوے شاہوکاراں آݨ کبوتر بیچݨ آݪاں رے پھٹاں ناں اُوندھا کر چھوڑیا۔
13
۱۳۔اُوے اُواں ناں کہیو لکھیݪو ہے مانجو گھر پراتھنا رو گھرخݙیڄ خے۔ پرتھاں ائیے ناں چوراں آݨ ٹہگاں رو اݙو ٹھایو رو۔
14
۱۴۔ پچھے اندھا آݨ پانگݪاں اُوے کوڈھیا ہیکل میں آیا آݨ اُوے اُواں ناں بھلاں کریا۔
15
۱۵۔ پݨ سردارکاہناں آݨ فقہیاں اُوے ناں عجیب کام کرتے جویو آݨ ہیکل میں ماݨخاں ناں ابن دُاؤد ری بݙائی کرتے خݨیو تو اُواں ناں ݙاڈھی ریئخ آئی۔
16
۱۶۔اُواں اُوے ناں کہیو کی تھیں خݨوئی پیا کہ اِے ماݨخ کی کہی پیو؟ پربھویسوع اُواں ناں کہیو، ہاں پر کی تھاں کونی پڑھیو کہ چھوٹاں آݨ ݙودھ پیݨ آݪاں ٻاݪاں رے مُکھ خاں آپری بݙائی خچی کروائی۔
17
۱۷۔ پچھے پربھویسوع اُواں ناں چھوڑ رو بیت عنیاہ رے شہر نی گیو آݨ اُتھے رھیو۔
18
۱۸۔ جݙے اُو خاکݪو ور شہر پاچھا آیا ےو پربھویسوع ناں بُکھ لاگی۔
19
۱۹۔ پربھویسوعع سڑک رے پاخے انجیر رو بݨ ݙٹھو۔ اُو بݨ کوڈھی گیو پݨ پاناں خاں ٹاݪ بݨ میں کہئی نی لاگوڑو ݙٹھو۔ اُوے بݨ ناں کہیو، "تنا بݪے پھݪ کونی لاگے" آݨ اُوے گھڑی اُو بݨ خُک گیو۔
20
۲۰۔جݙے چیلاں اِے ݙٹھو تو حیران ہُویا آݨ کہیو، اِے انجیر رو بݨ اُوچھتو کَکر خُک گیو رو؛؛؟
21
۲۱۔پربھویسوع بݪتی ݙھنی آݨ کہیو؛ ہُوں تھاناں خچی کہیں کہ اگر تھاں میں وشواس ہے آݨ تھیں شک کونی کرتا، تو نی صرف اِے کر خگھئی جکو اِے انجیر رے بݨ خاں تھیو۔ پݨ تھیں جبل خاں کہخو جا آݨ سمندر مین کھر تو اُو ائیاں ہی ہُوخے۔
22
۲۲۔ آݨ جکو وی تھیں وشواس خاں پراتھناں میں مانگخو تھاناں اُو ملیو جاخے۔
23
۲۳۔ آم جݙے پربھویسوع بھگتی گھر میں پرچار کعتو پیو تو سردار کاہن آݨ فقہی پربھویسوع کوڈھی آیا آݨ کہݨ لاگا توں کے رے اختیار خاں اِے کام کرائیں، آݨ تناں اِے اختیار کے ݙھنو ہے۔
24
۲۴۔ پربھویسوع اُواں ناں بݪتی ݙھنی ھُوں تھاں خاں ہیک سوال پوچھیخ آݨ پچھے ھوں تھاناں اِے ݙخلیخ کہ ھوں اِے کام کے رے اختیار خاں کرائیں۔
25
۲۵۔یوحنا سنت رو پویترسنان کے ری طرف خاں ہُتو؟ آکاش ری ری طرف خاں یا منکھ ری طرف خاں؟ اُو آپت میں باتاں کرݨ لاگا کہ مھیں کی کہاں کہ آکاش ری طرف خاں تو اُو کہخے تھاں اُوے رو وشواس کیاں کونی کیو؟
26
۲۶۔پݨ آپاں کہاں کہ انسان ری طرف خاں تو خارا منکھ نارض ہُوخے۔ کیاں کےاُو یوحنا ناں سنت کمجھتا ہُتا۔
27
۲۷۔ پچھے اُواں پربھویسوع نہ بݪتی ݙھنی، "مھیں کونی جاݨتا" اُواں اُوے نا کہیو، پربھویسوع بھی اُواں نا کہیو ھُوں وی تھاناں کونی ݙخلاں کہ ھُوں اِے کام کے رے بݪ خاں کرئیں پیو۔
28
۲۸۔ پچھے تھیں کی خوچئی پیا؟ ہیکے منکھ را ٻئے ݙیکرا ہتا۔ اُو موٹے ݙیکرے کوڈھی گیو آݨ کہیو ݙیکرا جا آݨ آج باغ میں کام کر۔
29
۲۹۔پݨ ݙیکرے بݪتی ݙھنی آݨ کہیو کہ حوں کونی جاواں، ُݨ پچھے اُو آپ ری خالا پھری آݨ بوہوگیو۔
