1
۱۔ آکاش ری باچھائی اُوے زمیندار ری آݪی کر ہے جکو صبو رو آپ رے انگوراں رے باغ میں کام کرݨ رے خاروں مزدوراں ناں مزدوری تے لیوݨ گیو۔
2
۲۔ جݙے اُوے مزدوراں خاں ہیک روپیو مزدوری موکائی، تو اُوے اُواں ناں باغ میں کام کرݨ رے خاروں بہیرکرچھوڑیا۔
3
۳۔تیجے پہار اُو بݪے گیو تے اُوے ٻیجاں مزدوراں ناں شہر میں بے کار اُوبھوڑا ݙٹھا۔
4
۴۔ اُوے اُواں ناں کہیو، تھیں بھی باغ میں جاؤ۔ آݨ جکو بھی مناسب ہوخے ہُوں تھاناں ݙیخ رو۔ اُو کام تے بووھا گیا۔
5
۵۔ اُو بݪے چھیویں تے ناویں گھنٹے میں آیو تے اُواں ہی کیو۔
6
۶۔اُوے خاں پچھے اُو اگیارویں گھنٹے میں گیو تے بݪے وی مزدوراں ناں بےکار اوبھڑا ݙٹھا۔ اُوے اُؤاں خاں کہیو، " تھیں کیاں اتھے خارو ݙن بے کار اوبھا ہو؟
7
۷۔ اُواں اُوے ناں کہیو، " کیاں کے کہیئں بھی مھاناں کام کونی ݙھنو" اُوے اُواں کہیو، " تھیں بھی باغ میں جاؤ"
8
۸۔جݙے انڈھے ہوئی تو باغ رو مالک آیو آݨ آپ رے رکھواݪے خاں کہیو، خاراں مزدوراں ناں ھیلو کر۔ آݨ آخری مزدور خاں لے رو پہلی آݪے تک خاراں ںاں اُواں ری مزدوری ݙے ݙو۔
9
۹۔ڄفے اُو مزدور جکے ناں اگیاروے آݪے ناں مزدوری تے لایوگیو تو آیا تو اُواں میں ہر ہیک ناں ہیک روپیو ملیو۔
10
۱۰۔ جݙے پہلی آݪا مزدورآیا تو اُواں سوچیو کہ مھاںاں گھݨی مزدوری ملخے، پݨ اُواں ناں بھی ہیک روپیو ملیو۔
11
۱۱۔جݙے اُواں ناں اُواں ری مزدوری جوڑی۔ تو اُواں زمیندار رے بارے میں دھاں ݙنھی۔
12
۱۲۔ اُواں کہیو ائیاں مزدوراں صرف ہیک گھݨو کام کیو پݨ تیں ائیاں ناں مھارے برابر مزدوری ݙھنی ہے۔ جݙے کہ مھاں تو خارو ݙن اُواں خاں گھݨو کام کیوھاں، آݨ گرمی تے تاوڑ خی ھاں۔
13
۱۳۔ پݨ مالک اُواں میں خاں ہیکے ناں جواب ݙھنو تے کہیو، "یار" میں تو کوئی غلط کونی کیو۔ کی توں میں خاں ہیکے روپیے تے راضی کونی تھیو تو۔
14
۱۴۔ اُو لے جکو تاجو حق ہے۔ آݨ آپ رو مارگ جھال۔ اِے منجی خوشی ہے کہ ہُوں آخری میں آیوݪے مزدور ناں تاجے برابر مزدوری ݙھاں۔
15
۱۵۔ کی اِے منجو حق کونی کہ جکو مرضی خاں آپ رے پیخے خاں کراں۔ یاتاجی آنکھ میں برائی ہے۔ کیاں کے ہوں ٹاوکو ھاں؟
16
۱۶۔ پݨ پہلا آکر آݨ آخیر آݪا پہلی کیا جاخے۔
17
۱۷۔جݙے پربھویسوع مسیح یروسیلم جاوتو پیو تو مارگ میں آپرے ٻارہ چیلاں ناں ہیکے پاخے لے گیو آݨ کہاݨ لاگو۔
18
۱۸۔جوؤ مھیں یروسیلم جاؤیں واں آݨ پربھویسوع سردار کاہناں آݨ فقہیاں رے حوالے کیو جاخے آݨ اُو اُوے ناں موت ری سزا ݙیخے۔
19
۱۹۔ اُوے ناں غیرقوماں رے حوالے کرخے اُو اُوے تے ہخا(مزاق) کرخے، کوڑا مارخے آݨ اُوے ناں خوݪی ݙیخے، پچھے اُو تیجے ݙن مؤوڑاں خاں جیوتو ہوخے۔ (جیوتو کیو جاکے)
20
۲۰۔ پچھے زبدی رے ݙیکراں ری ماں پربھویسوع کوڈھی آئی اُوے پربھو ناں نمسکار کریو آݨ کنیک پوچھݨ لاگی۔
21
۲۱۔ پربھویسوع اُوے ناں کہیو، تاجی مرضی ہے اُوے کہیو حُکم ݙے کہ تاجی باچھائی میں مانجو ہیک ݙیکرو تاجے خاجݪی آݨ ٻیجو ݙیکرو کھاٻݪی ٻیخے۔
22
۲۲۔ پچھے پربھویسوع اُوے ناں کہیو، تو کونی جاݨتی کہ کی مانگی وی کی تو ائیے رے قابل ہے کہ اُو کُوپ پیو جکو ہُوں اُو کُوپ ہُوں پیݨ آݪو ہاں۔ اُواں اُوے ناں کہیو، ہاوے مھیں ائیے رے قابل ہاں۔
23
۲۳۔اُوے اُواں ناں کہیو، تھیں ضرور مانجو کُوپ پیخو رو، پچھے مانجے خاجݪی آݨ کھاٻݪی پاخے ٻیخاݨیں رو حُکم مانجو کونی پچھے اِے گھر اُواں ناں ݙنھی جاخے جکے رے خارو مانجے ٻاپ ٻݨایوہے۔
24
۲۴۔ جݙے باقی ݙخاں(دس) چیلاں اِے سݨیو تو اُواں ٻہیاں خاں گھݨاں نارض ہویا۔
25
۲۵۔ پچھے پربھویسوع اُواں ٻہیاں ناں آپ ݙیخا ھیلو کرایو آݨ کہیو تھیں جاݨئی کہ غیرقوماں را حُکم ݙاݨ آݪا آپ رے ماݨخاں ناں نوکر بݨاوتا را آݨ اُواں را خاص منکھ اُواں تے حُکم چیلاوتا رہی۔
26
۲۶۔پچھے تھاں ائیہاں نی ہووݨ چائجے کیاں کے تھاں مھیں خاں جکو موٹو بݨݨ چاوی اُو شیواکار(غلام)بݨے۔
27
۲۷۔آݨ جکو کوئی اگیا ہوݨ چاوی اُو شواکار بݨے۔
28
۲۸۔ جیکر پربھویسوع شواکرواݨ کونی کیاں کے شوا کرݨ آیو، آݨ آپ ری زندگی گھݨیاں زندگیاں رے خاروں قربانی رے طور تے ݙیوݨ آیو۔
29
۲۹۔ جݙے اُو یرِؔیحو خاں نخیرݨ لاگا تو ہیک گھݨو ٹوݪو اُواں رے لارے آیو۔
30
۳۰۔ آݨ اُواں ٻئے اندھا منکھاں ناں سڑک رے پاخےب ٻیٹھوڑا ݙٹھا، جݙے اُواں خݨیو کہ پربویسوع بہوؤ جاوی تو اُو رڑے کرݨ لاگا آݨ کہیو، اِے پربھویسوع مھاں تے کرپا کر۔
31
۳۱۔ پچھے ٹوݪے آݪاں اُواں ناں دڑکا ݙاݨ لاگا کہ چھپ کرو تو اُو گھݨے رڑے کرݨ لاگا آݨ کہیو، اِے ایشور پربھویسوع مھاں تے کرپا(رحم) کر۔
32
۳۲۔ پچھے پربھویسوع ابھیجو آݨ اُواں ناں کہاݨ لاگو کہ تھیں کی چاوی کے ھوں تھارے خاروں کراں؟
33
۳۳۔اُواں کہیو کہ ایشور اِے کر کہ مھاری آنکھیں کھُل جاوے رے۔
34
۳۴۔ پربھو یسوع ناں اُواں تے ترخ آیو، آݨ اُو اُواں رے آنکھیاں ناں ہاتھ لگایو، آݨ اُو اُوے گھڑی خاجا کھورا ہو گیا آݨ اُوے رے لارے ہوگیا۔