30
۳۰۔ آݨ اُو منکھ ٻجے ݙیکرے کوڈھیا گیو، آݨ اُوکہیو ائیے ݙیکرے بݪتی ݙھنی اَے مالک ھُوں ضرور جائیخ پݨ اُو کونی گیو۔
31
۳۱۔ ائیاں ٻہیاں ݙیکراں میں خاں کہیو ݙیکرو آپ رے پتا رو وچن منݨ آݪوتھیو۔ اُواں بݪتی ݙھنی پہلی آݪو، پربھویسوع اُواں ناں کہیو ھُوں تھاناں خچی کہیں پیو، کہ تھاں منکھاں پہلی چونگی لیوݨ آݪا آݨ بدچال ایشور ری باچھائی میں جاخے را۔
32
۳۲۔ کیاں کے یوحنا سنت تھاناں سچائی رو مارگ ݙخلݨ آیو تو، پݨ تھاں اُوے رو اعتبار کونی کیو، جݙے چونگی لیوݨ آݪاں آݨ بدچالݨ لُوگائیاں اُوے تے وشواس لے آئے، آݨ تھاں منکھاں اِے ݙیٹھو کے اِے کی تھیو پݨ تھاں بݪے وی توٻاں کونی کی۔ کہ اُوے تے وشواس لے آونت۔
33
۳۳۔ہیک ٻجی مخال خݨو ہیکے منکھ کوڈھیا گھݨی دھرتی ہوتی ائیے ہیک باغ لگایو آݨ ائیے رے ٻارو لوݪو ݙھنو۔ ہیک ہودی کھتری آݨ رکھوالی رے خاروں منہار بݨایو آݨ باغ لگاوݨ آݪاں ناں کرائے تے ݙے ݙھنو آݨ آپ ٻیجے ملک بہیوگیو۔
34
۳۴۔ آݨ جݙے باغ ری کٹائی رو وقت نیݪو آیو تو ائیے کہنک نوکراں ناں بہیر کیا کہ انگور لا خگے۔
35
۳۵۔پݨ مالہیاں نوکراں ناں جھالیا آݨ کئہی کوٹیا آݨ کئہی ناں جان جان خاں ماریو آݨ کئہی ناں سنگسار کریا۔
36
۳۶۔پچھے باغ رے مالک ٻجے نوکراں ناں بہیر کیا، آݨ پہلے خاں گھݨاں ناں بہیر کریا اُواں اُواں خاں بھی اُو جی سلوک کریو۔
37
۳۷۔ ائیے رے بعد، مالک آپ رو ݙیکرو اُواں کوڈھی بہیر کریو،آݨ خوچیو کے اُو مانجے ݙیکرے ری عزت کرخے؛
38
۳۸۔ پݨ جݙے مالہیاں ݙیکرے ناں ݙیٹھو تو آپت میں کہوݨ لاگا، اِے مالک ہے آؤ اِئیے ناں مار رو آݨ خارے باغ تے قبضو کر لے جے۔؛؛
39
۳۹۔ اِے رے خاروں اُواں اُوے ناں جھالیو آݨ باغ میں ٻاہر کاڈھیو آݨ مار ݙھنو۔
40
۴۰۔ اِے رے خاروں جݙے باغ رو مالک آخے تو اُواں مالہیاں خاں کی کرخے؟
41
۴۱۔ اُوے منکھاں جواب ݙھنو،"مالک آخے آݨ اُواں گنداں منکھ ناں بُری طرح خاں برباد کرخے، آݨ باغ رو ٹھیو ٻجے مالہیاں ناں ݙیخے، تاکہ اُو موسم تے اُوے ناں پھݪ ݙے۔
42
42۔ پربھویسوع اُواں ناں کہیو،" کی تھاں سنتاں رے شٻد میں کونی پڑھیو، جکے پتھر ناں مستریاں رد کریو اُو ہی کنڈ آݪو پتھر ہوخے۔ اِے ایشور ری طرف خاں ہوؤ پݨ مھاری نظر میں عجیب ہے؟۔
43
۴۳۔اِے رے خاروں ھُوں تھاں خاں کئیں پیو کہ ایشور ری باچھائی تھاں خاں لے لی جاخے آݨ اُوے قوم رے خاروں جکو پھݪ لاخے ݙے ݙھنی جاخے۔
44
۴۴۔ آݨ جکو اِے پتھر تے کھرخے ٹوکݪا ٹوکݪا ہوجاخے پݨ جکے تے اُو کھرخے اُوے ناں پیخخے رو۔
45
۴۵۔ آݨ جݙے سردار کاہناں آݨ فریسیاں اُوے رے ، مخالاں خݨیں تو اُوخمنجھ گیا مھارے بارے میں کئہی پیو۔
46
۴۶۔ آݨ اُو اُوے ناں جھالݨ ری کوشش میں ہوتا، پݨ اُو منکھاں خاں ٻہیتا ہتا، کیاں کے اُو اُوے ناں سنت جاݨتا ہتا۔